ساصل اليك

البارت الثالث

الفصل الثالث

ذهبت حفصة بهمة الى الجريدة واتصلت بمساعدها السرى
حفصة : السلام عليكم
المساعد : وعليكم السلام
حفصة : فى قضية قاتل متسلسل عايزة كل تفاصيلها واى خطوة جديدة للعقيد فهد القاسمى فى القضية
المساعد : فهد .....فهد القاسمى مفيش مشكله ساعة وكل الاخبار تكون عندك
حفصة : تمام اوى
اغلقت الهاتف و بعد ساعة زمن بالفعل جائها اتصال مساعدها الذى اعطاها البيانات الجديدة وبالفعل اصبحت مطلعة على جميع اطراف القضية

،،،،،،،،،،،،،،،،،

فى ظلام الليل يجرى باسرع ما يمكن ......... هموت ........الحقونى يارب انقذنى ...... الحقونى  ابعد عنى ....ابعد عنى 😨
معملتش حاجة والله العظيم معملتش حاجة الحقونى .......الحقوووووونى
فى نهار اليوم الجديد
مكتب فهد :-
فهد : ادخل
الشاويش : حفصة عايزة تقابل حضرتك يا فندم
فهد : خليها تدخل
حفصة : السلام عليكم
فهد : وعليكم السلام نظر لها ينتظر ان تبدا
حفصة : قضية المتسلسل حصل فيها جديد
فهد بسخرية : لا بجد وانتى بقا الى جاية تقوليلى
حفصة : لا مش جاية اقولك انا بعرفك بس انى عارفة كل تحرك للقاتل ودة خلانى اعرف تحركة الجديد ودلوقتي حصل قضية قتل
فهد : ومين بقا الضحية الجديدة ؟!
حفصة : اظن محمد الشريف
فهد بسخرية : وكمان بتخمنى
حفصة بغيظ : انا ..... لم تكمل حيث جاء اتصال لفهد
فهد : الو .... اية امتى الكلام دة ....طيب خلاص
نظر لها بخنق قائلا : تعالى معايا
حفصة بانتصار : الضحية الجديدة صح
فهد بانزعاج : تيجى وانتى ساكتة ياما متجيش خالص
صمتت حفصة على مضض وظلوا فى الطريق حتى وصلوا
فهد : المعمل الجنائي وصل
مدحت : وصل يا باشا وخلصوا
فهد : كويس متدخلش حد علينا لحد ما نخلص
مدحت : امرك يا باشا
دخل فهد وخلفة حفصة ينظرون إلى المكان بتفحص
حفصة وهى تسجل : الضحية الثانية قطع الاطراف وتشوهات فى الجسم تعرض القتيل الى عنف قبل الموت شهقت وهى تقول بعض الاجزاء مش موجودة القلب مش موجود والتسلسل فى ايدة كما الضحية السابقة
اغلقت المسجل ولحقت بفهد
حفصة : الى حصل دة متدبر وهو قاصد يورينا ويوصلنا للاستنتاج دة
نظر لها فهد بتفحص : اشمعنا ما يمكن بينتقم عادى
حفصة بعيون دقيقة : لأ دة مش انتقام عادى دة عايزنا نوصل لرسالة معينة
فهد : اية الدليل على كلامك
حفصة وهى تشير : هو دة الدليل انتزاع القلب من مكانة لية سبب وغير كدة اطرافة مقطوعة بشكل عكسى الضحية الاولى كانت مقطوعة الاذن ودة معناة ان الضحية الجاية هتكون فاقدة شئ
فهد : كلامك مش موثق ومش شرط يكون صح دى مجرد تكهنات لحد هنا و كفاية انا سبتك مدة طويلة
ثم قال بصوت عالي : يا مدحت
مدحت : امرك يا باشا
فهد : وصل الانسة لبرة ومدخلش حد
مدحت : امرك يا باشا يلا يا انسة
نظرت لة حفصة بغضب قائلة : انا كلامى صح وهتعترف بدة بنفسك ساعة متلاقى الضحية التالتة فاقدة جزء من جسمها
نظر لها فهد باستخفاف : شرفتى يا .... انسة
خرجت حفصة وظل فهد ينظر للضحية ويفكر فى كلام حفصة
وقال لنفسة : يا ترى اية سبب الكود الى على شمال كل ضحية وفين القلب ؟!

،،،،،،،،،،،،،،،،،،،

دخلت حفصة المنزل كالعادة تحول من السكون الى الضحة
ماما ........ ماما ماما ماما يا ست الكل جيبا معاكى كلب وفل
عبير : كلب يا قطة دى اخرة دلعى فيكى جيتى بدرى يعنى
حفصة : والله يا ست الكل انا كنت ناوية اتاخر شوية ولكن الظروف حكمت بكدة بعد ما سبت قلبى ليكى ومشيت الشوق رجعنى يا عسل ههههه
عبير بضحك : بطلى بكش يا بكاشة قرى واعترفى اية الى حصل
حفصة وهى تتجة الى غرفتها : فاكرة الظابط الى قلتلك علية
عبير بتفكير : مين العقيد فهد
حفصة : اة هو كمان عقيد اية دة اخرة شاويش
عبير بمعاتبة : دة شاويش يا شيخة حراام عليكى دة واخد جوايز كتير على شجاعتة و ذكائة
حفصة بلامبالاة : ولا يهمنى دة ولا بيفهم حاجة تصورى عرفت اجيب اطراف القضية وهو نايم فى العسل
عبير بتساءل: وعرفتى ازاى بقا
حفصة : اقولك بصى يا ستى انا اصلا ليا اتصالاتى وغير كدة هو انا مش درست الجريمة واسبابها غالبا بيكون شخص دة مريض نفسى وطبعا شوفت حاجات زى دى كتير بس برة اول مرة اشوفها فى مصر 
عبير بخوف : خلى بالك من نفسك لوحد عرف انك بتساعدى الظابط ممكن يحاول ياذيكى
حفصة بهزار :  اوعى تخافى يا جميل دانا اكل الظلط ههههه
ذهبت حفصة الى غرفتها مركز اعمالها واغلقت الباب لتقول
حفصة بحماس : ماهو انا لازم اعرف المجرم دة يعنى لازم اعرفة وانت يا فهد باشا هتترقى على حسابى وساعتها اوريكم مين هيا حفصة ونظرت الى اللوحة التى يتوسطها صورة استفهام كبيرة و حولها الخيوط
-------------------