من بعد ما رديتك تعلقت في هواك

البارت 2

.....: دانة دانة 
دانة :اممممممم
الام : يله دانة قومي خالتك مروى زوجة عمك تبينا كلنا موجودين من وقت عشان نستقبل عندها الضيوف
دانة :........
الام بصراخ : يله داااااننننهه قووومممميي
دانة : يله يمه قمت قمت
قامت دانة وخذت لها شور ع السريع وراحت المطبخ سوت لها كابيتشينو وقعدت على اقرب كرسي شافته قدامها
"غدير : يله نورة قوليلنا الخبر اللي منه بتسون عزيمة يله كلنا موجودات
الحور :اووووه السالفة فيها عزيمة
هيام : هاا نورة اقولهم ولا انتي بتقولييين
نورة:اخوي عزوز بيرد من بريطانيا خلاص تخرج.
"صدمة ........ بيرجع لا لا مستحيل كيف بيرجع يعني بشوفه كيف ياخي اقدر اشوفه من اخر موقف ااااااه يا عز كسرتني وجرحتني ويوم وتأقلمت ونسيت رجعت  "
غدير بهمس :دانة دانة
دانة :.........
غدير تحاول ما تلفت الانظار لدانة  :اللله بيرجع عزوز اللزوز اخيرا مو شكله طول
هيام :ايه هو طول  صح بس الحين خلاص بيستقر هنا
الحور : اييه ماشاءالله بس اهم شي ان في عزيمة وناس ورقص ونااااااصصصصةةة
نورة :مجنونه ههههههههه
غدير : امم انزين دانة تعالي جبت لك القميص اللي عاجبك تعالي
دانة قامت بلا صوت  بجمود وتحسس انها خلاص بتنفجر بتبكي ماتقدر تمسك دمعتها وطلعت عندها ودخلتها غدير غرفة جدتها وقفلت الباب
دانة تناظر الفراغ اللي بالغرفة بدون صوت ولا حراك
غدير بعصبية : وبعدين دانة وبعدين
دانة نزلت دموعها بهدوء وقالت بصوت متقطع :ع عبد ال..
قاطعتها غدير : خلاص يا حبيبتي انسي انسي عبدالعزيز وانسي كل شي صار ادري متضايقة وادري انك تحبينه بس بس حسبي الله ونعم الوكيل (وراحت حظنت دانة )
ودانة ما صدقت على الله وبدأت تبكي وتبكي وتبكي متألمة ومجروحة
غدير وهي تمسح ع ظهر دانة : دانة خلاص لا تخلين احد يحس في شي ابد خلاص لا عاد تبكين واللي صار صار ومافي اليد حيلة. قومي ظبطي نفسك وتعالي واهم شي لا تخلين احد يحس "
احد يحس اااااااااه يا زمن ليش انت قاسي لييييييييش يا ربي اكتب لي اللي فيه الخير واسعدني ياللللللههه
قامت من سرحانها على صراخ امها
الام : يا بنت اقولك استعجلي وانتي جالسة هنا ومرتاحححههه احرر ما عندي ابرد ما عندك ترا والله اروح واخليك اوووف قومي دااااانننة
دانة : اوكي اوكي لا تصارخين كاني قمت
وراحت دانة طلعت لبسها اللي بتلبسه وقعدت قدام مراية المكياج ومسكت بالفرشاة
دانة في نفسها : " خلاص لا حد يحس بشي انا فرحانة اليوم ولد عمي اليوم بيرجع من بعد مدة غياب ااااه خمس سنين صعبة معقولة فكر فيني انزين كيف صار شكله خمس سنين شكله تغير امممم معقولة عنده حبيبة او يمكن يرجع متزوج او او اوووووف خلاص دانة ابتسمي ابتسمي لا تفكرين واجد خلاص " بدون ما تحس قالت بصوت مسموع " خلاص ياخي ابتسمي ماصارت
........: بسم الله يمـه ههههههه بنتك تكلم نفسهههاا يمه البنت امكن ملبوسه
