مرحبا حبايبي اليوم جبتلكم قصه حقيقيه واحداث رائجه بالعراق ال وهي تجارة البنات
بارت 1
وهم الحب
بقلم لوتس
الاحداث مقتبسة من قصة واقعية صارت بالعراق وتصير كل يوم
تبدء قصتنه في بغداد 2009 انتقل الى بغداد حي الجامعة عائلة متكونة من 6 انفار بعد ما كانو عايشين بمحافظة البصرة لان ابو البيت .. حسن محمد صالح انتقل شغلة من حقل مجنون بمصافي الجنوب الى مصفى الدور بعد خدمة 20 سنه وكانت العايلة متكونة من
حسن .. ابو البيت مواليد 1955 مهندس نفط رجال مثقف ومتحظر
عاليه زوجة حسن... مدرسة فيزيا
رنا ..اكبر البنات مواليد 1983
ريا الثانية.. 1986
شمس الثالثة 1990
واخر العنقود.. اسماء مواليد 1993
رنا خريجة هندسة تحب فيصل معيد بالكليه وياها وتزوجته
ريا طالبة تربية بايو اخر سنة وتحب سعد ابن خالتها
شمس اداب ترجمة سنة اولى
اسماء اخر العنقود وجانت طالبة سادس
وجانت هاي العايلة من العوائل المحافظة ادب وحشمة ومو كلش مفتوحين بعلاقاتهم و لان جأن الاب متدين والام نفس الحالة ...
صباح يوم 3/10/2009الساعة 6ونص كعدو البنات حتى يروحون لدواماتهم
صباحوووو ماما
صباحو حبيبتي ... كعدو خواتج
اي كعدو بابا وين؟ ؟
ابوج راح للشغل قبل شوية ..يلا اكليلج لكمة وروحي للمدرسة اريد تشدين حيلج حتى اجيبين معدل
ريا..صباح الخير ماما
هلا يمة صباح الخير .. لعد شمس وينها
ريا.. شمس كوة شلعتها من الفراش ما تعرفيها تنام 4 ايام سوة
ولج خلي تكوم كافي صارت طالبة جامعية خلي تبطل كسل راحت الام تبدل وبقو البنات ياكلون
فاتت شمس وشعرها مكفوش وبالبجامة ..صباح الخير
ريا..صباح الخير .. شنو هالمنظر
شمس...والله عاد هذا الموجود ماعندي قابلية اكعد مرتبة
ريا..ولج انتي كبرتي همته تترتتبين مو صرتي جامعية
-يبو عاد اسطوانة كل يوم .. والله حبيبتي هاي اني تردوني اهلآ وسهلآ ماتردوني بكيفكم
-شون رد مال وحدة دبشة... استعجلي حتى نلحك ع الخط
-ما اداوم اليوم حفلة تعارف
-اسماء.. ولج مخبلة روحي شوفي ناس بلكت واحد اعمى ينعجب بيج
-ريا هههههههههه بلكت
-شمس اندارت ع اسماء .. اكلي وسدي حلكج لا اسوي شعرج مكناسة
راحو البنات للدوام وبقت شمس نظفت وطبخت ورجعت امها وا خواتها للبيت وصارت الساعة 2 ووصل ابوهم للبيت واستقبلته امهم
-الله يساعدكم عيني
-تعيشين .. شونكم
-داعيلك
وكعدو يتغدون وعلى الغدة.
