#ما_لم_يكن_في_الحسبان 11
الكاتبة #نسيم_الامل
________________
اجاني الليل ياكلبي حضر ادموعك وابجي حبيبك هسه ويا غيرك كاعد وياه ويحجي
كاعد يسولف ويحجي
🎶🎵🎶🎵🎶🎵🎶🎵🎶🎵🎶🎵
أريدك وياي شو انت هم صرت ضدي
تالي وياك كافي اتعبت وهم بعدك ضدي
وين راحت ذيج ايامك الحلوة ماجنت ضدي ياكلبي جنت حنين وياي ولاجلك اهلي ضدي
شوف تالي تعبي وياك تاليك صرت ضدي
_______________
من كلماتي. نسيم الامل
___________
بس شنو الجو صار على نار بالبيت أدعي يكون هاي المرة ولد وهددني اذا طلع بنت يزوج عليا
غير من ورا أمة بس اتزن بيه والله ماجان هيج وحلف وليد هوا يلي يوديني افحص ويشوف بعينا
السونار حتى يعرف ولد لو بنت لأن حسب الجدول على أساس ها هيا اني حامل بولد طبقت الجدول
بالحرف الواحد وإني اعصابي تلفت من ورا عمتي بس تكرك هيا وبناتها يدعن ويريدن ولد
بعد 4 أشهر كال
..كافي اتكليلي أصبر وتكليلي مايبين هسه الجنس يبين واضح لأن صارلج 4 أشهر يلا امشي اوديج هسه انسوي السونار
...سلمت امري لله ودعيت الله ميخيبني اتحضرت ورحنا وخلينا البنات يمهم بينما نرجع طلعنا
وطول الطريق يتحلف ويتوعد اذا بنت يتزوج
وإني دموعي ولا وكفن وين أيام الحب مو كتلت روحك عليا شغيرك اااااه هسه كلها منهم
دخلت والفكر اسمي اول وحدة بالفحص محد جان اكو فتت وطلبت فحص الجنس واول ماخلت الجهاز السونر كالت كم طفل
عندج كتلها بنتين كالت وهاي بنوتة الثالثة ربي يخليها الكم اباوع على وليد اصفر وجها وصار غضب
عرفت نهايتي قربت كبل طلع وركب بالسيارة يفور من الغضب وإني هم ركبت هوا ساكت بس اتكلة بز ينفجر من العصبية بلعت ريكي بخوف وكلت بهدوء
...هاي شبيك وليد هاي انت الواعي والمثقف غير اتأمن بقدر الله اني شبيدي متكلي ليش هيج
متغيرين عليا الله على كل شي قدير يعني والله مو بيدي لو اكدر والله اغركم بالويلاد ليش اتسوي بيا هيج انت متغير وامك وخواتك غيروك عليا شنو ذنبي حتى دكتورة
ورحت واستمريت بالعلاج والجدول سويت بس شسوي بعد
ياعيني....
...بس شنو ياريت انقطع الساني وماحجيت
مسكني من شعري يجر بيه حييل من جوة الحجاب والله دمعت عيوني من الوجع ويكلي. .
شوفي قرار وقررت هسه مو بس أمي أتريد ولد اني رايد أكثر منها خوش حتى مو كل حجاية
والأخرى اتكليلي امك امك وخواتك اسمعي زين نويت وكلت اذا بنت اتزوج
فاهماااااااا ....بعلو صوتا هوا ويسوق سريع
يتلفت عليا ويخزر بيا ويحجي عبالك عدوتا
