فصليتي مزاجيه

البارت2

كعدت على صوت عياط حسام وهو يكول الى بابا شون هسه ياربي انعوف امير يضيع من بين ايدينا
ابو حسام:ياابني اهده مااعوفه والله هو اني شعندي غيركم
حسام: شون هسه امير ميتحمل هذا متعود على الدلال شون هسه يستحمل السجن وبلكي يكتلوه وياذوه يربي امير صغير وبعده ماشايف شي
سمر:اني انزل على الدرج واسمع صوتهم اش عيحجون لان صوتهم كان عالي واريد بس اصل الصاله رجليا بعد ماتحملني ودموعي تنزل واكول اخويا ضاع مني وياه منو اضحك منو الي يخبث وياي وصلت للصاله واحجي ودموعي تنزل كتله حسام وين امير
حسام:بس اباوع الى سمر ودموعها تنزل ياربي شلون تكدر بدون امير صح يتعاركون وياه بعض بس مايكدرون بلا بعض حضنتها وهي كامت تبجي وتشهك وتضربني وادكلي رجعيلي امير
سمر:كمت ابجي واشهك وحسام حضني وكمت اضرب حسام على صدره وهو كام يبجي وياي
ابو حسام:ايدياا اتربطت راح اخسر ابني مستحيل هما مايكدرون يعيشون بدون بعض واباوع واصفن على حسام وسمر شون يبجون كمت حضنتهم وكتلهم كافي خلي انروح انشوف امير ولاتبجون كدامه لان بعدين يتاثر
سمر:بعد مابابا حجى اني حظنتهم اكثر وكمت ابجي واكللهم لاتعوفوني وحدي مااكدر بدونكم
حسام:هدت سمر شويه وكعدت احجيلها اش صار وياه امير
امير اتعارك وياه واحد بلمدرسه ولما سالت اصدقاء امير كالو ذاك متجاوز على امير وساحب سجين عليه وامير دافع عن نفسه وضربه
سمر:امير بريء مايكدرون يسون شي لان جريمه دفاع عن النفس
ابوحسام:صح حبيبتي بس المشكله اهل الولد عشائر ومايعوفون اخوج الا ياخذون بثار ابنهم

