كانت حياتي مثل اي بنيه عايشه ويه اهلي والحمد لله عندي 3اخوان و 2خوات اني جبيره اني اسمي عشق عمري 16سنه صف ثالث متوسط موصفاتي عيوني كبار لون عسلي فاتح و بيضه وطولي زين لا كلش كصيرا ولا كلش طويله اني عنوديه و لساني طويل و راسي يابس اهلي مدلليني و مخليني براحتي اني من محافضه لبصرا راح ابدي من اليوم الي انقلبت حياتي بي راسا ع عقل
امي...كومي عشق كومي عندج دوام
عشق..يوم خليني اليوم ماداوم معدي شي عفيه خليني انام
امي..ولج كومي راح اصيح ابوج عليج وانتي ويا تفاهمو
عشق...خلص خلص هايي كمت كمت استغفر الله حتا النوم حرام 💔😑
رحت بدلت وكملت لبست حجابي و نزلت وطبعا كلعاده تأخرت و الخط ينتضرني بلباب
امي..ولج يلا الخط براا وينج مكملتي
عشق..جايه يوم جايه ثواني (اووووف هم راح اشوف وجه الطاوه هذا من الصبح 😑)ع السايق هل حجي وني نازله من الدرج ادردم رحت للمطبخ اخذت ساندويشه جبت ورحت ع الخط
ابو الخط...صباح العسل ع العسل
عشق...(اوووة بدينه) هلا يلا بسرعه راح اتاخرا ع الدوام
بعد مرور ساعات الدوام كمل الدوام بعد يوم طويل رجعت ع البيت
عشق..هلاا بابا هلاا ماما وبوستهم ع راسهم
امي و ابوي...هلا بنتي
امي...شون الدوام ليوم بشري جاوبتي بلمتحان
عشق...يي ماما الحمد لله جاوبت (نسيت اكول اني ماحب الدوام ابد ابد ولا احب لدراسه ع اعصابي ادرس علمود اهلي بس بنفس الوقت اذا اريد اقرا و انجح اكدر انجح و اجيب درجات زينه بس اني ماحب الدراسه)
امي..يلا يوم روحي بدلي وتعالي تغدي وصيحي ع اخوانج خلينزلون.
عشق..رحت بدلت و كملت صحت ع اخواني ونزلنا ناكل كلنا
..الاب.حضرو روحكم باجرر نروح لبغداد لبيت جدكم (اهل امي يعني)
عشق..لا بابا اني ماكدر اجي عندي متحانات ودروس(جذب بس اني ماطيق اهلي امي ابد)
الاب...ماشي باباتي براحتج بس ترحين يم اهلي احسن هوه كم يوم و نجي احنا تمام
عشق..حضرو اهلي غراضهم و كملو و باجر من يطلعون اني يودوني يم بيت جدي بس اني ابدد ممرتاحه لروحه اهلي هاي مدري ليش كلبي ناغزني احس راح يصير شي( واني مجنت ادري هاي اخر ليله راح اشوف بيها اهلي) المهم طبعا كلعاده افز ع صوت ماما تصيحلي و تقطع حبل افكاري
امي...عشق عشق
عشق..ها يوم جيتج
امي..اسمعي بنتي حبيبتي انتي راح ترحين يم بيت جدج لسان طويل ماكو مرادد ماكو اطنشين حجي عمامج ماكو زين يمه عيب انتي صرتي جبيره حبيبتي ماوصيج بعد (اعتقد امي هم جانت حاسه راح يصير شي)
عشق..اي يوم تدللين نشالله اهاا من عيني هاي قبل هاي (اذا ماشيب راس عمامي و نسوانهم لحقيرات يغارن مني لان اني احله من بناتهم 😹😹😹)
صار الصبح و راحو اهلي واني رحت لبيت جدو طبعا عمامي 3و كلهم مزوجين و نسوانهم عدهم جهال يعني هوسه لبيت و اني ماحب لجهال و الهوسه فا 24ساعه كاعدا برا بلطرمه طرمتهم جبيره او بلغرفه اقرا طبعا غرفه بنت عمي الوحيده الي احبها من بنات عمي اني ابات يمها و عندي 5ولد عم كبار كلهم 2خاطبين و 3بعدهم اصغر واحد بيهم 18سنه يعني كبار واني عادي اششاقه وياهم و نسولف و نضحك يعني عكس بنات عمي كلهم اني بابا جان منطيني الحريه الكامله بس بحدود طبعا فا لذالك اني اعرف ارد و لساني طويل و الي يرشي بمي ارشه بدم و ماخذه حقي ثالث ومثلث ومحد يجرء يقلل ادبه وياي
سامر (ابن عمي )....عشق عشق تعالي
عشق..جيتك شبيك شكو (طبعا سامر ابن عمي عمرا 21سنه واحد حباب و طيب و يخاف عليه من سرمد ابن عمي لان سرمد واحد قليل ادب وعندا سوالف مكسرا وبنات هواي يحجي وياهم)
سامر..عشق شوفي سرمد اليوم راح يرجع من السفر (جان مسافر ويه جماعته)فا انتي انتبهي منه بعد ما انبهج اهلج مموجودين وهذا يستغل الفرصه ترا من هسه اكولج ديري بالج وشنو تحتاجين اني موجود ماشي عيني
عشق...انشالله ليضل بالك
رحت من يم سامر ورحت ع الغرفه ضل بالي ع اهلي من 10الصبح طلعو و هسه 9بليل ماكوو خلروح اشوف عمامي بلا جايهم خبر
عمو عمو
عمي..هاا عمو شتردين
عشق..عمو مجايك خبر ع اهلي ادك ع ماما و بابا ماكو مغلق من الصبح و ادك ع خالاتي ميجاوبن شوف شسالفه ضل بالي
عمي..ماشي عمو انتي روحي هسه و من اشوف شكو اكولج خوش عمي
