شروط الصداقه 😔😔

البارد الرابع

كملت مكالمتي وجنت ادعي من كل كلبي يطلع هارون مثل ماتكول عليه جوان
ثاني يوم الصبح كعدت من النوم نزلت جوه شفت ماما وبابا وجوان كاعدين يتريكون
.... صباح الخير
.... صباح النور
جيت كعدت يم جوان اتريك شفت جوان صافنه ووجهه شاحب اووووف ياربي والله مليت من هذا السالفه شفت بابا جان صافن بجوان وماما متكئبه
واني زاد كتئبت وياهم
شفت بابا كام وكال ال ماما تعالى ويايا اشو راحو ضلو بالغرفه تقريبا ساعه جت ماما جانت طايره من الفرح بوست جوان وكلتلها هسه راح أخبر الجماعه اكوللهم خلي يجون حتى نتفق عل خطبه
اني وجوان كمزنه
جوان صدك ماما
ام شلير اي حبيبتي ابوج وافق
جوان. راحت حضنت ماما وراحت عند بابا عل غرفه
بوست بابا وعتذرت منو
أبو شلير جوان حبيبتي انتي غاليه عليه واني ما بيوم فكرت اأذيج ورفضي ال هارون جان لمصلحتج انتي بعدج صغيره وما تفتهمين بس شفت أنتي  مصره على هذا الولد كلت ماراح أكف بطريقج بس انتي راح تتحملين المسؤليه
جوان... صدكني بابا هارون ماكو مثلو انت من تتعرف عليه راح تحبو كثير صدكني
الأب.... انشالله يطلع مثل ما انتي اتكولين
جوان باست رأس بابا وحضنتو
ماما خبرت الجماعه وكلتلهم نحنا موافقين وقررو بليل يجون عدنا يتفقون عل مهر وهل سوالف
كمنه اني وماما وجوان عزلنه البيت وسوينه غده اتغديت وكلت ال ماما راح اروح عد روباك
ام شلير روحي حبيبتي بس لا تتاخرين لأن بليل الجماعه راح يجون
شلير اوكي
دلشاد..... شلير اني راح اوصلج
شلير..... ومن وين نزلت عليك هل طيبه
دلشاد.... هسه بدون مياعه و روحي تحضري
شلير.... عابت
رحت لبست فستان اسود طويل وفتحت شعري وسويت بيهه تسريحه بسيطه وحطيت مكياج بسيط نزات جوه شفت دلشاد ينتظرني
شلير.... يالله امشي يا عاشق الولهان
دلشاد... انجبي
شلير.... انجبيت
رحنه على بيت روباك دا انزل من السياره دلشاد كالي دقيقه لا تنزلين خبريها خلي هيا تجي
شلير... ليش
دلشاد... ها لا مو اخاف عدهم احد
شلير.... ما فتهمت
دلشاد... لا تفتهمين ما يحتاج خبريها خلي هيا تجي
شلير.... اوكي
خبرت ال روباك دا تجي تفتحلي الباب اني اعرف مو لشي دلشاد كالي خبريها بس اني اعرف يريد يشوفها جت روباك يم السياره سلمت علينه
روباك.... اشبيج اشو ما تزلين
شلير.... انتضر ليما الأستاذ دلشاد يسمحلي انزل
روباك.... اشووون
دلشاد.... لأعلى منها هاي تتساخف المهم دير بالج عليها
روباك.... (بصدمه) اوكي من عيوني
دلشاد... تسلم عيونج الحلوات
روباك... 😲😲😲
دلشاد... شلير بعدين خبريني دا اجي اخذج علبيت
شلير..... اوكي🤨
فتنه جوه
روباك.... اشبي هليوم دلشاد
شلير.... عشكان
روباك..... عشكان منووووو
شلير.... يا ثوله غير يحبج وعاشكج
روباك.... شلير بدون سخافه
شلير.... اشبيج والله ما عد اساخف وياج دلشاد فعلا يحبج
روباك.... بس انتي تعرفين اني احسب دلشاد مثل اخويا ومستحيل افكر بي غير شي
شلير... بس هذا مو حجي
روباك..... شلير رجا لا تضغطين عليه وإذا دلشاد سئلج اي شي كوليلو اني اعتبرو كأخ إليه
شلير ما اعرف اش صار بيه من روباك حجت هل حجي اختنكت بس جنت اريد اطلع من عدها صحيح دلشاد ابد ما كايلي هو يحب روباك بس نحنا بلبيت كلنه نعرف هو شكد يحبها ويتمناها واني ابد ما جنت اتوقع روباك ترفض دلشاد بس هاي حياتها واني ما أكدر اجبرها اتوافق على دلشاد بس اني راح احجي ويا دلشاد حتى يبتعد عنها لأن روباك تعتبرو مثل اخوها اووووف يالله
ضليت للعصر عدها بعدين خبرت دلشاد دا يجي ياخذني جا عليه دلشاد نزلت بس روباك ما نزلت ويايا جيت صعدت بالسياره وشفت دلشاد يدورها بعيونو كالتلو يالله امشي
دلشاد.... ها
شلير... اكول خلصت تكدر تمشي
دلشاد.... اوكي
وصلنه علبيت ما حبيت دلشاد يضل عايش بهذا الوهم كلتلو اريد احجي وياك
دلشاد.... ليش شكو
شلير.... خلي نروح على غرفتي ونحجي
صعدت فوك  على غرفتي جا دلشاد ورايه
دلشاد.... شلير صاير شي احجيلي
..... انت تحب روباك
.... هااااا
.... اضن سؤالي واضح
.... أي احبها ليش تسئلين
.... روباك ما تحبك
.... وانتي. من وين تعرفين هيا ما تحبني
... روباك تعتبرك كأخ الها
.... بس اني ما اعتبرها كأخت ليه
.... دلشاد. كافي تعيش بهذا الوهم صعب روباك تحبك
.... ليش صعب تحبني احجي الصراحه هيا تحب غير واحد مووو
.... لا والله ما تحب احد
.... كذابا
..... والله العضيم هيا ما تحب احد اني اعرفها زين
... لعد ليش.
.... معرف معرف
.... بس اني احبها ومن زمان
.... معرف
..... شلير حبابه ساعديني
.... اشون اساعدك
.... أريد احجي وياها
.... يعني أتريد رقمها
.... لا أريد احجي وياها وافهمها اريد اشوفها لازم تجيبينها عدنا علبيت دا احجي وياها

