#قصه_غزل
البارت الثالث عشر
علي: مرت ايام واني شارع مااشوفه من شغل للبيت ومن بيت للشغل و بالبيت كله بغرفتي اعتزلت ويه ذكريات تعبني الشوك خلصت العطله ورجعنا للدوام وهنا جنت شايل هم اني يوسف نفس الشعبه وواحد بصف الاخ شراح يصير هاي السنه
غزل: خلصت العطله واني التهيت احضر للجامعه من ملابس ومكياج واكسسوارات مانسيت علي ولا لحظه حاولت الهي نفسي وممكن نجحت ما بقى على دوام بس اسبوع واحد متحمسه لكن اكو غصه بكلبي
يوسف: باجر ابلش اداوم مااعرف شراح اصرف واخذتني موجه ذكرياتي الي اني وعلي واول يوم النا بالجامعه وطلعاتنا وونساتنا وماحسيت الا عيني بدت ادمع حاولت اطرد دمع من عيني واخابر زهراء
زهراء: الووو حبيبي شلووونك 😍
يوسف: يعمري شلوونج
زهراء: تماام بسماع صووتك يروووحي
يوسف شبي صووتك ؟؟ ليش تعبان
يوسف: اي والله زهرة تعبان حيل
زهراء: سلامتك حبي من شنوو
يوسف: زهرة باجر الدوام
زهراء: اي
يوسف: اي وباجر اشوف علي صديق عمري لكن ما اريد اتواجه وياه لهسه شايل كلبي عليه ومااكدر انسى دكته بيه
زهراء: والله ما اعرف شنو اكولك بس يوسف اعذره وشوف حاله شلون هسه
يوسف: والله من اشوفه واشوف غزل انقهر بس مابيدي شي ولا اكدر اسامح
زهراء: مو سامحت غزل ليش ماتسامح علي
يوسف: حتى اذا سامحت بس الثقه مو مثل قبل وعلي مستحيل اسامحه مستحيل
زهراء: الله يهديك ويريحك
يوسف: اووك حبي اني اسد فون اريد انام
زهراء: نوم العافيه حبي يتابع 🤓
علي: ثاني يوم كعدت الصبح علمود اداوم بدلت وكملت من طلعت من باب البيت شفت يوسف باوع عليه ودار وجه
يوسف: طلعت صبح داروح للدوام شفت علي ماكدرت اباوع بوجه فدرت وجهي بسرعه عنه
علي: رحنا للجامعه واماكنا تغيرت ماجتمعنا اني ويوسف خلص اليوم ومر اسبوع على دوام بدت الدراسه كمت الهي نفسي بالدراسه
غزل: داومت اول يوم بالجامعه اجواء حلوة وغريبه هواي شفت ولد. وبنات وشفت كبلات سوى يتمشون ويضحكون تمنيت لو علي يمي ولكن بعدت هاي فكرة عن بالي لين مستحيل يصير الي بيووم مر على الدوام ١٠ ايام تعرفت على بنات وصرنا كروب دخلنا محاضرات ومختبر هواي جانت حلوة دراسه صح صعبه بس الدكاترة سهلين ويانا
علي: مشى شهر بيوم داروح للدوام شفت غزل طلعت من بيتهم تريد تركب الخط باوعت بعينها وحسيت كلبي راح ينفجر لكن تذكرت كلام ابوها وكلام يوسف درت وجهي ومشيت واني كلبي يتكطع
غزل: الصبح سمعت هورن الخط طلعت وشفت علي توه يطلع من بيت باوعت بعينه لكن هو دار وجه وراح
علي: ظلينا اني وغزل مبتعدين خلصت امتحانات الكورس الاول واخذت نتيجه جان تقديري بكل الدروس جيدا جدا وممتاز
غزل: ما بقى شي على الامتحانات حاولت انسى علي وبالفعل لهيت نفسي بدراستي وتناسيت مو نسيت علي مرت الايام بينا وخلصت امتحانات الكورس الثاني ونجحت سنه كامله مرت عليه بحزن تارس كلبي وضحكه كاذبه ارسمها على وجهي تقريبا جانت حياتي هادئه من مشاكل لحد مااجه اليوم الي قلب حياتي راس على عقل اليوم الي كان بدايه لسبب كرهي لاي شخص بالكون يتابع..........