دانة بخرعة وهي حاطة يدها في قلبها : بسم الله سلطانووه خرعتني اووف
سلطان : هههه انا اللي خرعتك ولا انتي اللي خرعتيني من ساعه وانا اشوفك وانت وجههك ذا ايش فيك مجنونة
دانة بعصبية : سلطان اطلع برا لو سمحت
سلطان : انزين بطلع الاخت معصبة ع الاخر
مسكت الفرشاة وتنفست وبدأت تبدع اكثر شي تحب تسويه في وقت فراغها هو المكياج كذا هي موهوبة جدااااااا في المكياج حمدت ربها ان ابوها مش موجود يعني بتاخذ راحتها في المكياج ابوها طلع عند مجلس الرجال وما بيرجع الا متأخر
دانة : واخيرا خلصت " وراحت تلبس لبسها واللي كان فستان اسود وعليه جليتر يجذب وضيق من فوق و منفوش من تحت بدون كتف ولبست لها قلادة "هاذي القلادة قصتها قصة المهم القلادة عندها من زمان ودايما تلبسها " ولبست اكسسوار لليد و خاتم سيحت شعرها وملسته ولبست حلق دائري كبييير ملفت وطلعت جوووننناااااننن
....: يالبييييه عادي اتزوجك
دانة تضحك بخجل : بسك حور لا تخجليني حتى انت طالعة جنااان
حور كانت لابسة بلوزة خمرية "عنابي ، احمر غامق " وتنورة منفوشة بيضاء للركبة وكانت مسوية شعرها ويفي ورابطة ربطة زرقاء ع شعرها وكان شكلها يجنننننن
الحور : مشكورة دانوه ياللله امي تحت تقول البسوا عباياتكم السايق جاي
ونزلنا انا وحور لتحت وماهي الا لحظات وجاء السايق وامي تقرا علينا من العين وتوصينا هالله هالله بالسنع و اهم شي الاحترام الخ الخ وصلنا بيت عمي او اقصد فلة عمي نزلنا ودخلنا داخل الفلة والكل مشغول ومحاتي قبل م يجون الناس. رحت انا وامي وحور داخل وسلمنا ع خالتي مروى
ام عبدالعزيز تناظرنا بإعجاب : ماشاء الله ماشاء شو هالجمال قريتي عليهم ام عبدالرحمن لا يجيهم عين
ام عبد الرحمن "امي": ايه قريت عليهم.
ام عبدالعزيز : بيغطون ع الكل الله يحفظهم
دانة : فديييتك خالتي والله انتي اللي بتغطين ع الكل اخاف يخطبونك يا خالتي اليوم يحسبونك مش متزوجه بياكلنا عمي بعدين مايسوي عزايم
حور : الا بيحبسك يا خالتي ويقفل عليك بمليون قفل
ام عبد العزيز : ههههههه فديتكن والله
ام عبدالرحمن: ايه عاجبك الموضوع وينه سالم يسمعك كان كنسل العزيمة
ام عبد العزيز : وانتي بعد معهم خلاص ياخي احرجتوني تححسوني صغيرة
حور : وانتي صغيرة من قال غير الكلام مجنون
ام عبدالعزيز : صغيرة وولدي الحين جاي من بريطانيا وبزوجه وبفرح فيه وبصير جدة وبعدك تقولين صغير
اقبض قلب دانة يوم قالت " بزوجه " بس قالت : صغيرة بعيني خالة وين نورة
ام عبدالعزيز : فوق حبيبتي روحي لها. عاونيها
ام عبدالرحمن : ايه حبوبة روحي روحي
رحت وانا حاطة ايدي بقلبي. بـــتــزوجـــه لااااا لا ان شاء الله ما تزوجه ... يعني ايش يعنس " ضحكت مع نفسها " ااااااه ياعز اااه
حسبي الله عليك يا حمد حسبي الله عليك
.....: ايش ايش وانا من الصبح متفائلة اني بكون احلااااا وحدة بس للأسف نسيت ان دانة تكون بنت عمي إهيئ إهيئ ""تسوي نفسها تصيح"
