رمزيات+حبشكلات

💔😔

غدا سيقتل اشرف رجل على وجه الارض
غدا سيقتل قمر بني هاشم.  من كربلاء قبل قليل 

صدك يحسين بس هالليله انه وياك
تعال وخل اگلك هالوصيه
باجر من تشوف الزهره والكرار
لتكلهم بزينب مشت مسبيه
لا تحجي وتكول انظربت بسوط
بالك تسمع الزهره الزجيه
ولتكول السهم صاب البطل عباس
خافن حيدر اتالمه الرزيه
ولتكلهم ابراسك ع الرمح مرفوع
تره مصاب الحسن يصعب عليه
هاي وصيتي خويه وياك ياحسين
هذه وصيت اخو يودع اخيه
تعال وخلي نتوادع يابعد الروح
لان وياك هاي اخر مسيه

شدي حيلچ
الليل اجاچ
الظلمه ما ترحم غريب
الگاع وحشه ونگلت اجدامچ نحيب

السكته سوط
الظلمه سوط
الهندس اينگط خيام
وغيمة الطف البچتلچ  مطرت بسبعين امام 

الليل اجاچ ....
بيده شايل ..حيل ابوچ  .. و ريحة امچ
وگطره من نحر الچفوف الضلت اتفرفح وراچ

وهي مو حسبة عطاشى ودنيا خوف
الجربه شكت زيجها اتبدت طفوف
وخضّر بعين الله طولچ !!
شجرة العباس زينب والله ساكيها بچفوف

وانه ماسولف عليچ
هزله حيل احچايتي بناكة سبييچ

امنين اجيچ
الدنيه لو مابيها زينب ... ضاعت ارسوم المحنه
الدنيه لو مابيها زينب ... مابگت عد الله جنه

انتي يا اول سبيه الذلت الگاع بجدمها ودلت الدنيه الطريج
انتي گبل اصيار حوا بمية ادام !!
ومن گبل مليون مريم چفچ ايهز المسيح

عظم الله لكم الاجر