البارت الثامن
وهم الحب بقلم لوتس
وين؟؟
-ابيت وأمددة ع جربايه وملابسي مشككة واجتني ام ميثاق تضحك وبيدها صور...عرفت وراها انو همة مخدريني ومصوريني ويا واحد وكالتلي تبقين هنا لو تروحين ونفضحج..صيحت وعيطت واخر شي ضربوني وحبسوني بغرفة ويا هواي بنات وحجولي انو همة بنات ليل وصارت وياهم قصص مشابهة لقصتي.. اللي تعدو عليها واللي خطفوها واللي فقيرة واستغلو حاجتهة وغيرها
-وبعدين
فكرت هواي .. اذا ارجع ل اهلي يذبحوني .. واذا عيش هنا هم راح اموت... ف اني ميته بكل الاحوال فبقيت.. يومية ويا واحد شكل ولازم اسمع كلام واتقبل كلشي هيج اصول الشغل... ويومية اموت الف مرة لان صرت ارخص من التراب اللي امشي عليه
-اووووووف منج دمرتي نفسج ودمرتي اهلج بسبب تفكير طايش... لو حاجية لخواتج عن احمد؟؟ مو جان حموج وشوفوج الصح؟
-عماني الحب واستغليت ثقة اهلي...
-المهم .. اني مظطر ابقيج وياي ... لازم اسلمج ل اهلج
-لا عفية رجعني ل ام ميثأق اهلي راح يذبحوني
-زين ارجعج بس بشرط
-شنووو
-نعقد اتفاق ؟
-تقدمين بلاغ على احمد وعلى ام ميثاق انهم استغلوج ب امور غير اخلاقية واني اساعدج ترجعين ل اهلج
-موافقة
خالد سجل كلشي حجته اسماء ورجعت لبيت ام ميثاق ومرت يومين وخالد جمع والتسجيلات ويا تقرير محترم ورفع بيهم بلاغ بالقضاء ودينتظر الاجراءات وبعد يومين خالد راجع طالع بلليل ويا قيدار على كوفي شوب وبين مدا يطلعون مر ماطور من يمهم وانضرب طلقتين وحدة اجت بجتفة والثانية ب ايده ونقلو للمستشفى وبعد العمليات طلعولة الطلقات والصبح صحصح من البنج ورجع لوعية وفتح عيونة واذا قيدار يمة
-الحمدلله ع السلامة عدت ان شالله
-امي.. ماريدها تعرف
-خابرت وكتلها طالع واجب . .. وخابرت شمس قبل ربع ساعة وكتلها تصوبت ههههههه
-ولك ليش
-تجننت بس سمعت وسألتني ع العنوان وجاية
-وشلك بهالسالفة اني كتلك ماريد احد يعرف
-خلي تجي بلكت اطيبك ..وغمز ل خالد
-اووووف منك
وبهلاثناء طبت ممرضة جايبة ورد ورساله
هذا واح جابة الكم وراح
فتح خالد الرسالة مكتوب بيها
)هالمرة بجتفك .. مرة الجاي براسك اذا اندكيت بينه... ام ميثاق(
قيدار... شكد منحلة
خالد.. كول شكد ظهرها قوي اللي تهدد محقق هيج
-وشراح تسوي؟؟
-خلي انشوف اجراءات البلاغ
وطبت بهالاثناء شمس
-السلام عليكم الحمدلله ع السلامة
-الله يسلمج.. لا بسيطة
-وااااي خالد ليش؟ شنو جان اكو هجوم ؟
-هههههههه اصابات عمل عادي
-انته كلت احتمال تغيب يومين وكلش ظل بالي وخابرت وكالي قيدار.. والله عفت اهلي وجيت
-انتي شو ما اداومين؟؟
-عفت شفلي بالبنك وكعدت ويا اهلي
-خير ان شالله
-المهم شون حاسس هسة؟
-زين بس اكو شوي وجع
-جبتلك عصاير و اكل ع خفيف وان شالله شوية انوب يجي المعلاك وعصير الزبيب
قيدار...شنو هالدلال عمي
شمس.. خالد يستاهل اكثر لان وكفلنه بوكت الله لا يشوفه ل احد
وبهالاثناء طب الدكتور
ها خالد شونك هسة
الحمدلله احسن
عااااال وحبيبتك وينها ما اجتك؟؟
-يا حبيبة دكتور
