فتاة تدفع الثمن
البارت 12
بس اول شي خل اخذ البيت ااثثه بسرعه وادخلها للبيت
ببدلة العرس ونسويلنا عرس عله كدنا بقيت افكر بالموضوع واشتاقيتلها لفت السياره ورجعت للبيت
ودق.. ردت اطلع اشرب مي جان اسمع هناء وعبير يتفقن عليه علمود يفرقني من قائد يردن يفرغث البيت ويخلن واحد يدك الباب واني افتحه وهذا الولد يغصبني ويبوسني ويصورني ويدزن الصور لقائد
ما اتحملت انهاريت يعني معقوله هاي امي اللي دتخطط علمود تهدم حياتي دخلت عليها وصرخت بيها بنبرة بجي وعبره بحنجرتي
وكتلها ليييش شنو سويتلج وهيج تكرهيني انتي شنو من ام انتي ما عندج احساس ما فد يوم كلبج حن عليه.. من كد ما انهريت بقيت اصيح بنص البيت ونسيت نفسي هيه بقت مصدومه بوجهي
هناء.. ودق انتي ودق بنتي
ودق.. لا اني مو بنتج ولا راح اكون بنتج ماكو ام تترك ضناها وتنكره وتعيش حياتها ولا كٲنو فد يوم شلتيني بداخلج ليش عفتيني اتعذب ما مر عليه يوم اذا ما دمعتي بعيني ليييش شنو ذنبي بينكم ابويه اتزوج وانتي اتزوجتي ومحد بيكم فكر اني شنو اريد.
كاعد احجي ودخل قائد ركضلي لزمني ويكولي
قائد.. شبيج ودق اهدي حبيبي بس اهدي خل افتهم
ودق.. الله يخليك قائد عوفني باوعلها هاي ام هاي تخطط ادخل واحد عله بنتها علمود اطلكها من رجلها اي ام اتسويها
قائد.. انتي شدا تحجين يا ام فهميني
ودق.. هاي اللي كبالك فد يوم من الايام جانت امي وشايلتني ابطنها
الخال.. لحضه لحضه يعني انتي تصيرين بنتها
هناء.. بقيت مصدومه شلون طلعت هيج بوجهي بعد ما كدرت انساها ﮨـbⓐṣـس اني من اتزوجت خفيت عله زوجي وكتله ممخلفه ابد ما ردت اتذكر اي شي من كاظم ولا من ضيمه حته بنته نكرتها
الخال.. لج هناء كل هاي السنين تضمين عليه انتي عندج بنت
قائد.. خالي لحضه اتركني من هلموضوع فهموني شنو اللي دتحجيه ودق وليش تريد اطلكنا اني وياها
ودق.. قائد دخلت واسمعهم يحجن بيناتهن يردن يجيبن رجال يدك الباب واني اطلعله ويبوسني غصب ويصورنا علمود يدزنها الك ويطلكونا
قائد.. بقيت اباوعلها مصدوم وباوعت لمرت خالي باستحقار انتي هم حاسبه نفسج بشر
انوب باوعت الخالي كتله اعتذر خالي ما الي كعده هنا وهيج شكول ابيتك هوه خطيه كام يتعذلي لزم عبير ضربها وهناء طردها
ﮨـbⓐṣـس اني متحملت اخذت ودق ورحت للفندق كعدنا وهيه بس تبجي ومنهاره اتقربت منها وكلتلها اوف يمه اوف الحلو يبجي عليمن لج عيني قوقه عندي الج خبر يفرحج يطيرج للسما
ودق.. مسحت ادموعي وباوعتله امبرطمه وكتله شنو
قائد.. اوي اوي يمه قلبي الصغير لا يتحمل لك شنو هلجمال شنو هلبرائه اروح فداوي لهلخدود الحلوه
