واحد نهار قاليا واش عمرك فكرتي تعرفي شكون بابا انا لا معندي تا معلومة عليه هو يلاهي نداركم منعرف تجبر شي حاجة لبست عليا و مشينا دخلنا انا غير سمحليا داري مقلوبة و مفيها ميتشاف هو عادي حيت مسكناش مشيت بقينا كنفتشو لقيت شي تصاور و شي وراق خديتهم و مشينا فحالنا بقينا كنفتشو فدك لوراق لقينا اسم ماما الكامل و اسم بابا الكامل قاليا صافي انا نفتشلك عليه شكرتو و مبغيتش نوره تصاور لقيت تصويرة باينة ديال العرس فيها ماما و بابا و عائلتهم خبيتها حيت اول مرة كنشوف بابا و عائلتي مجموعين صافي تكلف هو بالبحث دازت ليام وليت انا و ليلى صحابات واحد نهار قاليا فؤاد وجدي راسك ليوم ليلى و جمال عندهم العرس انا واو بصاح هو يلاهي وجدي راسك مشيت نبيتي دخلت الحمام فرحانة و نشطانة سليت لويت عليا غير فوطة و على شعري فوطة فتحت الباب ديال الحمام و انا نتصدم لقيت فؤاد واقف هو احم ها انا جبت ليك حوايج باش تحضري و دابا شوية تجي كوافورة ملي تسالي عيطي ليا انا واخا هو عرف راسو و خرج جبرت كسوة طويلة فالكحل و بلا يدين و من تاحت بشبكة ومزيرة يعني كتبين المفاتين وصافي و معاها اكسيسوارات و صباط عالي فنفس اللون و صاك ديالو معاه لبستها جات كوافورة دارت ليا ميكاب خفيف و هادئ باش توضح ملامح وجهي و دارتليا شعري سامبل مع تاج صغير لبست اكسيسوارات و داك صباط و هي تقوليا مشاء الله عمري شفت من زينك انا شكرا و مشات فحالها عيطت لفؤاد قاليا كيسايني فالقاع ديال دروج درت تيليفوني فصاكي و هبطت صراحة جيت فحال دك اميرات و انا نازلة فالدروج شافني فؤاد و بقا غير كيشوف فيا مصدوم و تا انا كنشوف فه كان لابس كومبلي فالكحل و رزوين جا ركبنا فطوموبيل و سكات و هو يكسر الصمت قاليا متمشي مع تاوحد بقاي غير حدايا انا واخا مشينا و حنا وقفين فالباب شفت ندير و انا نتفكر اش طرا دك مرة و قلتليه فؤاد عفاك شوفات ندير ممريحنيش شبر ليا فيدي و قاليا شوفي الحفل فه غير ليكوبل اجي تا حنا نبانو كوبل باش ميأديك تا وحد كتفيت بالابتسامة يديه كانو سخونين و صراحة اول مرة كنجرب هاد شعور يشد ليا ولد فيدي و شكون الولد لي كنبغي اه حسيت بلي غادا نموت صافي دخلنا كلشي كيشوف فينا حيت كنا زوينين جا جمال و ليلى ستقبلونا و هي تقولي ليلى جيتو مزيونين بزاف مع بعضكم انا شكرا ا ختي جمال بقا كيدوي مع فؤاد و هو يقول ل ليلى مروى جات زوينة ليوم ليلى عندك الحق...