-الاب.. اليوم خابرني مجيد زوج اختج مرضية
-الام خير ان شالله شيريد
-راح يجونة الخميس الجاي .. وباوع الاب ع ريا..وتلون وجهة
-ههههه شو ماكالت مرضية
-ههههه الظاهر جايين على شي معين مو ريا؟ ؟
-غصت ريا .. اح اح اح اح العلم عد الله
-شمس... هههههههههههههههه يا مسكينة شكد بريئة
ريا.. وجع شبيج
شمس وهية تلعب بحواجبها ل ريا... لساني يحكني يمكن راح اهلهل
-الاب ههههههه ام لسان اسكتي لا تحجين
-شمس... ايييييييي والله خطية سعد راح ينشلع كلبه هاي ريا تجلط
الاب.. الله يساعد اللي راح ياخذج لسانج اطول منج وراح الاب يغسل ايدي
الكل .. هههههههههههه
شمس.. جنه ابوية قصفني؟
ريا.. اين الجبهة ان لا أراها
اسماء.. يومن الي وانخطب
باوعتلها شمس.. دبري روحج وطلعي من السادس جنج نملة
ومرت الايام واجوي بيت مجيد وزوجته وابنها سعد وخطبو ريا
مجيد ابو سعد.. والله يا ابو رنا اني سعد من كال اريد ريا بنت عمو حسن ما ناقشته.. لان مالكى مثل تربيتك وتربية ام رنا واتشرف بنسبكم اخوي .. والعرسان بينهم ود وام سعد سأله ريا وحاسه بميولها لسعد
حسن....الله يسلمك والله مالكي احد امنه على بنتي احسن منكم ياخوية وسعد مثل ابن ادب ونسب وتربى على ايدية واعرف معدنه وماعندي مانع بس مايمنع نسأل البنية
-حقك خوية تفضل
راح الاب وسأل بنته
-ها بابا شتكولين موافقه؟ ؟
-ريا منزلة راسها
-بابا جاوبيني
-اي
على بركة الله
طلع وكال ل امها وافقت وشتغلت الهلاهل من ام سعد وخواتها....
تزوجت ريا وعاشو ابيت خالتها ومرت السنين وتخرجت شمس من الترجمة واشتغلت في بنك بالحارثية اما اسماء جانت طالبه مرحلة ثانية ادارة واقتصاد اما ريا اشتغلت بمختبر بالجادرية وتجي ل اهلها كل فترة ورنا موظفة بمكتب هندسي بحي العامل وجانو يلتمون كل فترة
رنا .. اوف والله بزعت من زوجي كل شهرين بمكان مدا اشوفة
ريا.. حقج بس شيسوي غير شغلة
شمس .. اوووف والله العيشة صعبة
الام .. الحياة صعبة يمة لازم تتحملون غير كل هالتعب حتى يجيبون عيشة
رنا وشبي شغل هنا هوة غاوي بهذلة
وبهالاثناء فاتت اسماء ... هلاو شلونكم
رنا.. هلا شو مبدلة؟؟
اسماء اريد اروح يم نغم بالفرع الورانا مسوية كعدت بنات
ريا .. واحنا شنو مو بنات
شمس طبي بدلي وكعدي مو يومية نغم
اسماء.. والله ما ابدل الا اروح
الام شمس سكتي ولا تضلين تدخلين .. روحي ماما اسماء
اسماء فديتج ماميتو .. وراحت
شمس .. يمة صار بلا ملح يومية نغم نغم وترجع بلليل ميصير ترى هذا الشي
رنا.. شنو هاي ليش هيج
الام.. اختج متربية وام نغم مدرسة وياي واعرف العايلة وماعدهم بس ولد وغير وبعدين شمس لا تدخلين وتسوين روحج تفتهمين اني مو غشيمة
شمس.. والله اني موعاجبني هذا الحال
راحت شمس وظلو الام ورنا وريا..
اني موعاجبتني شمس كلش حييييل شايفة روحها تفتهم وهية نفخة
رنا.. لا ماما شمس مو هيج بس خايفة ع اختها
الام .. مو اكثر مني تخاف ..
#نغم
بنت مدرسة جانت ويا ام رنا عايلة محترمة كلش وصديقة اسماء ويروحون ويجون للكليه سوة نغم اختصاص تربية جغرافية
مرت الايام وجانت اسماء تداوم بالجادرية وخلصت السنه والعطلة بلشت اسماء كل كم يوم تروح لنغم وشمس تعترض بس ماكو فايدة لان الام والاب مقتنعين ان بيت نغم عايلة محترمة ومأبيها شي اذا تتونس ويوم من الايام جانت شمس وريا طالعات يشترون غراض بالسوك
-شوفي هذا الفستان حلو ؟
-يعني كو ذاك الشي
-ولج شمس انتي شنو يعجبج فهميني
-شوفي ذاك الاسود يجنن
وبهالاثناء طبت للمحل نغم وخطيبها وشافت ريا وشمس
نغم... هاي منو ؟؟
شمس.. نغم حياتي شونج
ريا .. شونج حبي
نغم حياتي والله مشتاقتلكم صدفة كلش حلوة جيت اكمل جهازي وشفتكم مشتاقة كلش عليكم شونكم شخباركم
- الحمدلله والله دوم ادزلج سلام ويا اسماء
نغم .. والله اسماء بيهة كتلة من انخطبت ما شفتها.
