الحلقه الخامسه
#امبراطور الصعيد
ياسين باستغراب: حاتم الابنودي
الغفير: ايوة يا بيه
ينزل اسر من علي السلالم
اسر ببرود: دخله
ياسين : بتجول ايه يا ولدي
اسر: هجولك بعدين يا جدي
يدخل حاتم ومعه راجل عجوز
ياسين : الشيخ همام
همام : اذيك يا حاج
اسر ببرود : اتفضلوا انتوا ضيوف وليكم واجب
يجلس همام وحاتم
اسر : مجولتوش بجا ايه سبب الزيارة دي
همام : بس يا ولدي احنا عايزين ننهي العداوه دي ومندخلش الحريم في النص
اسر: ومين الي بدأ
همام : هو جاي عشان ينهي الخلاف
ياسين : وهيرجع محمد الي راح
همام : كان واحد جصاد واحد وهو جالي علي واحد من الي تبعه عمله وهو ندم
اسر بعصبيه : ندم عشان معرفش يخطفه فخاف اننا نخطف اخته
حاتم بعصبيه : له محدش هيجدر يلمس شعره من اختي وانا موجود
اسر بغضب: وانك تحاول تخطف حرمه دي مرجله يا ابن الابنودي
همام : اهدوا انتوا الاتنين انا عندي حل للكل مدام وصلت للخطف بينكم يبجا مفيش غير حل
حاتم : وايه هو
همام : واحده جصاد واحده نهال تتجوز حاتم وفارس يتجوز ميراث
ياسين :بتجول ايه
همام : دا الحل عشان تخلص العداوة والتأر ينتهي
حاتم : اتجوز بنتهم
همام : ايوة
ياسين : عايزني اسلم بت ولدي للي ابوه جتل ولدي
حاتم. : وانتوا جتلتوا ابوي
همام : وانته يا اسر رأيك ايه
اسر بتفكير: معنديش مانع بس بشرط اختي تكمل الجامعه واختك هتكمل ذيه الاتنين هيتعملوا باحترام ماشي يا حاتم
حاتم : ماشي اتفجنا بس اوعدني محدش يزعل اختي
فارس: بوعدك وانته تحافظ علي اختي
اسر: انته جيت
فارس: ايوة وسمعت وكويس ان العداوة تخلص
وفي الغرفه فوق
فتحيه : يا مري تتجوز حاتم
اسر : ايوة
فتحيه : بتجول ايه بترمي اختك في النار
اسر: له بحميه الي ذي حاتم مش مضمون اكده هنمسكه من يده الي بتوجعه اخته هتيجي اهنه وهي عنده حياته
فتحيه : وهو وافج
اسر: ايوة عشان خاف علي اخته لنخطفها ذي ما حول يخطف شهد هو اكده بيحمي اخته
فتحيه : واختك ذنبه ايه
اسر: لو عمل حاجه لي نهال هتكون نهايته بس هو جبان مش هيإذيها وانا عايز انهي التار
كانت نهال في غرفه شهد تبكي
نهال بدموع: وانا ذنبي ايه
شهد : متعيطيش هحاول اجنع اسر يلغي الموضوع
نهال ببكاء : مش هيلغي حاجه وانا الي هدفع التمن
يدلف اسر للغرفه
اسر: عملين مناحه ليه
شهد بغيظ : بسبب الي عملته
اسر: اكتمي
شهد : له مش هكتم حياتنا ومستجبلنا مش لعبه في يدك
اسر بغضب : اكتمي احسنلك
شهد بخوف: هتعمل ايه يعني
اسر : هعمل حاجات كتير وجوله هجطع لسانك الطويل
نهال:هي كلامها صح احنا مش لعبه
اسر : افهمي الي هجوله هتتجوزي حاتم وفارس ميراث وده كلامي النهائي
شهد بغضب: دي اختك هتعمل الامبراطور عليه
يمسكها اسر من يده ويلويها خلف ظهرها
اسر بغضب: جولت اخرسي ملكيش صالح بلي بيحوصل روحتي اتجهزي لفرحنا وملكيش صالح بحاجه فاهمه
شهد بتألم : مش هتجوزك علي جثتي
اسر بسخريه : علي جثتك انا لو متجوزتكيش هخليكي جثه
شهد : انته ايه
اسر: اني ومن بعدي الطوفان لو مكنتيش ليا مش هتكوني لغيري حطيها حلجه في ودانك يا شهد
ليترك يدها ويخرج لتنظر ليدها الحمراء الورمه من المسكه
وتضرب الارض بقدمها
شهد بغضب : اني هوريك يا اسر
