حلالي انت

الزوجه اللهلوبه

حنتكلم سريعاً عن أهم حاجة محتاجة تترتب وتتنظم عشان تكوني ست لهلوبة

الحاجة دي هي أفكارك ووقتك

لازم تحددي مسئولياتك وأهدافك بوضوح لنفسك
ومفيش مانع تكتبيها في ورقة عشان دايما تفكري نفسك

يعني مثلاً 
كزوجة مطلوب مني:

1- يكون بيتي نضيف، وده معناه تكون ايدي فيه اول بأول وافهم اني الوحيدة المسئولة عن ده، قسمي شقتك على عدد الايام وخلي فيه اساسيات تتعمل كل يوم

2- أعمل اكل حلو، فعلاً الطريق لقلب الرجل معدته، مفيش راجل ممكن يستحمل كتير واحدة مش عارفة تسلق بيضة، وغصب عنه حتلاقيه بيقارن بينك وبين والدته، وبما ان النفس بيفرق في أكل الستات الكبار يبقى انتي لازم تبدعي في تزيين الأطباق، وتجربة اصناف جديدة وهكذا

3- اوفر على قد ما اقدر، مهما يكون دخلك لازم تخلي دايماً جزء على جنب لأي طوارئ، وافكر في حاجات كتير ممكن استغنى عنها عشان هدف اكبر وبرضه عشان احافظ ع النعمة اللي غيري مش لاقيها

4- اهتم بشكلي ومظهري، واتعامل مع نفسي دايماً اني انثى .. ملكة على راسها تاج، والجزئية دي تحديداً حنتكلم عنها كتير اوي

5- احافظ على علاقاتي الاجتماعية الطيبة مع اهلي واهل زوجي واصدقائي وجيراني.. طبعاً مع المحافظة على مساحة الخصوصية لأسرتك ولغيرك

6- احسس جوزي انه ملك، بمعنى اصح " ثبتيه " حسسيه ان كل ما تملكي في الدنيا وانك محتاجاله وانك .. وانك .. تظبيط الشغل اهم من الشغل نفسه