ابيت عمر
عمر:جنت بلجامعه خابرني صديق غسان وكلي تعال اخوك مضروب بسجينه وهسه اخذنه للمستشفى
اني من سمعت هيج اسودنت الدنيا بعيني وبعد مااشوف شي وصرت عصبي وعيوني تجدح نار كتله العنوان
مصطفى: اني صديق غسان من الطفوله وغسان اتجاوز على ذاك الولد وحاولت ابعد غسان عنه بس هو طلع سجينه وراد يضرب الولد بس الولد طلع قوي وكدر ياخذ السجينه ولما جانو عيتعاركون صارت السجينه بغسان مو بلقصد وخابرت على اخو عمر وكتله اخوك متصوب وانطيته عنوان المستشفى***
عمر:طلعت ركض للمستشفى وشفت مصطفى كال جوه بلعمليات حجالي كلشي صار بس حتى لو اخوي غلطان الا اخذ بحقه بعد ربع ساعه طلع الدكتور
الدكتور: البقيه بحياتكم المريض اتوفى ماكدرنا ننقذه
عمر:انصدمت وكمت اصيح وضربت الدكتور وكتله راح اخسركم المستشفى وكلشي هذا اخوي وحلفت الا اخذ بثار اخوي
الدكتور:اتفهم موقفك بس حالت اخوك صعبه والسكين كانت مسممه لهذا اتوفى بسرعه
عمر:دفعت الدكتور ورحت شفت اخوي شون امدد على سرير ابيض هيج اتروح ياخوي ياحزام ظهري بعد ماشفت شي من حياتك بعد ماسافرنا سوه شون هيج اتعوفني واتروح وبجيت وصيحت صوت هز المستشفى وكمت بست راس اخوي وكتله ماارتاح اذا مااخذ بثارك
مصطفى :جنت واكف مصدوم واسمع كلام الدكتور يكول السجين مسممه بس غسان صح مشكلجي بس مو توصل بيه انو يصير قاتل اكو لغز ولازم اعرفه
لان غسان مو بسرعه يضوج من واحد ويتعصب عليه هيج
عمر:اني وطالع شفت ناس بلاستعلامات جاي تسال عن وضع اخوي كتلهم خير شتريدون ومن وين تعرفون اخوي
حسام:انت اخو غسان
عمر:اي اني اخو وانتو منو (هما جانو رجال بس ماجبير حيل بلعمر وشاب بعمري يطلع وبنت وياهم صغيره بس شون عليها جمال اتخبل )
حسام:اني اخو امير الي ضرب اخوك
عمر:من سمعت هيج فار دمي وهجمت عليه وردت اضربه بس ماحسيت الا احد مسك ايدي باوعت شفت البنيه وعيونها كلها ثقه ومتروسه دموع بس ماخافت ولابجت رغم الدموع الي بعيونها
سمر:شفت هذا راد يرفع ايده على اخوي واعرف اخوي ماراح يسويله شي لان دمهم فاير على ابنهم واخوي مهما يكون جتال ابنهم مسكت ايده وكتلك دير بالك اتمدها وتتجاوز صح اخوي ضرب اخوك بس اخوك هو السبب وماقصر وياه اخوي ونزلت ايده
عمر:من حجت هيج بثقه اتعجبت منها بس اتعصبت اكثر كتلها احرككم كلكم واخذ بثار اخوي
سمر: كتلك شتريد سوي ماخايفين نحنا واخذت حسام وبابا ورحنا انشوف امير لان هو هم متاذي من الضرب بس جان اكو شرطه على الباب وسمحو الى شخص واحد يفوت وراح بابا يشوفه
حسام:راح اروح اجيب اكل لاتتحركين من هنا
سمر:لاتخاف عليا الله وياك
راح حسام واني الخوف والتوتر موتني وسمعت صوت هوسه رحت اشوف شكو وشفت ذاك الولد الي رزلته وشيوخ وزلم اتخوف
عمر:اجوي اهلي وعمامي والمستشفى انرست شيوخ وزلم مرتبه لان الي مات ابن شيخ العشيره انتبهت للبنت الي جانت مع اهل الي ضرب اخوي وعطت بيها كتلها شجابج هنا جاي تتشمتين مو
سمر:انتبه عليا ذاك المغرور وعاط بيا اني خفت وردت اروح بس سمعته يغلط على اهلي واخوتي وعلى اساس اني ممتربايه لان لابسا جينز وبلوزه وشعري طالع واباوع الى ذولا الشيوخ كلهم يباعون ويحجون عليا كتله الزم حدك ولاتتجاوز على اهلي لاتشوف شي ميعجبك شو هذا ضحك يمكن مخبل
عمر:عطت بيها وشفت الخوف بعيونها بس هي قويه ماتخاف واباوع للزلم كلها تباوع على لبسها توني انتبهت هي شلابسه جينز ضيك وردي وبلوزة سوده والشعر نازل والعيون مورمه من البجي والانف احمر والشفايف منفوخه وشفت هي اتحب اهلها اتجاوزت عليهم وكتلها انتي ممتربايه واهلج مايستحون ومااحس الا طررراخ ضربتني واني واكف اصفن والزلم كلها تباوع على قوتها وجرائتها كتلها اتمدين ايديج عليا اكسرها افتهمتي ومسكت ايديها وعصرتها ودفعتها وكعت وانجرح راسها واني اندرت مااهتميت
سمر: من اتجاوز على اهلي مااتحملت وضربته راشدي بس هذا عيونه كامت تجدح نار ودفعني وكعت وانجرح راسي بلحافه مالت الكرسي حسيت نزل دم مني والشيوخ كلها ادردم وتضحك ماحسيت الا وايد تمسكني وادكومني باوعت شفت وسام بعدين اعرفكم عليه كمت حضنته كدام الكل ووكفت وراه وكام يعيط وراد يضرب عمر والزلم تفك بيهم اجيت مسكت وسام وكتله خلي انروح
عمر:بعد مادفعتها مااهتميت واندرت بس انتبهت على الزلم مصدومه اندرت شفت هاي بحضن واحد كلت متستحي صدك ووكفت وراه وانتبهت راسها انجرح وبيه دم انقهرت لان اول مره امد ايدي على احد بس هي اتجاوزت وهذا كام يعيط وردنا نتعارك بس هي اخذته وراحت

سمر:اخذت وسام وطلعت للحديقه مالت المستشفى
خلي اعرفكم عنه وسام هو ابن خالتي هو عمره 25 سنه هو دكتور جراح اني معجبه بيه من اني وصغيره بس  وكتها جان طالب وجان يحب وحده وياه بلجامعه ولمن عافته اتازمت حالته حيييل جنا اصدقاء مقربين كلش وعرفت يحب وحده اعتبرته مثل اخوي بس مدري لمن عافته كلش فرحت بس ماكدرت اشوفه لان هو ابتعد عن العالم وسافر يكمل دراسته خارج العراق
وسام :اني ابن خاله سمر المخبله عمر 25طويل وابيض وعيوني خضر واشكر وابوي مدير مستشفى وامي دكتورة اطفال واني وحيد لاهلي جنت احب وحده وعافتني وحبست روحي وقررت اطلع ادرس بره ومصارلي اسبوع من رجعت للعراق وبس اليوم جنت جاي داشوف مريض وشفت واحد ماسك بنيه من ايدها ويهددها ودفعها وشفت راسها اتاذى بلحافه مالت الكرسي رحت عليها ركض شفتها  ولما شفت وجهها طلعت سمر هي متغيره هواي صايره تخبل وكبرانه صارلي سنتين ونص ماشايفها ماعرفتها بلبدايه بس عرفتها من عيونها لان ماكو مثلهم وماتغيرو ولما شفتها هيج فار الدم بجسمي وهجمت على الولد الي دفع سمر والزلم اجو يبعدونا عن بعض وسمر مسكتني من ايدي واخذتني وطلعنا للحديقه وهناك اول مره اشوف سمر تبجي كامت تبجي بحركه وتشهك وحجتلي كل الي صار وياها واني حضنتها وبديت اهدي بيها معرف ليش حسيت بلراحه وهي بحضني
عمر:طلعت بره مخنوك على موت اخوي وشفت البنيه بحضن ذاك الولد واني معرف ليش فار الدم بجسمي وردت اكسر ايده لان حاضنها
وهناك اجى ابالي شون اخذ ثار اخوي وانتقم منهم وخصوصا هل البنت