#ما_لم_يكن_في_الحسبان 1
بقلم الكاتبة #نسيم_الامل
عشك موت اموتن بيك ياغالي غير انت النفس مالي عشكتك ياكمر عالي عشك موت ولا صوت
🎵🎶🎵🎶🎵🎶🎵🎶🎵🎵🎶🎵🎶
أيها الكلام المعسول عن الحب اتركني أعيش بسلام لا تجعلني ك فريسة بشباكك الوهمية التي لا مفر منها أريد أن افيق من عالم لا وجود له أريد أن أكون كما اكون ولا عاشقة كالمجنون
غالبا مايكون اول لقاء هيا النظرات وثم من بعدها الإعجاب وغيرها من اصطياد في الكلمات
مرحبا اني اسمي زينة
عمري 17 سنة
مواصفاتي.. عيوني بنيات كبار
ورموشي كثيفة يجذبن النظر
عبالك مكحلة
وشعري لونة تمري وبشرتي حنطية
يعني حلوة حيل وبسيطة
هاي موصفاتي
اعرفكم عن اهلي
بابا وماما مو كرايب غربة
عندي 3 خوات 2 أخوة
الأخوة. ...
علاء:متزوج
وياسين :طالب جامعي
الخوات....
ورقاء :متزوجة وماعدها جهال
ريم: جامعية سنة أولا ومخطوبة الابن خالي
ديمة: صف اول ابتدائي
واني
طبعا بدت علاقتي بالحب مع وليد من اني بالمدرسة صف السادس علمي هوا بدى
لأن اني كان كل حلمي الدراسة وبس
بس مع الأسف الحب اعمى
مرحبا اني اسمي وليد عمري 25 سنة
موصفاتي. ...عيوني سود واسمراني بس حلو راهم عليا الون وطولي مناسب وشعري شوية طويل أحب التسريحات ومخلص دراسة واشتغل مع ابوية بمكتب عقارات
عائلتي متكونة من 3 خوات... طبعا اني الوحيد الاهلي
امي وابوية كرايب من بعيد
الخوات. ..
سمر:طالبة صف سادس علمي
ونوال:متزوجة
ومنى:متزوجة وعدها جهال
وإني
مرة راجع للبيت وكت الضهرية حتى اتغدا والعصر اروح على ابوية اعاونة صدفة جان
اندعم بسيارة بس ماحيل من ورى السيارة لأن
جاي ارجعها وماجنت منتبه عبالي فارغ الشارع نزلت من السيارة متعصب وطفران مع العلم السيارة ماحيل مدعومة ضربة بسيطة بس لأن
جوعان أريد بس أصل البيت وتعبان بس من شفت صاحب السيارة يلي دعمني رجال جبير
بالعمر ونظرة على كدة انقهرت عليه كلت مالازم اسوي مشاكل هوا ماناقص رحت عليه كلتا
وليد: عمو الله يساعدك اني مجان قصدي ادعمك مشفتك انت جاي لأن اني مجنت منتبه
بس جان غير تنتبه انت... دااباوع على سيارته عبالي اتاذت ولمحت عيون عبالك عيون غزال كاعدة بالسيارة اخذتني الصفنة بيها الله الله على هاي
العيون غير يموتن من الجمال ومكحلات والحواجب فد شي روعة هيا بس العيون اني دخت لعد لو الوجه
.....تعرفون لمن اتصير الشمس على عكس جام السيارة ماحيل يبين شكو جوى بالسيارة
بس لمحت العيون بس اشلون عيون صدك غزال وعلى غفل اتمد رأسها من جام السيارة وتصيح على الرجال الجبير وتكلا....
