معزوفة الموت

الجزء الاول

#معزوفة الموت

ﺍﻟﻌﺰﻑ ﻭﺍﻟﻤﻮﺳﻴﻘﻰ هني ﺣﻴﺎﺗﻲ ﻭﺃﻛﺘﺮ ﺷﻲ ﺑﺨﻠﻴﻨﻲ ﺃﺭﻭﻕ ﻭﺃﻧﺴﻰ ﻛﻞ ﻫﻤﻮﻣﻲ ﻭﻣﺸﺎﻛﻠﻲ ﺍﺧﺘﻼﺋﻲ ﺳﺎﻋﻪ ﻣﻊ ﺍﻟﺒﻴﺎﻧﻮ .. ﺇﺳﻤﻲ ﺗﺎﻟﻴﺎ ﻭﺃﻧﺎ ﻓﻨﺎﻧﺔ ﻣﻦ ﻟﻤﺎ ﻛﻨﺖ ﻃﻔﻠﺔ ﺻﻐﻴﺮﺓ .. ﺑﺪﺭﺱ ﺑﻤﺪﺭﺳﺔ ﻣﺨﺘﻠﻄﺔ ﻣﻮﺳﻴﻘﻰ .. ﻋﻨﺪﻱ ﺑﻨﺖ ﻭﺣﻴﺪﺓ ﺇﺳﻤﻬﺎ ﻛﺎﺗﻴﺎ ﻭﺯﻭﺟﻲ ﺇﺳﻤﻪ ﻧﻮﺭﺱ ﺑﺸﺘﻐﻞ ﺑﺸﺮﻛﺔ ﺃﻏﺬﻳﺔ ﻭﺣﺎﻟﺘﻨﺎ ﺍﻟﻤﺎﺩﻳﺔ ﻣﻨﻴﺤﻪ .. ﺑﻌﻴﺶ ﺑﻤﻨﺰﻝ ﻓﻴﻜﻢ ﺗﺤﻜﻮﺍ ﻓﺨﻢ ﺷﻮﻱ ﺑﺮﻏﻢ ﺇﻧﻪ ﺇﺣﻨﺎ ﺗﻼﺕ ﺃﻓﺮﺍﺩ ﺑﺲ ﺯﻭﺟﻲ ﺷﺨﺺ ﻋﻤﻠﻲ ﺯﻳﺎﺩﺓ ﻭﺑﻔﻜﺮ ﺑﻄﺮﻳﻘﺔ ﻏﺮﻳﺒﺔ ﺷﻮﻱ ﻭﻗﺪﺭﺕ ﺃﻓﻬﻤﻪ ﺑﻌﺪ ﻣﺎﺗﺰﻭﺟﻨﺎ ﻷﻧﻪ ﺃﺧﺪﻧﺎ ﺑﻌﺾ ﺑﺰﻭﺍﺝ ﺗﻘﻠﻴﺪﻱ ﻭﻧﺸﺄ ﺍﻟﺤﺐ ﺑﻴﻨﺎ ﻓﻴﻤﺎ ﺑﻌﺪ ..

ﺯﻭﺟﻲ ﺑﻔﻜﺮ ﻛﺘﻴﺮ ﺑﺎﻟﻤﺴﺘﻘﺒﻞ ﻭﻧﻔﺴﻪ ﻳﻜﻮﻥ ﺻﺎﺣﺐ ﺷﺮﻛﺎﺕ ﻋﺎﻟﻤﻴﺔ ﻟﻸﻏﺬﻳﺔ ﻟﻬﻴﻚ ﻣﺎ ﻛﺎﻥ ﻣﻔﻜﺮ ﺃﻧﻪ ﻳﺨﻠﻒ ﻛﺘﻴﺮ ﻭﺃﻧﺎ ﻛﻨﺖ ﻣﺘﻠﻪ ﺑﻬﺎﻟﻨﻘﻄﺔ ﻣﺎﺑﺪﻱ ﻧﺠﻴﺐ ﻭﻻﺩ ﻭﻧﺘﻐﻠﺐ ﻓﻴﻬﻢ ﻷﻧﻪ ﻛﺎﺗﻴﺎ ﻏﻠﺒﺘﻨﺎ ﺷﻮﻱ ﻟﺤﺘﻰ ﻛﺒﺮﺕ ﻭﺻﺎﺭ ﻋﻤﺮﻫﺎ ﺳﺒﻊ ﺳﻨﻴﻦ ﻭﺑﻨﺘﻲ ﺑﺘﺪﺭﺱ ﺑﻨﻔﺲ ﺍﻟﻤﺪﺭﺳﺔ ﺍﻟﻠﻲ ﺑﺪﺭّﺱ ﻓﻴﻬﺎ .. ﺑﻴﺖ ﺃﻫﻠﻲ ﻗﺮﻳﺐ ﻣﻨﺎ ﻋﻨﺪﻱ ﺗﻨﻴﻦ ﺃﺧﻮﺓ ﻭﺍﺣﺪ ﺍﺳﻤﻪ ﻓﻴﺼﻞ ﻭﻭﺍﺣﺪ ﺍﺳﻤﻪ ﻗﺼﻲ ﻭﻣﺘﺰﻭﺟﻴﻦ ﻭﻛﻞ ﻭﺍﺣﺪ ﺑﺤﺎﻟﻪ ﺗﻘﺮﻳﺒﺎً .