.... ماشي
.... شكرا حبيبتي
دلشاد نزل جوه واني كعدت افكر اشون اجيب روباك عدنا دا دلشاد يعترفلها اوووووووف بعد تفكير طويل نزلت جوه تعشيت ورحت ساعدت جوان لأن هليوم راح يعقدون ويسون حفله بسيطه يعني خطبه خبرت صديقاتي  وامي خبرت خوالي وبيت عمي حتى يجون عدنا صعدت فوك لبست فستان طويل أخضر  مخصر وفتحت شعري وسويت تسريحه يجنن وحطيت مكياج طوخ  وكعب اسود رحت عد جوان بالغرفه لبست فستان طويل ماروني وفتحت شعرها سرحتو وحطت مكياج طوخ وحمره ماروني طلعت اتجنن جوه صديقاتي. شافو جوان
شفين .... واووووو شنو هل جمال.
جوان.. .. تسلمين
شفين..... اتمنه هارون زاد هيجي حلوو
جوان...... وبعد احلا مني
رجوان...... واووو شوقتينيه نشوفو
ماما صيحتنه كالت جو أهل العريس نزلنه جوه جانو كومه الزلم فاتو عل استقبال ويا بابا وخوالي وال نسوان فاتو جوه ويانه اتفقوا على كل شي جانو جايبين المهر وياهم بابا صيح على ماما كال خلي جوان تجي حتى يعقدون ماما جت أخذت جوان عقدو وسمعنه صوت هلاهل وهوسه
جت جوان جانت طايره من الفرح واني دعيت من كل كلبي تبقه فرحانه ماما جت كالت هسه هارون راح يجي
جا هارون دحكت عليه شكلو مقبول يعني ما عليه هذاك الجمال الي جوان كالتو ما اعرف يمكن جوان من كثر حبها لهارون صارت تشوفو كثير حلو
المهم جابو ديجي وكضينها ركص ليما راحو
بعد مرور ثلاث  اشهر من الخطبه ضلت حياتنه عاديه وكل يوم هارون جاي عدنا علساس يشوف جوان بس الصراحه اني ابد ما رتاحيتلو لأن من يجي عدنا يضل يدحك عليه واني هذا الشي ما يعجبني وحجيو كلو سخيف وجوان الثوله طايره بي اووووف منها واشوف بابا صار يضوج منو حتى ماما كامت اتضوج منو بس الكل ساكت وما يحجي لخاطر جوان ما تزعل.... مريت بمرحلة صرت من هارون عدنا ما اتواجت بلبيت اطلع يم صديقاتي
جنت بغرفتي. اسمع اغاني دلشاد دك الباب
دلشاد.... ممكن اتفضل
.شلير.... اشو صاير محترم
.... انجبي ولج
..... انجبيت شتريد مني
.... يعني ما تعرفين شريد صارلي شهر حاجي وياج بموضوع روباك وانتي كلشي ما سويتي
... اعذرني. دلشاد بس والله جنت ناسيه لأن التهينه بخطوبه جوان
.... ما صار شي يالله هسه خبريها
.... هسه
.. أي هسه محد ماكو بلبيت
.... ليش وينهم
.... بابا طالع عل شغل وماما راحت على بيت عمي وكاوه طالع وجوان رايحه ويا خطيبها
..... هااااا اوكي هسه راح اخبرها
.... يالله خبريها
خبرت ال روباك كلتلها تعااي عدنا كالت راح أخبر الشله دا نجي ويا بعض كلتلها اوكي براحتج وسديتو
دلشاد.... ولج شنو براحتج اني اريد احجي وياها هيا مو ويا صديقاتج كلهم
شلير.... دا اصبر دقيقه
خبرت ال صديقاتي كلتلهم إذا روباك خبرتكم دا تجون عدني لا تجوان طلعولكم حجه سئلوني ليش كلتلهم بعدين اكوللكم
دلشاد.... فديت اختي الذكيه
شلير.... أي هيجي سويت حتى ما تحس لأن إذا كلتلها لا انتي برحدج تعاي راح تعرف انو انت أتريد تحجي وياها واحتمال ما تجي
دلشاد..... فديتج يا ذكيه
شلير.... احم احم