#اغفري-خطئي-حبيبتي
الجزء الرابع
بقلمي نورا غدرني الزمن
بيج قصص ليل وعشگ
شهد :رحت تبعت ريم وحاجيتهه
ريم ريم اوگفي تسمحيلي اكولج انت وحده سخيفه وتافهه تره عيب عليج نسرين بعدهه عروس عدكم وهيج دتجرحيهه واني امشي وراها وهي تمشي وتلتفت الي واني عصبت حيل وطلع حسين من الغرفه ونضربت بي صفح
حسين :خير بنت عمتي شبيج معصبه ؟
شهد :ريم هوايه دتجرح نسرين يعني مالهه حق تعرفها على حبيبت زوجها القديمه
حسين :😠خزرت ريم بس ماردت ارزلها كدام شهد مهما يكون هي اختي الوحيده ومااحب اجرحها كدام احد ...اهاا شهد نعتذر ان شاءالله راح احاجي ريم بهالموضوع ...ريم 😠تعالي احاجيج راحت شهد وبقت ريم
حسين :ريم شنو هالتصرف هاا ولزمته من ايدهه
ريم :عوفني لااكول لبابا (بيج قصص ليل وعشگ)
حسين :ليش مو اني اكول البابا احسن ...ريم تصرفي عدل وعقلي وكبري وهذا السويتي غلط لسه اول يوم الها هنا نسرين وانت هيج سويتي
ريم :اي حسين موقصدي بس هم خطيه ساره بنت خالتي وصديقتي وقلبها انكسر
حسين :ليش نسرين مو بنت عمج واخوج ماانكسر قلبه من حضرت ساره تزوجت وهو ع فراش المرض
الهام :شبيكم فضحتونا تتناكرون صوتكم وين واصل
حسين :احجي وياهه ماما ماادري على شنو ناويه
ريم :اي حشت راسك شهوده عليه هاا من هسه متفقات عليه هي ونسرين يردون يهججوني
الهام :اشش شنو هالحجي ولج نسرين لاهيه بضيمهه وبعدهه عروسه ووراها اففف ضيم وانت هذا حجيج
حسين :وبعد وبعد وتوهه تعرفت على حبيبة زوجها وبعد شنو وراها الله يعلم
الهام ؛😳منو گللهه على ساره
حسين :بنتج المصونه
ريم :😒غلطت بيها شي
الهام :عزا العزاج اوف .../وبعدين هي اكيد راح تعرف متشوف اخوك شون مكابلها وكاعد اروح احجي ويا احسن
الهام :زين تعال حبيبي شويه
زين :ها ماما تردين شي ؟
الهام :زوجتك وين حبيبي
زين :(تحسرت)ماعرف
الهام :تره ميصير هيج زيوني ع الاقل تره اهلها هنا وهذا اول يوم زواجكم ميصير حكم تصرفاتك ياابني
زين :هف وهسه اني شنو مسوي ياامي خو ماالزمهه لو اربطهه بأيدي
الهام :لاياامي مو هيج بس ويه ساره ميصير مكابلهه صارلك اكثر من 3ساعات خلي اعتبار الزوجتك ياعزيزي
زين :ماما انت اكثر وحده تعرفين شكد متأذي اني يعني عريس ع كولتلج اول يوم اله يروح وي زوجته للدكتوره
الهام :ياابني هي البنت مالهه ذنب راعي مشاعرها يعني حالك مو احسن من حالها هم عروس وراهه عمليه
زين :والمطلوب مني شنو هسه ؟؟
الهام :ابني خفف كعداتك وي ساره واتقرب لزوجتك شويه
زين :(هووف )صار..........
ريم :ساره شبي خالد مديحاجيني ولايرد عليه ليش هيج يسوي بيه اني اذا اهلي درو بلي بينه شراح يكون موقفهم فدووه حاجي لج ليخبلني
ساره :😒والله بيدج ريم كولشي بيدج حاولي تبعدين بنت عمج عن زين
ريم :بس اني شنو دخلي بيكم انت وزين
ساره :اخويه يحترمني وميريد اي احد يأذيني ومراح يتزوجج اذا زين ماتزوجني لان هو يعرف كولش زين بحبي اله وشافني البارحه شكد بجيت وانت كولشي ممسويه تخافين لذلك تصرفي ريومه
ريم :شسوي متكوليلي هسه اخذت رزاله من حسين لان كلت لنسرين انت حبيبة زين
ساره :اخخ من حسين 😒😠تصرفي ريوم وفكري
ريم :شأتصرف ولج مليت من كد ماواكفه يم بابهم واتسمع للحجي
ساره ؛😒😕سحبي نسرين للحديقه واني اتصرف ماشي
ريم :اوكي 😞
.......
