فصلية بنت شيوخ

البارت الاول

مسائكم سعاده احبائي .... قصه اليوم بعنوان
#رواية_بنت_الشيوخ

فتاة يقوم اخاها بقتل شخص فتضطر أن تضحي بنفسها من أجل انقاذ حياته لتبدأ رحلة من الألم والحرمان مع ذلك الجلمود القاسي فهل سيأتي اليوم الذي تتحرر فيه أم تبقى مسجونة الى الابد

#البارت_الاول

جانت كاعده تصلي الحجية ام  علي لمن سمعت هوسه وصياح بباب مال المضيف
  دخلتلها بنتها سمر
ولج يوم الحكي اهل الولد الي نكتل هدو على عمامي وصارت خبصة
امها ودموعها تنزل حسبي الله ونعم الوكيل يارب حلها من يمك ابني وابن حماي يروحون  بيها
والله اذا لزموهم يذبحوهم
نرجع لسمر
سمر بنيه حلوة وشعرها اسود ليل عيونها عسلي وساع رشيقه من تمشي مرتبه الوحيده لاهلها واخوها احمد
تؤم وياها واخوها الجبير علي ابوهم شيخ وتقاليدهم عشائريه

سمر واحمد طلاب علوم بايو مرحله ثانيه
وبيوم جان كاعدين هو وابن عمه مهدي وصارت عركة واحمد ومهدي لزمو الولد شبعو بسط بس مجان يعرفون الولد عنده فتحة بالقلب ومهدد بالموت
المفاجئ وكع الولد عبالهم يمثل احمد كوم يول لتمثل انته شنو مرة كوم والتمو اصدقاء الولد سامر وفكوهم بالكوة شالو الولد للمستشفى
بس موصل لان مات جوى ايديهم هنا الدنيا نكلبت على بيت ابو علي

الولد عنده اخوة يدرس بالخارج طبيب وعنده اخوات اثنين وابوهم اهل الولد الي مات ناس متمكنين مادياً
يعني مو بحال الفصل فلوس ميردون الدم بالدم خلصت الفاتحة واهله وعمامه  هدو على عشيرت ابو علي
واتفقو على يوم يكعدون عشائريا ويتفقون على حل للطرفين
احمد ومهدي سفروهم برى لمن تنحل القضيه
سمر حيل متعلقه باخوها تؤم روحها بس تبجي وحالها ميسر العدو

كعدو العشيرتين يتفقون على حل
ابو علي شيخهم وابنه وابن اخو الي هو خطيب بنته قاتلين اخو الولد المقتول يصيحولة ابوفهد
كاعد وياهم وتليفونه ميسكت كل شويه ويخابر مصادره يريد يوصللهم
ابو علي ابني ابو فهد احنا حاضرين للفصل من المليون للمليار احسن من الدم بالدم وهيج راح يبقى الدم بين العشيرتين للابد

ابو فهد
  والله الي مات هذا اخوي  الوحيد وعزوتي وفرحت عمري
ماريد ديته  فلوس ولاحلال ولا مال
سلموني ركاب الي قتلو وينتهي كلشي
ابوعلي
طفر من مكانه انتم ناوين على شر صارلنة شهرين نفس الموضوع نعيده
ولدنا سفرناهم وانتم شتردون سوو
وطلعو دخل البيت ابوعلي هو واخو ابو مهدي
شنو الحل شراح نسوي
ابو علي خليها ورى ربك مابيدنه شي هذا
ابوفهد ماناوي تنحل الي برگاب ولدنا
ابومهدي فضحونا ونزلو روسنا

سمر سمعتهم يابه ليش مايرضون بالفصل شنو نيتهم ابوها وعيونه مدمعه
والله هذا ابوفهد ناوي عالشر ومبين عليه عنده نفوذ هسه يوصللهم ويذبحهم مبين عليه واثق من روحة يلكاهم
سمر اسم الله الله لايكولها يابه كلشي ولااحمد اكيد هسه تلكون حل وكامت تبجي وتدعي ربهم اخوها وحبيب كلبها وتؤم روحها اذا صار بي شي شلون حالها يصير
سمر كاعده وتفكر وحسبه تاخذها وحسبه تجيبها كالت اروح اني لهذا ابوفهد شنو  اشايف روحة مواحنة اول  واحد يفصل الميت فلوس هو يريد رگابهم فصل
هذا صدك متوحش لبست نقاب وعبايه حتى محد يعرفها بالمضيف وراحت لبيتهم

دكت الباب طلعتلها مرة متوسطه بالعمر كالتلها ممكن تصيحلي ابوفهد
دخلت المرة وراها بشويه طلع شاب عمرة٣٤ سنة طويل ضخم شكلة يشبه للخليج بس مبين شايف روحة تفضلي اختي
شرايده  هيج وكت جايه صفنت بكلبها صدك شرايده شراح اكله باوعتله
اني جايتك بدون علم اهلي اريد اعرف انته شرايد وشنو غايتك ليش  ماتقبل بحكم ربك اخوك الله يرحمة اصلاً جان مريض وانتم تتوقعون يموت  باي ساعه
ليش  تريد تدمر حياة شباب بعدهم طلاب وغلطو ماكو انسان مايغلط

واذا عالفصل ابوي مستعد ينطيك حتى كيعاننه ويتنازل الكم عنها
وحتى البساتين متنازل ابوي عنها  هم اخذو بس تنازلو عن القضيه ارحم كلب  والدته راح تموت بحسرته
واكيد انته عندك والده وتحس بقهرها اتقي ربك وتنازل واذا تكول تريد دم بالدم هاي اني كدامك اذبحني وخلينا نخلص من هالعذاب والحمل .....