دانة : هههههه اخبارك
نورة: طيبة وانتي
دانة : الحمدلله ،،. الله الله ويش ها الحلا كله دوري دوري
نورة وهي تدور بحركة طفولية نورة كانت لابسة فستان بيبي بينك جدا حلو وناعم ومناسب لها وكانت فاردة شعرها ومسوية له تمويج على اطراف الشعر كانت قممممممة في الجمال
نورة: ههه شرايك
دانة بخبث : عز الله رحت فيها ياخوي وينك تشوف اللي اشوفه
نورة تمثل عدم الاهتمام : ويعني شقصدك
دانة : قصدي عارفته زيييييييين "تغمز "
نورة قلبها يدق يدق بقوة بس بعدها تمثل عدم الاهتمام : اوك اوك تعالي ساعديني نشوف اذا شي ناقص او محتاج تعديل الحي بيجون الناس
دانة في نفسها : اعرفك زين يا نورة وادري انك تموووتين في اخوي بس كبريائك ما بسمحلك تنسين خطأ سواه اخوي من زمان اااااه ليتك تدرين انه يحبك ويموت فيك بس كيف اخليك تشوفين حبه لك و تنسين كيف
وراحت دانة تشرف اذا كل شي كان ضابط او لا وراحت بعدها للمجلس الكبييييييييير اللي تكون فيه العزايم كان جدا كبييييير كانت تتأكد ان كل شي ضابط بعدها راحت للمرايا الطويله عشان تشوف اذا شكلها كان مرتب او لا. بعدين شافت ان الروج راح شوي لونه وزادته وبعدها ابتسمت ابتسامة رضا وحركة شعرها بدلع يمين و يسار وهي تدندن اغنية تحبها وفجأة حد حط ايدنه ع عيونها
دانة : يممممممه بسم الله
:........................
دانة : نورة بلا بياخة فكي
:....................
دانة بدلع : فكي والله ماشوف عيني توجعني نوورة
"بعدها تذكرت شي من الماضي كان عبدالعزيز وهم صغار يسويلها نفس الحركه شهقت : هيييييييئ لا يكون ع عب
..... "فكت ايدينها" : بعدك تفكرين فيه انا ماقلت لك انسيه
دانة : غدييير ما اقدر ماقدر صعب تعرفين شو يعني صعب لا تحمليني فوق طاقتي انتي م عشتي اللي عشته فخليك فنفسك وبلاش كل شوي تقوليين انسيه " وبدا صوتها انا بتبكي " لا تقولين ا ان ان انساه
غدير بندم : خلاص خلاص لا تبكين خلاااص "وصارت تهف او تحرك ايدينها بوجه دانة يعني عشان تخلي الدمعة تجف فهمتوا او لا تحسب نفسها مروحة ههههههه"
دانة ضحكت غصبن عنها : ههههه نذلة
غدير : والله اسفة والله. سامحيني بليييز سامحيني ما اعودها
دانة : سامحتك سامحتك الله اللله شو هالجمال
غدير بدلع : شوفتي شلون اصلا انا حلوة بس ما اهتم بنفسي
غدير لابسة قفطان مغربي ابيض وعلية احجار كريمة باللون الاحمر كان مبرز جمال جسمها ومبرز بياضها وشعرها الليلكي الطويل
دانة: ماشاءالله عليكي اقري ع نفسك
غدير : ههههه وانتي حتى اوووه صح قومي تقولك خالتي ام عبدالرحمن تجين عندهم لان الناس جت
دانة : يله
ومشوا دانة وغدير وماحست دانة الا اللي يدعمها
دانة: لا إلـه الا الله شكله اليوم ما بيعدي ع خير > اذا ع الخير ماظنتي ياقلبي <<
البنت اللي دعمت دانة تناظرها من فوق لتحت بنبهار بعدين بعدت
...: فررووووحح يالغلا شحالك