شهد ؛ماما تره نسرين ممجبوره تسوي العمليه ..
فاطمه :ولج شهد يالمصخمه اسكتي سدي حلكج تردين نبتلي ولج ابوها اذا طردنه وين نولي يم عمامج تشتهينهم انت ؟
شهد :بس ماما هي ممسويه شي
فاطمه :ولج انت ليشـ.........
نسرين :(😢شهد عادي اني مستعده اسويهه
شهد ؛مو راح تتاذين حبيبي
نسرين :ميخالف
فاطمه :انه رايحه اشوف الهام
شهد :روحي ماما .....نسرين هو مو كلج مراح اعتبرج زوجه ماله داعي هي العمليه تره
نسرين :شهد تحجين وكانما متعرفين ابويه كافي شهد الله يخليج كافي تعبت والله دماغي مداايشيل تفكير وقلبي ميحمل هم بعد نضرات ابويه دتموتني وكانما اني مسويه شي او غلط وجريمه وغير زين وهمه بعد مااتحمل
شهد :اسفه حبيبي مو قصدي قلبي عليج والله
نسرين :حضنتهه اعرف والله بس تعبت اني 😓
........
زين رحت للغرفه مشفتهه طلعت شفت ساره
ساره :زين تعال شويه للحديقه
زين :شنو اكو بالحديقه
ساره :تعال دااشوفك شي شبيك
ريم رحت للغرفه الي ينامون بيهه شهد وعمتي
شهد عمه فاطمه تريدج
شهد :😒اوك...نوسه حبيبي اشوف امي شنو تريد واجي
نسرين :روحي حبيبي اخذي راحتج
ريم :شفتها راحت ...نوسه تعالي نطلع بالحديقه مبين ضايجه انتي
نسرين :لاحبي مو ضايجه
ريم :دتعالي نروح سحبتهه من ايدهه
بالحديقه 👇
زين :هسه صرنه بالحديقه شنو الموضوع
ساره :لمحتهم اجو ريم ومرته اشتاقيت الك ولفيت ايدي على رقبته وخليت راسي ع صدره /مشتاقتلك حبيبي والله مدااكدر اتصورها يمك او البارحه نايمه بصفك مدااتحمل
..
نسرين ؛رحنه للمطبخ باب المطبخ يطلع ع الحديقه الخلفيه بيه
4بيهه نخله وحده وكم شجره وضوه بيهه شفت ساره وزين شفتهه نايمه ع صدره وهو لازم ايديهه ماكملت المنظر اللتفتت على ريم شفتهه مبتسمه رحت للغرفه راسا وبدون مااحجي وبديت افكر ساره مطلقه يعني متخاف من شي وهو مبين يحبها اني شنو مصيري ياربي ليش هيج ديصير الي
بالحديقه 👇👇
زين :من حضنتني لزمت ايدهه ووخرته عني لج ساره شدتسوين
ساره :مشتاقتلك اوف
زين :ساره ميصير هيج اني متزوج هسه رجاءا بلا هالحركات لااحد يشوفنه وعفتهه وفتت للبيت شفت ريم :ها زيوني شفت ساره شلون احلئ من نسرين والله حرامات ساره موالك
زين :😒شبيج انت بعد. شدتحسين هو حجي هذا مال زعاطيط وعفتهه ورحت
ريم :😳😳
شهد :جذابه ريم جذابه امي متصيح الي شسويتي لنسرين
ريم :ماسويت الهه شي وبعدين هي بغرفتها وهسه زين يمها لاتصيرين حشوره خانم 😒
شهد :😠😠😠
زين :دخلت للغرفه شفت نسرين بالغرفه كاعده ع الكرسي مال الميز
نسرين :حلوه ساره وحتى اسمها حلو وخفيف وبسرعه ينحفظ
زين :شنو 😕؟؟
نسرين :زين انت وعدتني لو هسه توضحلي لو اروح وي اهلي وينتهي كل شي احسن
زين :هيهي انت شدتخربطين شبيج
نسرين :اولا الي اسم اني اذا ميعجبك تكوله لتكولي هيهه وثانيا تره عيب عليك واكف حاضنهه بنص الحديقه الحبيبتك اني صح مالي حق اتدخل بس مدام اهلي موجودين كول من هسه حتى اخصمها وارجع وياهم
