بقلمي*ملاك_محمد*
مسك : فتحت الباب ولكيت واحد ابوجهي بس شنو من واحد يخبل شنو من جمال وشنو من طول وشنو من جسم ودور عيونة ملونة خرب حضي يموتن وكلت ابداخلي يارب يطلع هاذة همام الحجولي عنة اموت غير اذا طلع هوة هالحجي كله اني صافنة عليه وافكر بيني وبين نفسي صحيت عله صوته وهوة يصيحني
همام : اجيت الغرفتي ردت افتحهة لكيتهة مقفوله دكيتهة فتحتلي بنية يالله شنو من جمال تموت بس اول مافتحت ضلت صافنة بوجهي كمت احاجيهة عفوا يابة انتي يبنية الو تسمعيني
مسك : ها اسفة شردت شوية منوا حضرتك
همام : والله اني اللي المفروض اسال هالسوال منو انتي وشتسوين بغرفتي
مسك : غرفتك معناها انته همام
همام : اي اني همام انتي منو
مسك: اني مسك البنية اللي اخذتوهة بدل اخوك الله يرحمه او الاصح اكول الفصلية اللي اخذتوهة
همام: خرب حضي هية هاي الفصلية اليردوني ازوجهة والله تسوة تصير مرتي، زين يامسك ممكن اطب الغرفتي
مسك: اي طبعا فوت
همام: شتسوين هنا
مسك: نعم؟
همام: شسوين بغرفتي وبعدين شنو هالجنط كله
مسك: بالنسبة للغرفة فبابا موسى هوة الكلي اجي لهنا والجنط ملاتي
همام: انسدحت عالسرير وكملت حجي وياها، هههههه بابا موسى شبسرعة تعودتي عالوضع هنا لعد شكلج ماصدكتي تجين
مسك: حيل ضجت من حجايتة بسء قدر الامكان اكون مؤدبة وياه ماردت من بدايتهة تصير مشاكل فكتله والله اذا مستغرب فروح اسال ابوك هاذة طلبه انو اصيحله بابا اما بالنسبة للباقي فاهلي مقصروا عني بشي حته ماصدكت اجي هنا وللعلم اني قبلت اجي لهنا علمود اخوية ميروح مني لا اكثر ولا اقل
همام: زين زين اعتذر شبيج ضجتي
مسك: لان حجيك يضوج هسة عوفنة من هالموضوع وكولي غراضي وين راح احطهم الكنتور ميكفينة ثنينة
همام: ومنو كلج راح تحطين غراضج ويه غراضي اني مااحب احد يحط شغلاتة يم شغلاتي اكو باب صاير بالحايط هناك فتحي اكو غرفة ملابس هناك حطي غراضج الغرفة كلهة الج بس لتدنين عالكنتور
مسك: اوك راح اروح افرغ الغراض لعد اخذت الجنط وبديت اصفط الغراض بعد 4 ساعات كملت واخيرا طلعت من الغرفة لكيت همام عله نفس الوضعية بس مبدل ملابسه وضال بالفانيلة والبجامة طبعا ما اسولفلكم عالجسم عضلات وابيض وتخيلو بعد
همام : درت وجهي عليهة لكيتهة صافنة علية بعدين دارت وجهة ومشت كتلهة اني هاذا لبسي بالبيت فتعودي عليه
مسك : واني مكلت شي
همام : بس ادري شنو اجه ابالج وابتسمت ابتسامة خفيفة
مسك : فتحت عيني وسويت روحي مسمعته لان جنت دايرة وجهي بس بداخلي متت خجل هاي ثاني مرة يشوفني صافنة عليه هيج هسة شيكول عليه ماشايفة انداريت عليه وكتله اهلك مااجو لسة ماشفت ولة واحد بيهم غير ابوك
همام : ماادري هسة عله جية لان نزلت سالت ابوية كال الشيخ فد ساعتين وييجي وهمة اكيد ييجون قبل الشيخ
مسك : شوكت نزلت
همام : من جنتي جوه صالج اربع ساعات
مسك : حييل ماحسيت بالوقت زين راح انزل تريد شي
همام : لا اني راح انام من ييجي الشيخ كعدوني
مسك: اوك
......................
وهنا ويخلص البارت
واسفة عالتاخير بتنزيل البارت بس جنت مشغولة
ترقبو البارت مال باجر بي هواي احداث
أنت تقرأ
فصليتي كربلائية
De Todoفتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر ...
