حبيبه الشيخ

Part15

بعد 5اشهر
صارلي اشهر حالتي مخربطه بس ابجي وتعبانه تركت دراستي تركت اهلي بس ابقى بالغرفه فهد ماكدر اشوفه صايره اكره واخاف منه مادري ليش الليل اكضيه كوابيس تركت صلاتي وبس ابجي رحت سويت سونار
لان صرت بشهر6طلعت حامل بتوام ولد فرحت كلش بس مكلت لاحد لان الطبيبه كالت خطر عليه ولازم انزلهم بس مكلت لاحد مشاكلي هوايه ويا فهد من اشوفه ادك والطم واطرده وهوا هم ابتعد عني
طلعت من غرفتي سمعت صوت هند تون فتت للغرفه شفتها مدده وتتوجع
ملك. هند شبيج
هند. وجع يمكن راح اولد
ملك. نزلت ركض صحت النسوان علمود يبدلولها وياخذوها للمستشفى
اجا فهد اخذها للمستشفى وراح...

......
مرت الاشهر وملك من مرض لمرض وجهها يخوف شاحب وضعفانه هوايه وبطنها كلش جبيره بس رغم هذا احبها هوايه بس هيه مابعد تجرعني تكلي اموت من اشوفك ماتحملك بتعدت عنها لان اخاف على طفلي كلت تولد والي تفاهم وياهة صاحوني اخذتها وجانت حالتها صعبه فوتها لقسم الولاده وبس اسمعها صيح طلعت الطبيبه وكالت وقع لازم نسوي عمليه لان الرحم تعبان وقعت واني خايف عليها وعلى طفلي
بعد ساعات طلعت الطبيبه ووجها اصفر
اني اسفه بس فقدتو الطفله وسوينا ازاله للرحم
كعدت على الكرسي حيلي مهدود بنتي ماتت ومرتي مابعد تحبل صح مرتي الخ حامل بس مهما كان هاي بنتي الماتت طلعو هند من غرفه العمليات مخدره رحت خابرت عمامي علمود ندفن بنتي سميتها زينب وامي ماتت من البجي علمود هند
رجعت للبيت هلكان اريد ارتاح شفت ملك كاعده بالصالون رحت سلمت وكعدت كدامها
هيه كبل وجهها صار اصفر وعركت كامت كبل لغرفتها قفلت الباب وفاتت حالتها مو عاجبتني بين يوم وليله صارت هيج
رتاحيت شويه ورحت للمستشفى شفت هند تبجي اجيت حضنتها واحاول اسكتها ماكو بس تبجي وتكلي حوبتها
فهد. اشش هند حوبه منو
هند. راحت بنتي راح رحمي ماحبل بعد وتبجي بقوه
اجت الممرضه ونطتها مهدء ونامت

.....
اليوم صارلنا 4اشهر من زوجنا فرحانه ويا احمد صح هوا شويه بارد وياي بس احبه كومات اجا وجه تعبان وتمدد بحضني
زينب. شبيك حمودي
احمد. ماتت بت فهد
زينب. ياخطيه
احمد. تعبان اريد انام
صرت العب بشعره واسولف وياه
زينب. اتمنى يجيني طفل يشبهك حمودي
احمد. ههههه مووكته هسه
زينب. ليش احمد متريد طفل مني
احمد. مو هيج بس بعد وقت
زينب. امم الله كريم
.....
رجعت هند وفهد للبيت نقهرت عليها بس محجيت وياهة شي طلعت لغرفتي شويه وفات فهد
ملك. نعم
فهد. اريد انطمر
ملك. انطمر بغرفتك
فهد. هاي غرفتي
وفات وقفل الباب مثل كل مره اشوف بيها فهد هم اصفريت وكمت اعرك رحت لزاويه وكعدت بيها حسيت روحي ختنكت ودموعي صب وحدها اجا فهد كعد يمي
فهد تالي وياج ملك صارلي اشهر صابر عليج
ملك. الله يخليك اطلع راح اموت اريد اتنفس
اجا حضني واني كمت اصرخ
وخر وخر وخر حموت وخر واغمى عليا....

،،،،،،
الووو
حنان. شونج هند البقيه بحياتج
هند. حمدلله حنان بدون مقدمات افكر ابطل السحر مالت ملك
حنان. ليش ولج
هند. هاي حوبتها بتي راحت ورحمي راح وملك حالتها صعبه كلش احسها جاي تموت اليوم جانت راح تموت لان فهد فات يمها
حنان. مادري اهم شي لاجيبين اسمي بالموضوع
هند. صار رايحه اني مع السلامه
حنان. باي
رحت لبست عباتي ورحت لفهد
هند. فهد اريد اروح للسوك
فهد. وحدج
هند. اي ماطول بس كم شغله
فهد. روحي اخذي فلوس ولطولين
هند. امرك ياتاج راسي
رحت اخذت 200ونزلت اروح للساحره حتى تبطل السحر
اي صح اني وحنان سوينا سحر كره وموت لملك وخبيته تحت الجربايه ومن اول يوم ملك تخربطت وردتها تموت بس من ماتت بنتي تندمت فتت للساحر كعدت سلمت وكتلها بطلي السحر بعدني ممكلمه كلام حسيت الباب نضرب ووكع بالكاع والشقته خلا كلبي يركع بالارض!!!

.......
خابرت فهد ردت اخذ دور الزينه
حنان. شونك فهد
فهد. حمدلله زين خيرر!!
حنان. ماكو خير ومرتك هند
فهد. حنان لشمرين بالحجي
حنان. مجاي اشمر روح شوف هند شمصخمه من وراك ام السحوره
فهد. حنااااااان احجي شعندج
حنان. هند ساحر ملك وروح افهم منها
فهد. شهل خرابيط
حنان. عرفت بالصدفه وردت اكولك لان مارضى الاذى على بت خالي مع السلامه!!!
راحت هاي الحقيره وعقلي يودي ويجيب مادري صح ملك من اشهر تغيرت تغير مو طبيعي بس مو معقوله هند سحرتها تجي وافهم منها..