ذكريات.....الماضي
#البارت_الرابع
#بقلمي_فاطميه_زينبيه
(فاطمه)
#بيج_قصص_ليل_وعشگ
اليوم التالي
الصبح الساعه 7
كعدت ثاني يوم شفت رفيف نايمه وخاله راسهه على ايدي
جريت ايدي وكمت رحت للحمام غسلت وجهي وطلعت
رحت فتحت الكنتور طلعتلي ملابس
اخذتهن ودخلت للحمام بالكوه كدرت ابدل ملابس لان ايدي تاذيني
بعد ماخلصت طلعت من الحمام شفت رفيف بعدهه نايمه
طلعت من الغرفه وسديت الباب وراي
شفت اخوي كاعد بالمطبخ هوا ومرت اخوي يتريكون
...صباح الخير
..صباح النور جراح تعال تريد تاكل
..لا مااريد ماشتهي
بس اريد جاي من ايدج ام احمد
..اي تعال اكعد هسه اصبلك
..رحت كعدت يم اخوي اجه حمودي كعد يمي يلعب بسيارته
..عمو وين راح تروح انت وبابا
..نروح لمكان شوي ونرجع
..اريد اروح وياكم
..لا حبيبي حمودي انت تضل يم امك وخالتك رفيف بالبيت
..تفضل جراح هذا الچاي
..اخذته منهه ...وبديت اشربه
طلعت رفيف من الغرفه راحت يم ام احمد يتريكن
...يلا ابو حمودي خل انروح هم ياله
..اي يلا امشي نروح
يلا احنه رايحين ساعتين وراجعين
ام احمد،رفيف_الله وياكم
...كمت رحت طلعت بره واجه وراي اخوي صعدنه بالسياره
.........
وصلنه لمكان الفاتحه نزلنه من السياره
فرعهم ماينسمع بي غير صوت الصريخ والبجي
دخلنه للچادر جماعه هواي جايين قسم اعرفهم وقسم اول مره اشوفهم
...دخلنه سلمنه على اخوان عمر واقاربه وناصر هم موجود هوا والشباب جايين
بعد ماسلمنه على الكل رحنه كعدنه
وكل ساع داخل واحد
وكل ساع مره تجي واسمع صريخهه يوصل صداه
ام عمر المره منتهيه كلش سمعت من الولد كلساع تتخربط
الله يكون بعونهه
مرت الساعات بسرعه وصار الضهر
كمنه اني واخوي سلمنه على الجماعه وطلعنه
رحنه ركبنه بالسياره .....وبالطريق تذكرت فوني وكفت اخوي يم محل تلفونات
دخلت للمحل عاملت على التلفونات
شتريت واحد وخلاه الي بعلاكه
نطيته فلوسه ..وطلعت من المحل