ﺑﺲ ﻣﻦ ﺑﻌﺪ ﻣﺎﺗﻮﻓﻰ ﺑﺎﺑﺎ ﻗﺒﻞ ﺧﻤﺲ ﺳﻨﻴﻦ ﻓﺼﺎﺭﻭ ﻣﺘﻤﺎﺳﻜﻴﻦ ﺃﻛﺘﺮ ﻭﻣﺎﻣﺎ ﻋﺎﻳﺸﺔ ﺑﺎﻟﺒﻴﺖ ﻟﻮﺣﺪﻫﺎ ﻭﺑﻨﺰﻭﺭﻫﺎ ﺗﻼﺕ ﺃﻳﺎﻡ ﺑﺎﻷﺳﺒﻮﻉ ﺗﻘﺮﻳﺒﺎً ﻭﻛﻞ ﻣﺎ ﻛﻨﺖ ﻗﺮﻳﺒﺔ ﻣﻦ ﺍﻟﺒﻴﺖ ﺑﺎﺧﺪ ﻛﺎﺗﻴﺎ ﻭﺑﻨﺰﻭﺭﻫﺎ .. ﻋﻤﺮﻱ ﺧﻤﺲ ﻭﻋﺸﺮﻳﻦ ﺳﻨﺔ ﻭﻃﻮﻝ ﻫﺎﻟﻔﺘﺮﺓ ﻛﺎﻧﺖ ﺣﻴﺎﺗﻲ ﺣﻠﻮﺓ ﻭﻓﻴﻬﺎ ﺃﺣﺪﺍﺙ ﺑﺘﺠﻨﻦ ﻭﻧﺠﺎﺣﺎﺕ ﻛﺘﻴﺮﺓ ﻟﺤﺪ ﻣﺎ ﺃﺟﺖ ﺍﻟﺴﻨﺔ ﺍﻷﻏﺮﺏ ﻓﻲ ﺣﻴﺎﺗﻲ ﻛﻠﻬﺎ ﻭﺑﺸﻬﺮ ﻭﺍﺣﺪ ﻭﺑﻌﻴﺪ ﻣﻴﻼﺩﻱ ﺍﻟﺴﺎﺩﺱ ﻭﺍﻟﻌﺸﺮﻳﻦ ﺭﻥ ﺟﺮﺱ ﺍﻟﺒﺎﺏ ﺭﺣﺖ ﻷﻓﺘﺢ .. ﻛﻨﺖ ﺑﺠﻬﺰ ﻟﻠﺤﻔﻠﺔ ﻭﻣﺎﺧﺪﺓ ﺍﺟﺎﺯﺓ ﻣﻦ ﺍﻟﻤﺪﺭﺳﺔ .. ﻓﺘﺤﺖ ﺍﻟﺒﺎﺏ ﻟﻘﻴﺖ ﺧﺘﻴﺎﺭﺓ ﺑﺤﻜﻴﻠﻬﺎ ﺧﻴﺮ ﺧﺎﻟﺘﻮ ﺗﻔﻀﻠﻲ ﻓﻲ ﺷﻲ؟ ﺑﺘﺤﻜﻴﻠﻲ ﺃﻧﺎ ﻳﺎ ﺑﻨﺘﻲ ﻣﻀﻴﻌﺔ ﺑﻴﺖ ﺃﺧﺘﻲ ﻭﺑﺪﻭّﺭ ﻋﻠﻴﻪ ﺑﻬﺎﻟﺤﻲ ﻭﻣﺶ ﻋﺎﺭﻓﻪ ﻭﻳﻨﻪ ﻭﺗﻠﻔﻮﻧﻲ ﻃﻔﻰ ﻭﻣﺶ ﻋﺎﺭﻓﻪ ﺃﺗﺼﺮﻑ ﻗﻠﺖ ﺑﺪﻕ ﺃﻱ ﺑﺎﺏ ﺑﻴﺠﻲ ﺑﻮﺟﻬﻲ ﻭﺑﺸﻮﻑ ﺣﺪﺍ ﻳﺴﺎﻋﺪﻧﻲ ﺃﻭ ﻳﺨﻠﻴﻨﻲ ﺃﺭﻥ ﻣﻦ ﻋﻨﺪﻩ .. ﺣﻜﻴﺘﻠﻬﺎ ﺧﻠﺺ ﻭﻻ ﻳﻬﻤﻚ ﻣﻦ ﻋﻴﻮﻧﻲ .. ﻛﺎﻧﺖ ﻭﻗﺘﻬﺎ ﺗﻌﺒﺎﻧﺔ ﻭﻫﻠﻜﺎﻧﻪ ﻷﻧﻬﺎ ﺣﻜﺘﻠﻲ ﺻﺮﻟﻲ ﺳﺎﻋﻪ ﺑﻠﻒ ﻋﺎﻟﺒﻴﻮﺕ ﻭﻣﺶ ﻻﻗﻴﺔ ﺍﻟﺒﻴﺖ ﺣﻜﻴﺘﻠﻬﺎ ﺧﻠﻴﻨﻲ ﺃﺟﺒﻠﻚ ﻣﻲ ﻟﺤﺘﻰ ﺗﺮﻭﻗﻲ ﻭﺿﻴﺎﻓﺔ ﻭﺑﻨﻄﻠﻊ ﻧﺪﻭﺭ ﻋﻠﻰ ﺍﻟﺒﻴﺖ سوا..

يتبع»»

الرجاء الرد بما يليق باخلاقك وابداء رايك بكل صراحة
🌹🌹🌹