نصفان ويكتمل القمر

7

★ نـصـفـان و يـكـتـمـل الـقـمـر ★�
الـــكـــاتـــبـــة : #ســلــﭬــيــا

البارت السابع

احمد: صاار ( دجاجه تنام من وكت)
احس كلبي يدك يمنه من الفرحه .. كدرت احجي وياها وما بعدتني .. سهلتلي اول خطوه لمساعدتها ... ليش داساعدها؟؟؟
عمري مساعدت بنيه بسبب السوته ذيج بيه
نااااااز ... شسويتي بنظام حياتي!!!
حبيتج يبنيه واريدج من الله
واساعدج لان احبج وماتحمل اشوفج هيج تتعذبين .. الشريفه حرام تتبهذل هيج
يارب انطيني القوه والصبر على الي رح اواجهه ..غ

مهند: حجي عمتي شغل بالي شلون اخاف هذا يتقربلها و تكوم تحبه لان يساعدها و تروح من ايدي .. خل اتأكد واذا شي يهدد مكاني احجي لابويه وهين...

سلمان : سهير ... سهييييير وينج غضب

ام مهند: ها عيني ها ابو مهند جايتك

سلمان: خرب.....(كفر)  مال واحد ينكبر ويخلص منجن كلجن .. خرب بقسمتي السوده

ام مهند: عيني ابو مهند كول .. شبيك ليش ضايج

سلمان: ابنج القندره وين طلع البارحه وصلني خبر راح لذيج المنطقه

ام مهند: ( ادري عندك شياطين يجيبولك الحجي!! شصخم هسه)  ... انت مو تدري ب ابنك يطلع ميكول وين طالع

سلمان: ادري انتي مو امه!! انتي شنو بلبيت نكررره هيج هيج من دينج  ابنج اكسر ركبته اذا يوصلهن..

ام مهند: لا اله الا الله لو بس ميكفر اني ارتاح)
اني ماخلي يوصلهن لا تضل تحرك بروحك اليوم يجي واحط الحذا بحلكه ... بس اريده يسكت

مهند: طبيت للبيت تعبان و دماغي مو صافي لازم اراقب بيتها و اراقب الولد الخزرني اكو صله .. القصدته عمتي هو!!

ام منهد: عيوني يمه اصعد لغرفتك ابوك صاير جمره عليك وصله خبر تحركاتك بم بيت عمتك منى

منهد: ادري استخبارات يشتغل شمدري خرب حظي ... صاعد يمه لا يضل بالج ما اتلاكه ويا

احمد : كل تفكيري بيها .. شوكت تحجيلي اسرارها الي سمعته من امي اريده بتفاصيل خل ادزلها رساله.. هلو ناز شلونج

ناز: هلو احمد الحمدلله انت شلونك

احمد: ( نضل شلونك وشلونج فلا ادبرها ) الحمدلله .. براسي سؤال ناز ممكن؟

ناز : تفضل..

احمد: قبل كم يوم  ولد مرلكم ممكن اعرف صلة بيكم لا تحسي تدخل بس قلقت ..

ناز: لا هذا ابن رجل عمتي  اسمه مهند .. مثل اخويه تربينه سوه من صغار .. خوش ولد يعني مو مثل ابو

احمد : راضعين سوه؟

ناز: لا ..

احمد:( من حجت هيج قلقت..) تثقين بي تأمنين يمه شعجب ما مرلكم كل ذيج الفتره؟

ناز: بسبب عمي .. ياذي اذا يتقرب 

احمد: وصلت لراس السالفه ) عمج شبي ليش هيج يسوي؟

ناز : سكتت عرفت يريدني احجيله بس خايفه ادخله بمشاكلي وخاف تالي يتدمر ..
اريد احجيلك بس متردده احمد..

احمد: ليش تترددين اذا شي يضايقج عادي ماضغط عليج

ناز: لا بس اخاف تصيرلك مشاكل بسببي

احمد: ميخالف اني داكولك اني مستعد لكلشي ناز

ناز:( شنو المقابل !!))   احمد ابويه وامي توفو ومن اول يوم ولادتي عمتي اخذتني لان متخلف عشت حياتي يمها ويم رجلها الظاغيه .. لوما عمتي وضرتها يوكفن بوجه مجان كدرت اكمل دراسه جان يكتل بيه و ياذيني ميخليني اقره يجي لدوام يخزيني . يكطع قسمتي .. ولحد الان حالف ميعوفني بحالي .. ماعرف ليش هيج يسوي ما اذيته بشي بس لان مو مثل ابنه ما امشي تحت ظله ما اطيع كل اوامره

احمد: خما يتحرش بيج؟؟؟؟

ناز: لا ابد ماعنده هيج شغلات بس قاسي و اذاني و اذه عمتي  وهسه طلكها ومديعوفنه بحالنه ... ديحاربني بكل مكان

احمد: هذا مريض .. ميكدر يسويلج شي ناز اكو محكمه وتشتكين عليه القانون وياج انتي مو بنته و مو قاصر

ناز: ماعندي طاقه للمحاكم واني بنيه ومحد يسوي شغل بلاش واني راتبي ع كد عمتي تدري بيها مريضه ..

احمد: اني بظهرج اي شي تحتاجينه اطلبي

ناز: تسلم ما تقصر ..

احمد: ( فرحت لان فتحتي كلبها و وثقت بيه .. ناز ابد ما راح اخذلج وراس امي الغاليه)
كملت حجي وياها ورحت ع امي .. يمه يوووم عيني سنسن

ام احمد: عيون سنسن كول بعد كلبي .. اشوفك فرحان اللهم صل ع محمد عساك دوم هيج

احمد: رويحتي انتي ديري بالج ع عمة ناز
من يطلعن لدوام روحيلها سولفي وياها يمه ذوله ماعدهم احد و الحولهم وحوش تملخ بيهم

ام احمد: فدوه لكلبك الحنين .. اكول يمه دخل اخطبلك ناز حلوه وحبابه واخلاقها ذهب

احمد: لا يمه مو هسه .. يجي وكتها وادز

ام احمد : ان شاء الله تصير من نصيبك ( فرحانه لان وليدي غير نظرته ع الزواج والبنات شوكت اشوف جهالك بعد روحي )

احمد: ان شاء الله يوم دعواتج ( ورايه حرب يله اخلصها واحصلها ربي ثبتني و عيني)

ناز:( من حجيت ويا ارتاحيت اول بشر يذب روحه للمشاكل علمودي .. مو مثل مهند جنت انكتل ويخاف يخلصني يخاف لا ينطرد... يارب ساعدني و احمي الي يساعدني )

يتبع...