زين :هه ضحكتيني 😊وابوج شراح تكوليله
نسرين :راح اتحمل كلشي والدكتوره وضحت الحاله انه بريئه وراح اخليك الحبيبتك واخلصك مني وكلشي ينحل
زين :منو كلج هي حبيبتي ؟
نسرين :كلشي واضح كلشي مبين مثل نور الشمس
زين :لزمتهه من ايديهه الاثنين وقربتها عليه كلش صارت عيوني بعيونهه ونفسهه بنفسي منو كلج على ساره ؟؟حسين اخويه مو ؟؟
نسرين :عوفني دتأذيني تره مو حسين الگلي سحبت نفسي بالقوه منه ورحت صوب الباب اجه ورايه اريد افتح الباب حط ايده ع الباب انسدت صار ورايه اني ناطيه اله ظهري دارني عليه حيل وتقرب وجهه كله مني صرت اباوع لعيونه وهو هم
زين :اسمعي لاعبالج تههدديني تره انت اول وحده راح تتضررين واني راح اأذيج خوش افتهمي وصيري عاقله
نسرين :متكدر تأذيني ممسويه شي اني
زين :راح اشوفج شون مااكدر اذيج ومره ثانيه المفروض تباعين عدل وتكملين الي شفتي بالحديقه صح هي حضنتني بس اني صديتهه يمكن ممكمله اللقطه انت لو مكملته وتردينهه حجه عليه
نسرين ؛😑سحبني ودفعني بنص الغرفه وطلع
صار وقت العشا احس نضراته تاكلني هو كاعد كبالي وصرنه مثل الكروب اني وشهد وحسين نسولف ونضحك وهو وساره وريم بس عيونه كله عليه
حسين :خلصنا العشا وساره بقت يمنه وصار الليل وهي ماراحت ...ساره تحبين اوصلج لبيتكم
ساره :اكولك حسين شبيك ويايه هاا شبيك متكولي 😒😒😠😠كاعده ع كلبك اريد ابات هنا بكيفي
حسين :لايمعوده اعصابج شبيج بس مو زين عريس وخاف ميكدر يوصلج ماادري بيج تردين تباتين
زين :خير شبيكم ...ساره :شوفه اخوك شكد يحب يغثني يطرد بيه بهالليل
حسين :😁😁
زين :😒😒حسين وسوالفه متعرفيهه مالها داعي العصبيه
نسرين :صار الليل واجه هو اريد انام اني لبست تراك وخليت شالي على راسي اريد اطلع من الغرفه صار كبالي
زين :وييين 😠
نسرين :اريد اروح انام يم عمتي وشهد
زين :تاكلين تبن وتنامين هنا 😠
نسرين :بالله لاتغلط عليه عوفني ورحت فتت للحمام بقيت ساعه كامله ماطلعت تالي فكرت يمكن يروح يمها فتحت الباب شفته نايم ع الجربايه نوب ماكو لامندر لاشي بس اكو قنفه زغير بدون تكيه خاصه تجي وي الغرف نمت عليهه كعدت الصبح لكيته مغطيني وطالع وصار موعد العمليه ورحنه سويناهه ابويه بس اطمن وراح بقو شهدد وعمتي تاذيت هوايه منها وبالليل كمت رحت انام علئ القنفه حتى اعوفله الجربايه غفيت حسيت بي شالني على كيفه اني خفت لااوكع منه حاوطت رقبته بايديه وجهي يم وجهه
نسرين :شبيك شتريد وعيني بعينه واني منعسه
هو وكف وگال :قابل راح اخطفج 😑
ونومني ع كيفه ع الجربايه وگلي نامي هنا اريح الج انت تعبانه وغطاني واجه مدد يمي 😳😳😳😳
وللحكايه بقيه
نور #
أنت تقرأ
اغفري لي ذنبي
Romanceقصه منقوله للكاتبه نورا ناصر شاب يرغم بالزواج من ابنه عمه التي لا يعرف عنها شئ
