ذكريات الماضي

الاخير

ذكريات....الماضي

بارت _التاسع والاخير

#بقلمي_فاطمه
،#بيج_قصص_ليك_وعشگ

نزلنه من السياره تلاثتنه...
ودخلنه للمستشفى..

دخلو رفيف لغرفه ..
وضلينه احنه بره ننتضر...

ربع ساعه وطلعت الدكتوره....

_ها دكتوره شلونهه مرتي .

_لو اتاخرتو شوي جان خسرنه الجنين ..
_دكتوره ياجنين ليش مرتي حامل....

_اي زوجتك حامل واعتقد شايله شي ثكيل وصاير عدهه نزيف...
هسه هيه بخير...تكدرون تدخلولهه...
...
،_،تسلمين دكتوره...راحت الدكتوره واحنه دخلنه للغرفه...
شفت رفيف نايمه وخاليلهة مغذي..

_جراح ابني جان راح يموت واني ممنتبهه ..وتبجي وتكول اني موخوش ام..

_تدنيت يمهه شبكتهه....اشش لاتحجين هيج انتي متدرين بنفسج حامل..

_الحمدلله على سلامتج رفيف
_الله يسلمج ام حمودي...

جراح_وره ربع ساعه طلعنه من المستشفى ....
وصلنه للبيت دخلت رفيف للغرفه غطيتهه وطلعت...

رحت كعدت بره اتصلت على الامر مالتي ....كتله مااكدر باجر اجي...
هوا وافق كال ..راح انطيك اجازه....
تشكرت منه..وسديت الخط ..

وصرت اعتني برفيف اكثر..رغم بعدهه بسرعه تزعل وتعصب بس اتحملهه...

.
.
.
.
.

والاشهر تمر بسرعه ....وصار الشهر التاسع على حمل رفيف...

عرفنه رفيف حامل بتؤم...
وحملهه خطير ومراح تكدر تجيب طبيعي..اله عمليه..

وبهل اشهر علاوي تزوج ..واحله عرس سووله الشباب..واني هم رحت..
شكد جنت اتمنى عرسي يصير نفس عرسه....ويتجمعون صحباني ويزفوني...

وبهل فتره حررنه اكثر من منطقه وطهرناهه...والشهداء تطيح...والجرحه والمصوبين..

جنت كل يوم اشوف الموت كدامي.
.بس ماستشهدت...يمكن الله مايريد اطفالي يتيتمون...مثل ماتيتمت اني..

من التحق...يضل كلبي يم رفيف... وصرت اني الي اراسلهه كلساع ..واتطمن عليهه...

وليلي ماانامه ..من البرد الي يخلي جسمي يرجف...ومن القلق على رفيف..

جنه ننجمع كل الشباب ونكعد داير مداير النار حته نتدفه ...
جنه نتعارك على الماي البارد ...هسه ندور ماي دافي ..والعركه تكب على البطانيات تالي اليل...

الله شكد ايام حلوه جانت..

اخير فتره صرت بين الشغل والبيت...