ليلة سمر
همس القوارير
البارت السابع
بعد كملنا بالاربعه اجه باسم بصراحه بعيوني صاير يخبل احلى رجال بالدنيا اووووف شگد احبك واخذني رحنا طگينا صور ونبأ بقت وياي وما عافتني وهمين طكت صورتين وياي وحاسبنا وكملنا وبعدين وداني لبيت ابويه لان الزفه راح تطلع من يمهم ومن صارت الساعه بالسته اجوي علينا واخذوني لبيت عمي لان كان العرس بيت عمي وسوولي حفله شغلوا ديجي والبنات كامن يركصون ويصفگون وفرحانين وبعدها صبوا عشى للناس واني صعدوني لغرفتي ورى شويه جابوه لباسم وزفات وصفگات وهلاهل وهوسات الى ان وصلوه لباب الغرفه وبعدها دخل للغرفه وسد الباب وهم راحوا اجه يمي وباسني
باسم : مبروك حبيبتي واخيرا صرنا لبعض شنو ولج صايره تخبلين راح اكلج اكل اليوم
سمر : حبيب عمري الله يبارك بيك ويخليك الي وما يحرمني من طلتك عليه
باسم : ويخليج ألي يارب ويدوم الحب بينا لاخر العمر
سمر : يا بعد عمري أمين
باسم : سموره حبي طلعيلي تراك من الكنتور خلي اغير اروح اجيب من جوه عشى واجي
سمر : اي قلبي
وبعده ديغير ملابسه وجابولنا العشى
باسم : يلا سمره دتعالي خلي نتعشى
سمر : بالاول تعال افتحلي السحاب خلي ابدل ملابسي
باسم : يعني شنو قصدج اتعشى بيج بالاول لان ما اتحمل واگف على شعره أني
سمر : ههههه لا عيني مو هسه تتعشى بيه بالاول خلي ابدل ونتعشى وبعدين الله كريم
وهو يفتح بالزنجيل مالت البدله ويبوس بيه برگبتي وبضهري ويشمه لشعري گوه فلتت منه وتالي عفته ورحت لبست روب نوم كولش حلو ماما مشتريته كولش مغري واجيت كعدت يمه وهو يباوعلي ويضحك ويكلي
باسم : اليوم اكلك يا حلو
واني اضحك تعشينا وكملنا وضلينا نسولف كوله حبيات وسوالف حلوه حسيت هي هذه ليلتي هي هاي فرحة عمري ياربي الفرحه ما واسعتني تمنيت حياتي تبقى كولها سعاده
وفعلا كل شويه ويگلي الليله ليلة سمر يعني صباحي وبده يبوسني ويحضني وتعرفون سوالف المتزوجين وصلنا لاهم خطوه وكلش تعب واجهد نفسه وبده يلح حسيت اكو فد شي غريب ديصير ويه باسم ديتنفس سريع ويحاول بكل قوت يجذبني أله شنو الي ديصير مدافهم ما اشوفه اله گام من مكانه بدون ميسويلي شي وضل يضرب بالحايط وبيني وبين نفسي يا عزه شنو صار هذا شبيه ليش هيج يتصرف
حسيته كولش عصبي وصاير نار وماله خلگ حتى نفسه اني سكتت وما علقت
باسم : كوله منج انتي اني مكدرت اسوي اي شي لان انتي ما عندج انوثه ولا تجذبين المقابل
اني ضليت صافنه كولشي ما افتهمت شنو يعني لازم اسوي مفتهمت معقوله اكو شي امي ما علمتني عليه والله ما ادري