-هههههههههه ولك صدعتنه ب شمس وشمس طول ما انته مخدر تحجي بيها... ماكلة كلبك هاي .. الله يسعدكم ان شالله
قيدار ضحك وخالد تبلل وشمس مدا تعرف شتكول وجان تترخص وتروح
-هاي ليش طلعت ؟؟
قيدار .. هاي شمس دكتور
-لا بشرفك
خالد خلف الله عليك دكتور خربتها
ههههههههههه
مرت ٤ ايام وطلع خللد من المستشفى وراح يكمل شغلة بس تفجأء ان قرار استبعادة من الوظيفة جان ينتظرة ... خالد طردو من وظيفتة و اللي عرفة انو ام ميثاق مسنودة من ناس اقوياء عدهم سلطة واستبعدو من شغلة لان اشتكى على نادي ليلي يستغل البنات ب اشياء لا اخلاقية ....وقرر يواجه شمس ويحجيلها اللي صار خابرها والتقو ب كافتريا قريبة من بيتهم العصر
-اريد احجي وياج بسي شمس واتمنة تسمعيني
-اني شفت اسماء
-انصدمت.. صدك؟؟؟ وينها؟؟
-اسمعي اني لازم اواجه اهلج بالحقيقة حتى تعرفون نهاية بنتكم شنو
-بس فهمني شنو الصار
-اهلج اكدر احجي وياهم
-اي
-صحتهم تسمح؟
-اكلو الصدمة الجبيرة ومتوقعين كلشي
-اجيكم بلليل واحجي ل اهلج الصار
راح خالد وحجى ل ابو وام اسماء اللي صار كاملآ وانو شون اكو ناس بلا ضمير ولا شرف ولان اشتكى عليهم وراد يتحولون للقضاء خسر شغلة
-الاب.. يعني خسرت شغلك واندمرت حياتك من ورى بنتي؟
-لا عمي خسرت شغلي لان استغليتة ب اعمال غير قانونية هذا سبب الاستبعاد... الظاهر الملاهي قانونية وماعرف
-الام والله يا ابني مادري شون اجازيك ومانعرف شون نعوضك
-الاب واسماء وين؟؟
-اسماء اختفت من نادي ام ميثاق دزيت ناس عليها وماكو واكييد لو تسفرت برة العراق او تشتغل ابيت اخر
-اني بنتي ماتت من طلعت من بيت ابوها
-اي فعلآ ابو رنا بنتنه ماتت
-الله يعوضك خير بالباقيات ان شالله
-شوف يا خالد اني حاليآ راح اتقاعد ودرجتي الوظيفية صارت الك بمصفى الدور تعويض عن وظيفتك ورد جميل للشي السويته
-لا عمي ما ارضى هذا جان واجبي
-خلااااص ما بيها مجال حظر اوراقك وشهادة السادس وان شالله بخلال شهر اخليك اداوم ...وطلع من جيبة شيك بمبلغ ٥ مليون.. تفضل
-هذا شكر من عايلتنه الك
-ما اقبل الشيك ولا ب اي شكل من الاشكال انته دتهيني عمي
-حشاك ابني والله يوفقك ان شالله
مرت ٦ اشهر وخلالها العايلة علنت عن وفاة اسماء ب احداث لبنان ودفنوها هناك وظلت قصتها سر حتى ما يخرب شرف العايلة
خالد اتعيين بدل ابو شمس وديدرس معهد نفط حتى يتثبت بشغلة وجان كل فترة يراسل شمس يطمن عليها
وشمس اشتغلت بروضة مال اطفال وجانت تفكر بخالد هواي ل احد ما اجاها بيوم من الايام للروضة وتفاجئت لمن شافته جان كاعد بحديقة الروضة ينتظرها
-خالد؟!
-شلونج
-الحمدلله انتة شلونك؟
-بخير وجاي اعزمج
-على شنو ؟
-راح اخطب
-شنووو؟؟
-اريد اخطب واريد تساعديني
-شمس انقهرت... مبروك بس شون اساعدك؟
-طلع حلقة من جيبة ولبسها لشمس خطبتج من اهلج ووافقو ولبستي الحلقة هاي هية مبروك
-ههههههههه شدتحجي؟
-خطبتج من ابوج البارحة وموافق واليوم اجيتج وجبت الحلقة ولبستج ياها... حدج لليل تفكرين وترديلي خبر لو تبقئ ب ايدج لو ترجعيلي الحلقة
