عشق..اجه علي و سويت الغدا و كملت غسلت مواعين و صعدت فوك اشوفه مو ع طبيعته بي شي حتا اكل ما اكل ويانه كال تعبان سئلته شكو صاير شي
علي..لا ماكو شي ذا بقا اكل سويلي اريد اكل جوعان
عشق..صار
علي..اليوم واني بلجامعه اجه واحد كلي انته علي ابن شيخ .... كتله يي تفضل
...*باوع انصحك نصيحه عوف عشق ترا وحدا جذابه و محبك هيج ضاله وياك و هيه كم شهر تخليك تمل منها و طلكها وهيه عدها هواي ولد كلش هواي وذا ممصدك اخذ تلفونها وشوف
علي...هي هي انته ونته منو وشون تحجي ع مرتي هيج ها احجي منو دازك
...*شوف اني فاعل خير و كتلك وانته بكيفك بعد بس ماعتقد اكو رجال يضل ويه مرا تخونه وذا تريد كتلك شوف تلفونها و شوف الفيس شبي
علي..؟؟؟ضليت مصدوم منو هذا شيريد منين يعرفني ويعرف عشق بس ماعتقد عشق هيج ضليت حايير
عشق..هذا الكل تعال اكل
علي..وهوه ياكل اكولج عشق
عشق..كول عيوني انته
علي..وين تلفونج
عشق..ليش
علي..هيج اريد اشوفه شبيج خايفه
عشق..مبيه لحضه خلشوفه وين و اجيبه مو اني من خابرني سامر مدريت بي وينه لانو ماستعمله هواي
علي..يلا دوري و جيبي
ورا دقايق
عشق..هذا الفون هاك
علي..شعجب ممخليه بي قفل
عشق..عليمن معدي شي بي مهم علمود قفل
علي..من سمعت هيج حجيها شويه رتاحيت ضليت ادور ملكيت شي بس دخلت ع الفيس لكيت حسابها كله ولد و صور ساحبهت من النت هيه و دازتهن ع اساس هيه اني هنا عيوني ضل يطاير منهن شرار الاكل الي بلصينيه كلبته و مسويت بلفون شي كلت خلي احتاجه رحت الها طيحت حضها و جريتهت من شعرها سحل مسحت الغرفه كلها بيها و هيه تبجي وتكول شبيك شصاير كعدتها ع الجربايه كتلها لتتحركين جبت الفون وشوفتها ضليت تكول ولنبي مو اني وروح امي مو اني هاي
عشق..اشو هذا اني جلي انشف الغرفه و هوه كلب الصينيه و اجه طيح حضي و كتليني اني ماعرف شسالفه بس ابجي و اكوله شكو جاب الفون و كلي شنو هاي ها شنو هاي اني اموله مادري و جتي بالي سامر من دزلي ورساله ورا ما سديت الفون منه كلي(ديري بالج ع نفسج والي راح يصير بيج انتي ولعلي مالتج) اني مهتميت لحجيه عبالي هيج يجذب جان اكول ل علي
علي ولله مادري بس روح شوف رساله دزلياها سامر يمكن هوه ورا الي بلفون واني ابجي و احجي ضل يغلط ويكلي طلعيها يلا. وجرني من شعري طلعتها كلي و ليش مكتيلي كتله ولله عبالي يجذب
علي..حتلو يجذب جان كتيلي (بصياح)
عشق..ولنبي مادري وروح اهلي كلهم كلشب ماعرف ع هذا الحجي الي بلفون
علي..من حلفت بروح اهلها اني حسيت هيه مجذب وشفت الرساله بعيني جريتها و شبكتها و كتلها خلص خلص اني اسف مادري ولله خلص بس اي واحد بمكاني يسوي هيج يلا خلص عشق يروحي انتي اسف سامحيني
عشق..بس لازم تفهم شسالفه يلا علي هيه اني انكتلت وشعري تكطع و اني ممسويه اي شي
علي..خلص هسه اني اعوف منو بطريقتي باجر خلص ونتي روحي سبحي ونامي اني راح انضف كل هل هوسه الي سويتها
عشق..ضليت ابجي لانو محد كاتلني من قبل وهسه احس شعري تكطع بيده بس حجه اي واحد بداله هيج يسوي (خلص مسامحتك علي هاي هيه )
علي...يعمري انتي وبستها ع راسها
صار اليوم لثاني و عرفت منو سوا هيج عندي صديق بلشبكه يشتغل طلع سامر مثل حجي عشق رحت جبت عمامي ولشيوخ و رحنه عليهم بسالفه هوه طاعن شرف مرتي و يجيج شباب يحجون عليها طبعا رزلو بلديوان يم الشيوخ كلها و زوجو بنت عمه غصب مجان رايدها وانب رحت كلت ل عشق كلي السالفه
عشق..عزا بعينك سامر حتا مخليتني اتهنه ويه الشخص الي احبه واني رحت فصليه علمودك اووف بس الحمد لله ربي عوضني بيك علي 💛
تسريع الاحداث ورا 5اشهر ...
عشق....مرت هاي الاشهر بشكل عادي بلا مشاكل حياتي حلوه كلش ويه علي بيوم جنت جاي انضف صار عندي الم كلش قوي بطني عادي مهتميت بس بعدين احس دايخه ونفسي تلعب وتعبانه كلت ل عمه كالت بدلي خلي نروح للمستشفئ و كلت ل علي كال روحو رحنا كلنه بس علي بقا بلبيت حتا نرجس جتي ويانه وجانت المفاجئه
الدكتوره..عيني حضرتج ويه المريضه
ام علي..يي يمه اني ام رجلها
الدكتوره..مبروك حامل المرا وصار عليها شهرين ع الحمل شنو متدري هيه
ام علي...كللللوووش يمه متدري متدري ربي يوفقج ع هل خبر
نرجس..ها يمه شكو ولج يمهه عشق انتي حامل
عشق..عمه تحجين صدك لو تشاقين عليج الله
ام علي...لا يمه لا انتي حامل منا وجاي اي شغل ماكو و بس مستريحه انتي يي يمه اي اني اريد احافدي يرتاحون خلي اخابر علي يجي
عشق.عمه لتكليه اني حامل خل لمن يتخرج هوه بقاله كم شهر واني اكوله زين هسه خلسوي تحاليل اطمن ع الطفل و نخابر علي
كملت تحاليل وكلشي تمام الحمد لله خابرت ع علي وكال جاي
