انا انشاء الله يكون خير هي طامو ا طامو طامو نعام ا لالة هي عيطي ليا على فؤاد طامو واخا ا لالة جا فؤاد و انا حادرة عيني مزال ماشافني ما شفتو هي ولدي هادي هي الخدامة جديدة ديالك هو ا ماما قلت ليكم انا مبغيش خدامة راه غنجري عليها فحال لخرات هي وا صافي ا ولدي ها هي و الا معجباتكش جري عليها هو يلاهي تبعيني نتي انا واخة ا سيدي لالة ديري خدمتك و متنسايش لي قلت ليك مشينا طلعنا نبيتو لاول مرة غنشوفو كان ولد زوين بزاف عضلات و شعرو لصفر و عينيه البنيين كان اي بنت تشوفو تطيح فغرامو فه كل مقاييش الجمال الا الادب هههه حيت من خلال ما شفت ما مأدبش فمرا دخلنا نبيتو شد لباب وقف كيشوف فيا و انا حادرة عيني قاليا عالي عينيك شاف عينيا و هو يتصدم مي مبغاش يبينليا قاليا مبيكش مقبولة جلس ففراشو و قاليا يلاهي خرجي للبلكون نضفيه و وجديلي شي كاس ديال القهوة انا واخا ا سيدي خرجت نالبلكون كان زوين و كيطل على الجردة و المسبح صراحة منظر زوين تمنيت كون كان هاد شي ديالي مي انا غير بنت مابغينهاش و خدمة تفكرت دك شي بديت كنضف باينة شحال ما تحل نضفتو مزيان و كان فيه جليسة زوينة صايبتها و جبت كاس ديال القهوة و نزلتو و قلتليه راه البلكون واجد ا سيدي هو حتال دبا مزيان خرج جلس تما و انا واقفة قدامو
قاليا جلسي جلست و انا نشوف قيتار تفكر ملي كنت كنعزف نماما باش ترتاح و تفكرتي بلي بعناه باش نشريو دوا لماما و تفكرت بلي انا غير خدامة و هي تهبطلي واحد دمعة و نضت جمعت الوقفة هو مالكي جلسي انا سمحليا ا سيدي مي انا غي خدامة و لي بغيتيها انا موجودة هو كان مراقبني و شاف كلشي قاليا جبدي دك قيتار مسحيه جبدتو كان مغبر و باينة مدة متستعمل خرجت نبيتو مسحتو و قاديت اوتار طللت و انا نشوفو ملهي فالبلكون و هو يزغبني شيطان و بغيت نعزف عليه عزفت مقطع هادئ و حزين و انا نتفكر ماما و بديت كنبكي و وقفت العزف و انا نسمعو قاليا عزف زوين علاش وقفتي انا مسحت دموعي بالزربة سمحليا ا سيدي ها قيتارك قاليا جيبيه و اجي خرجت نالبلكون و هو فيدي قاليا جلسي و عزفي ليا دك مقطع بقيت كنعزف مقطع هادئ و لالة سمعت العزف قالت و اخيرا ولدي رجاع كيف ما كان باينة لخدمة الجديدة دايرة خدمتها بقيت كنعزف و هو يتأمل فيا و كيقول اشنو قصتك نتي متستاهليش تكوني خدامة زينك و مهاراتك ديال شي اميرة و دخلتي ليا لقلبي دغيا...