غلطة عمر
همس القوارير
البارت ٣
المهم خابرتها بليل وكعدنا نسولف ونضحك وحبيات وبشرتها بموافقة اهلي وكولش فرحت وطبعا من غير ما اكوللها تفاصيل بس بلغتها بالموافقه
ناديه
من گالي محمد على موافقة اهله كولش فرحت وارتاحيت الحمدلله ماكو اي اشكال وراح نبدي حياتنا بسعاده ان شاءالله
محمد
بالبدايه راحت امي وخواتي يشوفن ناديه ويحجون ويه اهلها وعجبتهم واهلها همين ناس طيبين ورحبوا بيهم واخذوا وياهم حلويات وحبشكلات واقتنعوا بناديه عدهم اهم شي اني مقتنع وميكسرون خاطري واتفقوا على كلشي لان ناديه مبلغه امها بالسالفه وتعرفون شنو تأثير النسوان عالرجال يعني حصلنا موافقه من عدهم ورى يومين واصلا اني محصلها من قبل بس كروتين وشكليات وبدينا بمراسيم الخطبه وجهزنا كولشي واخذنا عمامي واخواني وكم واحد عرف واصدقائي واهلنا وقرابتنا كلما كان العدد هواي كانت افضل رفعة راس الي كدام عمامهاورحنا خطبنا وكطعنا مهر وسوينا حفله حلوه ولبستها حلقه وگلاده وسوار ومحبس وبستها من راسها وكانت طالعه كولش حلوه وبعدها كملنا مراسيم الاحتفال ورجعنا للبيت
وكمنا كل يوم نتخابر بالنهار نلتقي بالدوام وبليل نتراسل وكوله حب وغزل واحلى ايام العمر بقينا تقريبا شهرين مخطوبين ما حبينا نطول بالخطبه لان احنا نعرف بعض ما كان الها داعي اهلي عدهم مشتمل بره معزول لوحده وامي كالت اخذه تزوج بيه
محمد : لا يمه ما اعوفكم لوحدكم كولشي ويصير
ام محمد : شيصير علينا يا بعد امك اشو احنا الباب بالباب والبنيه همين تريد تاخذ راحتها مثل ما نتمنى لبناتنا نتمنى لبنات العالم
محمد : لا يمه اخاف عليكم اخاف تتخربطين بليل
ام محمد : ههههه يمه شنو اتخربط عود اذا كلش نتصل عليك المن خلوهن للموبايلات يا حبيبي اتوكل على الله وشوف حياتك اهم شي انت ترتاح
محمد
بالبدايه ما قبلت وسولفت لناديه عالفكره وكولش رحبت بيها بحكم اريد البس براحتي وادلعك ومن هالحجي واضطريت اقبل وهمين كفن للمشاكل ونبقى عزاز احسن
وبدينا اني وناديه نجهز لبيتنا واخواني وخواتي ابد ما قصروا اخوي جمال اشترالي ثلاجه وغساله وباسم طخم قنفات وسبلت وامي حبيبتي ضامتلها كم فلس وگالت الغرفه عليه هذا اقل شي انطيكياه وخواتي وحده تلفزيون وستلايت والثانيه طباخ وفرن كهربائي خطيه كانوا فرحانين بيه وزيون عين السيح ساعه ولوحات ٢ حبيبتي هم حبت تشارك وصدك كانت فرحه ألنا كولنا
