ليلة سمر
همس القوارير
البارت السادس
بعد ما كملنا الخطبه وكل واحد راح لحاله باسم بالبدايه كان يجي بالاسبوع مره وحده وبعدها كام ما يتحمل فراگي وضل يجيني بالاسبوع مرتين ويجي متلهف عليه ومشتاقلي وكان دائما يسولفلي عن حياته وشلون كان مدلل بصغره وحتى من كبر لان كان الولد الوحيد لاهله وشلون كبرت مسئوليته بموت عمي الله يرحمه وضل يشتغل يبيع عصير بمحل عصائر الى ان تخرج وتوضف جديد هسه وصحيح عمامي كانو يساعدون بس ميكفي لان العيشه صعبه والمسئوليه كبيره وفهمني انو امه وخواته اغلى شي عنده وهسه اني صرت بمعزتهم كلام هوايه ومره من المرات گالي حضري نفسج وخلينا نطلع نتعشى بره وفعلا ركضت بدلت وتمكيجت
باسم : يلا سماره تاخرنا راح تعزل الدنيا متگوليلي شنو سالفتج
سمر : اجيتك حبيبي
باسم : هاي شنو المكياج كوله خالته شنو عرس ابوج واني ما ادري دمشي من يمي تغسلين وجهج لو ابطل وما ترحين
سمر : شنو السالفه باسم هاي بدايتها هسه شبيها حالي حال البنات واذا خليت مكياج
اتقرب عليه
باسم : اغار عليج واذا شفت واحد يباوعلج احتمال ادفنج وادفنه بصفج افتهمتي لو لا
سمر : هههههه ماشي حبيبي هسه اغسل ولا يهمك لا تدفني ولا شي
وفعلا رحت غسلت وجهي وخليت مكياج خفيف ومرتب ورحنا تعشينا بره ومرينا بالسوك جبنا لهلي ويانا بقلاوه وزنود الست واخذ لاهله همين وكولش تونست بوكتها حسيت ملكت الدنيا شنو من گلب عليه يارب يدوم المحبه بينا المهم فد يوم اجانا
وكعد يم ماما وگال
باسم : عمه حضروا روحكم فد اسبوعين ونعرس وخلي سمر تجهز نفسها وتشوف شنو ينقصها تگولي واني اجيبلها لان اني مجهز كولشي وباجر راح اشتري الغرفه
امي : مو بعده وكت مصارلكم هواي يمه
باسم : بنضرج مو هواي بس عندي كومه ههههه
امي : هههه والله ما ادري يا يمه نلحگ لو لا لان ملابسها عند الخياطه
باسم : عادي عمه بعدين تكملهن واشتروا جديد
امي : براحتك يوم خلاص اسبوعين اسبوعين مو مشكله
وبدينا نجهز ورحنا اني وباسم وشفنا غرفه كولش حلوه وبطريقنا اشترينا فرشه للسرير وشغلات للغرفه وضلينا يوميه اني وماما نروح للسوگ اشتريت سيتات نوم ومكياج وعطور اشكال وألوان واشتريت لباسم كلابيه وبجامه وعطر ورى يومين شدو الغرفه مالتنا ورحت رتبت اغراضي وخليت كولشي بيها وصارت غرفتي بداعه وكنا كولش فرحانين ومتونسين وبيت عمي كوله دك وركص وفرحه وعمتي اشترت تلفزيون لغرفتي وگالت ماما لازم اسويلج حنه ما اخليج ترحين بدون حنه وسوينا حفله قبل العرس بيوم عزمت بيها كول صديقاتي واقاربي وسوينا عشى وكعدنا لساعة متاخره من الليل وكانت عندي بنت خالتي وصديقتي نبأ كولش مقربه الي وكنت ما اضم عنها شي حتى سوالفي الخاصه الي بيني وبين باسم احجيها الها وهي همين كولشي تحجي وبليلتها بقت وياي وما راحت لبيتهم باتت يمي وتجهزنا وكملنا كولشي ليوم العرس وفعلا كعدنا ثاني يوم وتريگت الصبح من وكت وكعدت نبأ
سمر: لج نبأ يلا دگعدي ورانا روحه للصالون
نبأ : اليوم مستعجله بنت طاهر تريد تلحگ على الحب
سمر : ههههههه لج يلا ماكو وقت
نبأ: اي گمت شبيج
سمر : اوووف منج شگد تحبين النوم
نبأ : خليني اتريگ واجي وياج
سمر : وتالي وياج والله ماكو وكت امي الصالون تريدني من وكت
نبأ : ام الصالون لو مستجله على الحب
سمر : اوووف منج فضيها
نبأ : وما أريد العشى زفوني
وتگمز وتصفگ
سمر : هههههههه خرررررب دمشي
وبسرعه خلصنا وطلعنا رحنا تقريبا بالعشره للصالون لان ردت شعري خصل وضلينا بالصالون من العشره للاربعه العصر وجابولي غدى للصالون لبست عدسات وخليت رموش وبالمكياج صرت فد شي مو طبيعي
