في حين ان الكل لاهي بتفاصيل العيد وايش المشتريات وايش اخر الموديلات كانت وحدة فيهن قلبها كان ينزف ماتعرف كيف تكسب ثقته مع انها ما سوت شي يخليه يفقد الثقة فيها كل ما تتذكر الموقف تتنهد وتستغفر وتحاول تندمج مع البنات بس ترجع تفكر كيف له ان يفكر بهاذي الطريقة المستفزة
....: دانة حبيبتي ايش بك اليوم مش على بعضك
....: ايه دانه كل شوي سرحانة والله قلبي مش متطمن كنت بتكلم بس نورة سبقتني
نورة: دانة من متى تخبي علينا شي نحن خواتك واقرب الناس لك اذا كنت حابة تتكلمي قولي عادي بس اذا مش حاب بطلي هالحركات
دانة : والله مضغوطة يا غدير مش قادرة اتنفس في البيت ومش قادرك حتى اقول شو اللي صار
غدير : اكيد عمي حمد صح انا متأكدة
دانة : من غيره اللي معيشني انا وحور برعب ياخي ماتتصورون الطريقة اللي يفكر فيها بس بس والله انه غالي بس تصرفاته ما اعرف شو اخرتها "وتبدا دانة بشرح موقفها بكل حزن وخزي من تفكير ابوها "
" بإختصار كان ابو دانة وامها مش موجودين بالبيت فراحت دانة المطبخ وسوت لها اكل بعدين اكلت ونامت في غرفة حور المهم ان ابوها جاء وامها راحت بيت جدتها اللي جنب البيت بالظبط وصار ابوها يدورها يدورها يدورها وما فكر يدورها في غرفة حور المنعزلة قليلا المهم ما حصلها وصارت افكاره تودييه وتجيبة بعدين قامت دانة وطلعت ولقت ابوها معصصصصببببب وانتي وين كنتي وانتي وين رحتي وانا من الصبح ادورك ولا حصلتك ايش عندك منو معك فقالتله دانة انها كانت نايمة فضربها وقالها انها كذابة "
نورة :اييه كملي وبعدييين
دانه : ولاشي جت امي وقلتللها وصارت حوسه واصوات عالية وانتي م ربيتي بنتك وامي تقوله بنتي متربية احسن تربية وتقوله امي السالفة كلها وهو يقىل ليش تكذب علي .... لين الحين راسي من السالفة يعورني بس عادي عندي مش متأثرة ولا حتى حاطة به شي بقلبي ابوي ولازم يخاف على بنته
غدير : ما ابرد دمك انا عمي حمد كل ما جلس عندي يقولي ليش متبرجة وحاطة مكياج وليش لابسة قصير وضيق وانا حليلي غلوس ودراعة
دانة : هههههههه ابوي كذا يكبر من عنده بس حليله هو جدا طيب واغليه كثير واعرف انه هذا الشي من مصلحتي
نورة : اقول غيروا السالفة احسن عمي حمد من زمان كذا المهم دريتوا بأخر خبر
دانة : وشو اخر خبر
نورة : نو نو نو مش حخبركم دلوئتي حتستنوا لحتى ما نجتمع كلنا
غدير : اخر شي خبر ابوه كلب يا ممثل مات او مغني تطلق هاذي اخبراك زي وجهك
نورة ودانةً : هههههه
نورة : حيواانه والله خبر فريش حتى ورا هالخبر بنسوي حفل كبييير قولوا نص هالشهر
.
.
.
.
.
هاذي بدايت الرواية اذا الرواية عجبتكم خبروني عشان اكمله واذا في نصايح خبروني
المهم
شو اخرتها مع حمد ابو دانه وشو سبب تفكيره المنحرف
شو الخبر الفريش ع قولت نورة
وشو اللي مصبر دانة ع تفكير ابوها
وشو المفاجأت اللي تحملها الراواية بعد
وكل شي في وقته حلووووو
