عدت الايام والشهور وجا موعد سفر رهام ولجين😍😍❤️ واخيراً رجعو السودان وكان يوووم تاااريخي بعد غياب 6 سنوات رجعو لاهلهم واصحابهم ... رهام ولجين نزلوو في بيت لجين لأنو ابو رهام وابو لجين اتفقو انو ينزلو عندهم لأنو اصحابهم واهلهم اغلبهم جمب ناس لجين وكانو متفقين تاني يوم يعملو الكرامه وبعديها رهام ترجع ... المهم وصلو والسلام والبكا م يديك الدرب تقول عزا .... يللا سلمو وبكو والدرامات الحصلت ووو... بعديها رهام ولجين نامو عشان تعب السفر وكدا نامو من الظهر والمغرب كدا منال ومرام مشو يصحوهم
منال : ي زفاااته
مرام : هوووي قومو كفاكم نوم
لجين : ( غطت راسها بالمخده) ياااخ امشو خلونا ننوم
رهام : ( اتغطت بالبطانيه) اوووف طيرو ياخ
مرام : ( جرت منهم البطانيه والمخده) لااااا م بنمشي اتزفتووو قومو الناس جايين ليكم يلقوكم متخمدين
رهام : ياخ تعبانين
لجين : قولو ليهم لسه م وصلو
منال : مرام الا نرجع لي حركتنا القديمه
مرام : الا كدا🤷♀🤷♀
منال : اااي ارح
مشو جابو مويه بارده وكبوها فيهم ورهام ولجين نطو زي الضربتهم كهربا😹😹💔
رهام : اووو ماي جاااد😤😤😤
لجين : شتتتتتتتت😤😤😤
منال : م بنفع معاكم الا كدا
مرام : منال عايني النظرات دي نظرات شنو😐😐😬😬
منال : ون 2 3 جوووو
وجرو ورا بعض والناس يضحكو فيهم
هناء : اصلو البنات ديل م بعقلو 😂😂
ساميه : بري نهااائي😂
نهله : 😂😂 غايتو ربنا يحفظهم
مكارم : اي والله ي حليلهم متعلقين ببعض شديد .. هي م كلمتكم مرام خطبوها
كلهم مبروووك ليها منو
مكارم : ولد خالها عبدالله
نهله : ايواا مبروك ليها وعقبال بناتنا
هناء : عاد بناتنا ي نهله بعد دا نشوف ليهم عريس كبرو وبقدرو يتحملو المسؤوليه
نهله : اي والله وانا كنته بكلم رهام ورهام بتقول لي خلي شويه بعد دا خلاص القرايه وكملتها تاني تعرس ولو دايره تشتغل في بيت راجلها
هناء : اي والله كفاهم بعد دا شغل زاتو م ضروري ليهم لكن بنات الزمن دا م برضن الا يشتغلو
ساميه : يختي خليهم يشتغلو ينفعو نفسهم
مكارم : اي والله هسي مرام كانت دايره تشتغل لكن قلته ليها اقعدي مع اختك موده دي عشان حامل وما بتقدر تقعد براها بعدا دا اتنزل طوالي
نهله : اي خلوهم م حيرضو يقعدو ساي بعد تعبهم دا كلو
هناء : والله هم يستاهلو يشتغلو بنات شاطرات واجتهدو شديد عشان يصلو المرتبه دي
ساميه : اااااي
نهله : صدقتي والله
مكارم : فعلاً والله
وديك بهناك شغالين شغل 😹😹💔 بعد انتهو من شكلتهم ..
منال : اها بتقطعو فينا مش🌚👊
نهله : اااي والله😂
رهام : كااالعاده🐸💔
ساميه : يختي بناتنا كيف م نقطع فيهن
لجين : اي تقطعو زي م عايزين
مكارم : عاد بناتنا كان م قطعنا فيهم نقطع في منو
مرام : ولا زول طبعاً يلا ورونا بتقولو في شنو🌚💔
هناء : 😂😂😂 م بنوريكم كلام حريم
رهام : واحنا م بقينا حريم زيكم
مكارم : لالا لسه شباب انتو
منال : لالاااا بس تورونا
لجين : م بنمشي من هنا كان م وريتونا يلااا
نهله : 😂😂 كنا بنتكلم عن عرسكم بعد دا طوالي تعرسو قلتو تكملو قرايتكم واهدي كملتوها م سألناكم تاني كان دايرين الشغل عرسو واشتغلو
طبعاً بعدا دا بناتنا اقصد صحباتنا بقو عاملين كدا🤐🤐🤐
هناء : ومرام ومنال مخطوبين وكان على العرس راجنكم بس ... بقت عليكم ي لجين ورهام
لجين : لكن..
رهام : ما...
هناء : ي بناتي لو في زول في بالكم قولو لينا م مشكله وهو لو راجل بجينا م بعملو بالدس
نهله : اي عادي اعتبرونا زي صحباتكم
رهام ولجين : لالالالا
نهله : اها مالكم
هناء : والله ي لجين في واحد من اهلنا كلمني وقال دايرك
لجين : شنووو😳😳
كلهم : منووو دا
هناء : مراد اخو معزه ( اتذكرتوهو؟؟ دا الكان بحبها زمان وهي رفضتوو)
لجين : لالالالالا م عايزاهو.
هناء : ليه ي بتي زول فاااهم وواعي وشغل شغال ومتعلم اها
لجين : ي امي والله انا عندي زول وهو قال حيجي قريب
رهام : وانا نفس الشي
نهله : كان بجو بالباااب عديله
هناء : اااي والله لكن ناس اللعب ديل م بنفعو معانا
رهام : لالا م ناس لعب ان شاء الله بتم ع خير
لجين : اي اي
كلهم : ان شاء الله
كملو ونستهم وضحكهم ورهام ولجين حكو ليهم عن الحصل معاهم هناك طبعاً الا حاجات معينه ( امهاتهم معاهم وكدا🐸💔✋ ) يلا نص الليل كدا البنات مشو ينومو طبعاً صحباتنا الاربعه بايتين سوا اتونسو وجزء منهم نام والتاني لا الساعه كانت 2....
