فصليتي مزاجيه

البارت 1

سمر:الساعه 7:00 الصبح
كلعاده اجى امير كعدني علمود انروح للمدرسه اني شكد اكرهه من يسوي هيج لان يكعدني بطريقه خبيثه علطول يذب مكعب ثلج بظهري واني اصرخ  واركض وراه حتى اضربه واجى حسام عيط بينا
حسام:شبيكم من الصبح شهل الهوسه ترة الناس نايمه عيب عليكم اعقلو شويه شوف كل واحد شكبره وانتو بعدكم بحركات الزعاطيط وانت امير كتلك كعدها مو كتلك اتسوي بيها هيج مره ثانيه ادكول الى ام احمد هي تصعد اتكعدها يلا انزلو اتريكو ام احمد سوت الريوك
امير:وانت شبيك تتامر علينا من الصبح تره ماسوينا شي وصاير جبير براسنا
حسام:طرراااخ على راسه كص لسانك امير غصبا عنك جبير وتسمع كلامي ويلا اعتذر من سمسم هسه ضايجه منك
امير:مااعتذر لعلبه التونه وباوعت عليها وطلعت لساني😜
حسام :لزمت امير من اذنه اعتذر من سمسم يلا
امير:اسف والله اسف بس عوف اذني تره انشلعت
حسام:يلا انزلو اتريكو اتاخرنا وعفتهم ودانزل وكتله امير اليوم اني اوصل سمسم للمدرسه وعقوبه الك اتروح مشي وسيارتك اسبوع ماتلمسها خوش😉
امير:لا على بختك حسومي حبيبي اكيد تشاقه
حسام :لامااشاقه ويلا عاد اتاخرتو سمسم رايح اشوف بابا انتي بدلي وانزلي دنروح
سمر:اي 5دقايق واني يمك وباوعت الى امير واضحك واستفزه مابيدي خبيثه
فتت الى غرفتي باوعت للساع 7:15 اووف منك امير راح اتاخر من وراك فتت اخذت شاور علسريع وطلعت لبست صدريتي وسويت شعري كعكه وحطيت عطر باوعت لنفسي بلمرايا كلت فديت نفسي اخبل واخذت جنطتي ونزلت سويتلي توست ونويتلا ورحت لغرفه بابي صبحت عليه وبسته من راسه وكتله يلا حسام اتاخرت هوواي
حسام:فوكها انتي المتاخره عيني ولج مو بسببج اتاخرنا
ابو حسام :يلا روحو الله وياكم اني هم ابدل واطلع للشركه عندي شغل محتاجه شي بابا سمر
سمر :لابابا حياتي كلشي ممحتاجه
ابو حسام:الله وياكم وديرو بالكم على روحكم
سمر:ممممواح باباتي
حسام :يلا عاد مو اتاخرت من وراج
سمر: اي عيني استاذ حسام اش سوينالك حتى عصبي هيج
حسام:كلشي ماسويتي اني الغلطان بس امشي
سمر :وصلت للمدرسه كلعاده فتت كبل للصف لان متاخره اليوم بس لان شطورة والمدرسه تعرفني ماحجت شي وياي رحت كعدت يم صديقتي رند
رند:شو متاخرة ولج وينج يمعوده
سمر:ماكو شي خلي ننتبه على الشرح بعدين اسولفلج
رند:وك حب
سمر:انلصمي عاد😒
رند:سكتت

خلصت الدروس وجانت صعبه شويه خصوصا الرياضيات ماافتهمت هواي لان اضوج من مدرسته بس اني ماسكه خصوصي رياضيات عند مدرس وهو خلاني احب الماده انتهت الاستراحه ورجعنا كملنا الدورس واجى وكت الطلعه نهايه الدوام احلى وكت وربي طلعت بره انتظرت امير ماكو انتظرت حسام هم مااجى بقيت ربع ساعه انتظر اجى اخو رند ياخذها كال اصعدي لاتبقين وحدج هنا اتاخر الوكت نحنا انوصلج وعود من تصلين خابري امير وحسام وكليلهم وصلت
سمر:اوك صعدت ومدري ليش كلبي يوجعني احس راح يصير شي مو زين بعدين اتعوذت من الشيطان وكلت اتفائل بلخير احسن ماكو شي ان شاء الله وانوب هذا اخو رند شكد اكرهه هو معجب بيا ويسوي حركات من يشوفني واني ممعبرته
ايهاب:اني اخو رند احب سمر صديقه رند كلش بس هي ممعبرتني بس الا يجي يوم واخليها تحبني اني اسمر وعيوني خضر وعندي كفشه حلوه طولي وجسمي زين ومرحله ثانيه علوم كيمياء شفت سمر اليوم طالعه اتخبل الصدريه عليها اتجنن والشعر نازل على عيونها يبوو اتخبل وكتلها اوصلج وهي وافقت وصعدت وراه وطول الطريق اباوعلها بلمرايا اشوفها ضايجه ومتوترة سالتها كتلها شبيج سمسم صاير وياج شي احجيلي بلكي اكدر اساعدج
سمر:لاشكرا ماصاير شي بس تعبانه من الدراسه
ايهاب:حجت هاي الكلمتين وبقت طول الطريق ساكته واني اباوعلها من المرايا واكول ياربي ايمتى اخليج مرتي ومحد يكدر يباوع عليج
وصلتها للبيت وهي نزلت راحت واخذت كلبي وعقلي وياها
سمر:وصلت للبيت بس مو مثل عادتي فرحانه وكلي نشاط وحيويه معرف ليش كلبي يوجعني داحس راح يصير شي موزين فتت للبيت جانت ام احمد بس بلمطبخ(للعلم ام احمد هاي الخدامه مالتنا بس معتبريها وحده من البيت هي وحيده خطيه ابنها عافها وسافر واتزوج هناك وماعدها احد وبيت تسكن بيه من ولدت ونورت الدنيا هي اعتنت بيا اني احبها كلش ) كتلها هلاووو خاله وين بابا واموري وحسام
ام احمد :كالت بعدهم يبنيتي مارجعو تريدين اصبلج غده
سمر:لاخاله مااريد من يرجعون اكل وياهم طالعه اخذ شاور وانام من يرجعون كعديني
ام احمد:خوش حبيبتي
سمر:طلعت اخذت شاور ولبست تراك برمودا احمر واسود سشورت شعري وحظنت دبدوبي ونمت
كعدت الساعه5:00على صوت عياط حسام باوعت للساعه كلت يبوو الساعه 5:00شكد صارلي نايمه
.....
خلص البارت لهنا