Bejalai Betungkat Ke Adat..Tinduk Bepangal kePengingat

Duduk Ngiga Runding Jalai Pengidup

Sambung Tusun ke 17

Maya nya kami habis metting pukul 5.30 minit lemai. Semua kami pulai magang. Laban aku enda pulai 2 hari..semalam, aku alu terus pulai ke rumah.. Enggai aku ke upis kilang agi. Jera udah meda antu ba dalam upis dia...eee...kapa aku nya.. Keja pagi ulih meh mai barang aku ke tinggal dalam upis.. Datai aku ba rumah alu terus mandi semua indah.. Makai enda nganti orang aku lemai nya. Perut udah ke lalu lapar. Meda aku lalu makai, Entua aku ke Indu lalu ngerara meda aku tumu makai. Aku madah kediri lapar. Enda ngetu makai tengahari laban mayuh pengawa dalam upis. Ninga aku munyi nya, dia entua aku enda bejaku agi. Alu lemai nya maya aku tinduk ba Upis.. Aku madah bisi di keduan bala antu indu. Entua aku alu nyaut, di sangka iya antu indu nya Niang Kalina. Aku madah ukai nya Niang. Aku madah Antu nya orang bukai, antu Indu.. Sida sebilik bisi ba upis dia. Dia entua aku alu ngapuu ninga aku nusi munyi nya. Iya enda ngasuh aku kerja malam agi. Aku pan madah enggai gawa ngambi ot agi ba entua aku ke indu.. Jera Apai..jera Indai aku ngambi ot.

Udah aku becerita ke entua aku ke indu., aku pan ngetu makai agi.. Udah makai aku alu tama ke bilik tinduk, aku madah ba entua aku ke indu.. Aku tinduk dulu, dia maya aku dani legi..angkat ga. Kada enda alutinduk sampai pagi aku tu legi..buntau..pia koaku madah ba entua aku ke indu. Datai bilik tinduk aku lalu galik... Nangka meh penyamai galik,pia koati aku din bejako ke diri maya galik. Laban ke udah buntau,aku alu lelap ninduk kediri. Semalam malam aku enda ngeleda tinduk,nyau baka peninduk orang mati. Laban lelak enggau buntau enda berasai tinduk sampai pukul 5.30 pagi. Baru aku dani,alu terus angkat mandi. Nangka meh penyamai udah tinduk,angkat regas amat. Udah aku mandi,dia aku meda entua indu aku manduk ai kena ngaga kopi. Aku alu duduk nunga entua aku ke induk benong ngemata ke ai ke bedau gesak. Tua entua aku bela berandau ke pasal kerja. Ti baka kelia nyampau gaji baka diatu. Pia ko entua aku ke indu bejaky. Nya aku madah ba entua aku.. Semadi amai aku ka badu ila, ti aku nyambung sekula baru ila. Sayau amat pwngawa aku di buai aku ila. Gaji numbas ya gak.

Giga keja baka nya nadai meh ila pia ko aku madah ke entua aku ke indu. Nyau ke puas berandau enda hari nyau siang ga, entua aku ke indu ngaga ai. Aku begarik dulu,legi ngirop kopi. Udah aku begari baru aku ke dapur baru enggau enggau entua aku ngirop kopi. Udah aku ngieup kopi enggau makai mee, aku nurun keja. Enda lama aku ke udah nurun, aku datai ba endur gawa. Datai aku ba upis,pintu nadai di kunci magang. Udah datai sida tu ko ati aku bejaku ke diri. Sekali buka aku pintu upis peda aku orang tak mayuh amat datai ba bilik wndur metting. Aku alu tama ngagai bilik upis aku empu ke sepiak. Nama enda pengawa sida ke dia pia koaku bejaku ke diri. Aku datai alu muka Email aku. Bala agi bedau keduak datai ke upis. Aku meda utai ba email dulu. Peda aku keja aku enda entu bangat mayu tang numbas ya ga di gaga saritu legi.. Nyau kepuas aku ngaga keja,dinga aku tipun bebunyi. Kumbai aku Bos kol aku pagi pagi ari, nemu nya orang ari upis insuran kol aku. Ngasuh aku ke upis sida kin. Ninga sida munyi nya aku

Aku lalu ngagai upis Bos ke sepiak, minta keluar enda lama.
Bos madah bisi ka metting dah tu legi, Jam pukul 10 pagi.Apuu...aku minta kasih ke Bos aja...dnga aku munyi nya,nasib ga Bos ka ngasuh enda. Aku pan alu nurun ke pasar, lalu terus ke upis insuran. Datai aku ba upis dia,aku lalu terus nanya nama hal aku diasuh ke upis tu. Dia siku undu ari kanter bejaku,aku diasuh betemu enggau bos sida iya. Aku pan lalu terus betemu enggau Bos besai sida iya. Tama aku ba bilik Bis besai. Aku meri selamat pagi. Bos besai pan alu ngasuh aku duduk. Aku pan alu betanya ba Bos sida dia. Nama hal aku diasuh ke upis besai kitu pia ko aku bejaku enggau bos besai ditu. Bos besai ditu alu nyaut aku.
      ****** Encik Joe***""""****"
Nuan di kangau ke upis kami kitu laban nuan deka sain beberapa ducoment penting pasal insuran seduai laki bini suba. Lalu pia meh ga nuan diminta meri no Akaun nuan gai kami laban duit tu ila alu masuk Akaun nuan. Nahh....nuan sain semua borang tu dulu..kira 2/3 hari tau chik nuan, udah masuk ke enda duit nuan ba bank...

Aku pan sain semua borang ke disuak ke Bos dia gai aku. Udah aku sain semua nya. Bos dia madah semua utai ba aku pasal insuran nya. Udah bos nya madah aku pan minta diri dulu ba bos dia. Pansut aku ari upis insuran peda aku jam setengah jam ka pukul 10 pagi. Aku pan berumban laban ka metting ba upis kami.. Aku alu nyetat motosikal lalu bejalai pulai ngagai endur aku gawa...datai aku ba endur gawa aku berumban niki katas... Datai aku ba upis peda aku bala udah tamak ba bilik masyurat kami dia.. Aku terus ke dapur dulu ngirup ai milo ke udah di gaga indu sama enggau kami gawa dia. Udah aku nyuap kuih enggau ngirup ai ngerapas.. Aku alu terus ngagai bilik masyuarat. Kapa aku ka peduli sida ke nganti aku..perut lapar amat nadai ulih ngetu ba pasar kelalu ka berumban ke metting. Tama aku bilik dia peda aku bala baru ka start. Aku pan alu duduk ba bangku tisi semak enggau Bos besai kami. Udah aku jenuh.. Baru Bos kami mula ka bejaku nyebut mint masyuarat kami ke deka di sebut sari nya. Sebedau nya Bos kami meri selamat pagi dulu ngagai bala staff ke datai ari opis ari pasar enggau bala staff kami dia.  Semua bisi dia magang maya ke metting besai dia. Sari nya.

Sambung ba tusun 18