فرح وهي بعدها تناظر دانة : هلا هلا ريوم
دانة تناظرها بستغراب وراحت وخلتها
فرح : اقول ريم منو هاذي
ريم بغيرة : دانة حمد بنت عمي
فرح فتحت عيونها بقوة : هاذي دانة
ريم : ايه ليش
فرح: ولا شي ولا شي
فرح بنت خالة عبدالعزيز ونورة وهيام الوحيدة جميلة بس مش بجمال بطلاتنا مغرورة وخبيثة تحب التملك وانانية " الساحرة الشرير " >>>هههههه شرايكم في الوصف >>>> كانت لابسة فستان اسود ضيق وعليه كرستالات وشعرها كان يوصل لنص ظهرها وكانت حاطة فول ميك اب
ريم كانت لابسه فستنا ابيض وعليه ورد كيوت وكانت حاطة طوق ورود نفس فلتر السناب وكانت كيوووووت
وبدوا الناس بالتواجد واحد تلو الاخر
دانة: ااااااخ يا رجلي وجعتني حييييييل من كثر مالف بهالحلا
غدير : سيم سيم اقول نوييير متى اخوك بيجي
نورة وهي تشوف الساعة : اهو بيجي الساعة عشر بالظبط اي بعد امممم "تسوي نفسها تفكر" اقل من ربع ساعة
دانة صارت تنفسها مش منتظم يعني بيجي شي صدق مش خيال يعني انا الحين صدق جالسة انتظره و و اهو لو شافني شو رح يصييير مرت دقايق وهي تفكر وقلبها يدق وفجأة حست بقلبها يوقف وهي تسمع صوت ابواق السيارات العالية الكثيرة اللي تدل انهم وصلوا في لمحة المجلس فضى ما فيه غيري قلبي صار يدق ابي اشوفه ابي اشوفه وبس ركضت نفس المجنونة ووقفت وين غدير واقفة همست
دانة : وينه
غدير :كاهو هناك ما تشوفينه
دانة وهي تدور بعيونها : لا اي واحد فيهم
غدير : لحظهههه
دانة : اووووووف غدير وسعي ابي اشوف وينه
دانة بدلع وهي تدوره بعيونه : يوووووه وينه دب البنادا
غدير :ههه هذاك الاول
دانة : وشو
غدير: ولاشي ولا شي
دانة : ليش الناس ترجع داخل
غدير : خلاص يالحب راح مجلس الرجال ويييييي جيتي متأخرة فاتك متغييييييييرر صاير ذبااااااااااح
دانة بغيرة : غدير اذلفي داخل تلقين امي تدورنا.
غدير وحاسة بغيرتها : هههه يالله
دخلو داخل وبدا العشاء وبعد العشا شغلوا الاغاني و الشّيلات وبدت كل وحدة من البنات ترقص إلا دانة ما قامت
غدير: يوووووه احبها هاذي الاغنية
دانة: قومي رقصي عليها
غدير وهي تقوم : وهاذا الللي بسويه
....: دانة
دانة لفت لمصدر الصوت : هلا هيومة حياتي ما شفتك اليوم
هيام تسلم عليها : هلا حياتي انتي " هيام كانت لابسة تنورة بيضا عليه ورود بالوردي وقميص بيبي بينك "
هيام " يالله تسامحني بس اهم شي اني اجمع بين عشاق خخخخ ": دانة اخوك عبدالرحمن يتصل عليك
دانة: اوه صدق "وهي تدور تلفونها " لحظة وين تلفوني
هيام : اظني شفته بالغرفة اللي قدام غرفتي
دانة قامت : بروح اشوفه
وراحت دانة الغرفة وصارت تدور التلفون : وينه وينه
ما حست إلا بالإيدين اللي تغطي عيونها
دانة: يووه غديراشفيك اليوم كذا ياخي فكي " تحسست الإيدين ماهي بإيدين غدير ماهي بإدين بنت اصلا شمت ريحة العطر لااااااااا شهقت وفكت نفسها ولفت للشخص المجهول
.......: اشتقتيلي ؟؟؟؟؟
دانة :.........
قرب منها وأشر ع القلادة بحاجب مرفوع و ابتسامة باهتة
دانة "بس تتنفس بخوف بصوت مسموع وحاولت تطلع من الغرفة اللي كانت شبه فاضية مافي غير سجادة صلاة وكرسي صلاة ورف كتب ورف للقرآن مرت من جنبه عشان تطلع قطع طريقها
.....: شحالج دانة شو لا يكون م عرفتيني
دانة ناظرته بتفحص منو هاذا شو مايستحيx وفجأة صغرت عيونها : ع عبد
عبدالعزيز قاطعها : بسسسسس ولا تنطقين اسمي ع لسانك
دانة ناظرت فيه بحزن : شحالك
عبدالعزيز تنفس بعمق ودار حوالين نفسه وهو ماسك شعره ويهمس : انا شقاعد اسوي الحين ..وناظرها وقال بضيق : زين قبل ما شوفك " وطلع وخلاها بروحها
شو تبوني اقولكم شعور دانة الحين انكسار حزن دمار اضطراب مشاعر ذكريات ظلم
طاحت دانة تبكي وتبكي وتشاهق وهي حاضنة نفسها وماحست الا بالي يدخل عليها ويحضنها
.....: اسفة اسفة سامحيني يا دانة مش قصدي
دانة : ليش ليش يا هـيــام انا إيش سويت لك انا غلطت عليك شسويت لك شي
هيام اااااه يا عزوز شو هالموقف اللي حطيتني فيه : سامحيني والله عبدالعزيز طلبني ما قدرت ارفضه بس ايش اللي صار مش انتم تحبون بعض
دانة اااخ يا هيام فتحتيلي جروح ما تتسكر : خلاص حبيبتي انسي انسي
هيام : اسفة اسفة والله
دانة وهي تتنفس : خلاص والله سامحتك خليني اروح اعدل مكياجي شكله شكلي صار يخوف ههه
هيام : هخخخ لا والله اصلا مليون وحدة سألتني عنك يقولون منو هاذي المزيونة
دانة : هههههه اجل يله خليني اجهز
هيام : يللهه
راحت دانة غرفت هيام وعدلت مكياجها وطلعت للمجلس وقعدت تشوف البنات يرقصون ع شيلة عنق الريم بعدين اشتغلت شيلة ابسط حقوقي مسكت هيام ايد دانة بترجي : اذا صدق سامحتيني قومي ارقصي معي
دانة: لا مافيني
هيام:قومي قومي يله
قمت عشان ما اكسر خاطر هيام هي مايخصها كانت نيتها صافية ورقصت ع الشيلة وناظرت نظرة الإعجاب في عيون واااايد من الموجودين
: ماشاءاللله هاذي دانة بنت حمد صح
: إييه هاذي هي ماشاء الله عليها جمال وجسم ورقص
: شكلي بخطبها لولدي الصراحة يدور مرة
: احسن من اخترتي
: اجل بكلم امها " وقامت متجهة لام عبدالرحمن "
: السلام عليكم
ام عبدالرحمن وام عبدالعزيز : وعليكم السلام ام فهد
ام فهد : ام عبدالرحمن اباج في شور شوي
ام عبدالعزيز : اجل انا استأذن
ام فهد : لا والله مو قصدي اجلسي والله ماتروحين
ام عبدالعزيز وهي ترد تجالس
ام عبدالرحمن : هلا حبيبتي امريني
ام فهد : مايامر عليج عدو بس جيتك اسأل عن بنتك دانة
ام عبدالرحمن فهمت : ايييييه فهمتك اجل اشاور ابوها واردلك رد
ام فهد : هيه يزاك الله الف خير "هي ماسكة ايد ام عبدالرحمن" الصراحة البنت نحن شارينها ونبيها ع سنة الله ورسوله ولدي فهدماشاءالله عليه ظابط ورتبة عالية وتقدرين تخلين الابو يسال عليه بعد
ام عبدالرحمن : مايحتاج مايحتاج افا انتوا اهلنا وقرايبنا
ام فهد : اجل اترخص تأخرت ع البيت
وقاموا سلموا عليها وادوا الواجب وراحت
ام عبدالرحمن: ام عبدالعزيز ايش فيك كذا ههه
ام عبدالعزيز : منك والله بنتي دانة ماياخذها غير ولدي عبدالعزيز وهذا متفقين عليه من زمان
ام عبدالرحمن : انزين انتوا ما تكلموتوا ولا خطبتوا ولا شي شو تبوني ارد النصيب وانتي قلنالك نورة لعبدالرحمن بس اشوفك ماشاءالله اي حد جاك قلتيتله اكلم ابوها و الشور شور ابوها
ام عبدالعزيز : انزين خلاص سامحينا الحين عطيني وعد ماحد ياخذ دانة غير عبدالعزيز
ام عبدالرحمن : وانتي ماياخذ نورة غير عبدالرحمن
ام عبد العزيز وام عبدالرحمن في وقت واحد : تم >>>هههههههه محلاتهم >>>>>>
.
.
.
.
.
.