النساء والشهوات في الحب 🔞🔞🔞

البارت الاول

اسعد الله اوقاتكم بالف خير أحبتي. ورجعتلكم بقصه جديده وحلوه يارب تعجبكم
#لتنسون_متابعه_للحساب_حتى_يوصلك_اشعار_النشر

تنويه القصه جريئه جدا جدا 🔞🔞🔞🔞🔞🔞🔞 الي متحب تقراها خلي تعبرها
قصه حقيقيه بلسان حال صاحبتها وزميلتنا في أحد المجموعات

عنوان القصه ... #النساء_والشهوات_في_الحب 🔞🔞

#البارت_الاول 🌷🌷🌷🌷

#الاحداث كلها واقعيه #والشخصيات #حقيقيه
أسمي زينه خلدون ..مواليد ١٩٩١ /بغداد حاليا طولي ١٧٠ ووزني تقريبا ٧٥ ومواصفاتي عيوني خضر ووجهي بيضوي وشعري أحمر ذهبي من الطفوله بس من كبرت أصبغه وأميشه باستمرار حسب الموضه ماخليته على نفس لونه
أني البنت الوحيدة بالعائله واخر العنقود
ماما تسولفلي من ذكرياتها انها تزوجت بعمر ١٢ سنه من بابا زواج تقليدي من عائله معروفه كان تاجر أقمشه وعباءات نسائيه وعائلته تجار معروفين بالسوق وهو اكبر منها ب ٢٠ سنه يشتغل ويه إخو الاصغر عمي ووالده بالمحل
ماما زهره اسمها شكلها بيضه حمرة وخدود دبدوبه وناعمه وكلش حلوه وشعرها طويل ناعم وسرح واحمر ذهبي ورثت منها البياض واغلب الملامح
كانت اصغر خواتها الاربعه والمدلله بعائلتها بصعوبه وافق جدها وابوها اللي ربت عدهم بدلال زياده على زواجهم بعد مشية عشائر وواسطات استمرت سنه وشرطوا على اهل بابا يسجلون قطعه ارض بسمها ومهرها ذهب ومبلغ كلش قوي بوقته بدايه سنه ال ١٩٨٠
بابا كان طويل وضخم الجسم وعيونه زرك اللي ورثتهم اني منه وشعره مجعد وكان هيبه وشخصية
زواجهم عند بيت جدي أهل بابا
بيتهم بالاعضميه كان جبير كلش وبناءه حديث بحيث عزل بابا مشمتل بناه لوحده معزول بالحديقه
بليله الزفه بغرفتهم بابا كان محضر شموع خمسه لونها ابيض لمجرد مادخلت ماما شالها بابا خلدون وگعدها بحضنه وبقه يشم بيها
گللها زهرة وانتي ريحة الزهرة واطيب وارق زهرة عشكتچ ع الوصف صبرت عليچ وأحمد الله واشكره من حصلتچ
علگ بابا الشموع وطلب من ماما تتمنى امنيه وتنفخ الشموع
ماما تكول غمضت عيوني وأخذت نفس ونفخت الشموع بعدها حضنها بابا وشالها للفراش وتم زواجهم ومن هاللحضة عشقها وحبوا بعض لدرجه كانت ماما متاكل لگمه الا ويه بابا تنتظرة من الوجبه للوجبه وتحترمه كلش وتتداري وتهتم بي مثل العشاق وماسمعتها بيوم رفعت صوتها لو قاطعت كلامه لو ضحكت بحضورة بصوت عالي دائما تتصرف وياه بأدب واحترام زايد وهو هم بدة ينطيها كل الحريه وبيدها تقرر كل مايتعلق بالعائله
بمرور الشهور حملت ماما زهره وولدت فراس الاخ الاكبر صادفت بدايه حرب ايران بالعراق والاوضاع مو تمام وبابا كان تاجر معروف لذلك قرر بابا يطلع للكويت ويكون نفسه ويشتغل بتجارة مستقله عن جدو والده وعمي وفعلا جمعوا غراضهم وسافروا عن طريق البصرة للكويت وبدت حياتهم تتطور والشغل بالخليج عالي الربح وحياة حلوة هناك وكلشي متوفر
ماما بدت تجمع فلوس وتوفر على امل تخلص الحرب ويرجعون للعراق ويشترون املاك ويستقرون
فراس صار عمرة سنه حملت ماما مرة ثانية وبالغربه بعيد عن اهلها كان عمرها ١٤ سنه عانت ماعانت رغم التتطور الموجود بالطب عدهم بس تعذبت لان وحدها
اجت جدتي امها حسب كلامها وعاشت وياهم بالكويت لحد ما ولدت اخويه الثاني نبراس وبقت وياهه بيبيتي لحد ما ولدت ماما بقية اخواني
بينهم سنه فرق بالاعمار
أحمد ومحمد توؤم وحيدر أخر واحد سنه ١٩٨٥
بعدها قررت ماما تستعمل مانع حمل بمرور السنين وحياتهم كلش حلوه كانت ومستقرين وبيتهم چبير واخواني كبروا وبابا شغله كلش زين ويدز بضاعه لجدي وعمي لبغداد . فراس ونبراس تسجلوا بالمدرسه وبقيه اخواني الصغار بالروضه تمرضت وتوفت بيبيتي هناك بالكويت وبابا قرر يرجع يدفنها بالعراق بال ٨٧ ويدفنها بمقبرة العائله
ماما اصرت ترجع وياه وفعلا رجعوا كلهم وبقوا شهر بالعراق رجعوا بالمشتمل اللي تزوجوا بي والتقت بخالاتي واكيد كل هالسنين فراق سببتلها ألم وحزن على فراقهم وعانوا ماعانوا ..
بابا قرر يبني قطعه الارض اللي كانت مهر ماما بمنطقه الكرادة وكلف مقاول يبنيها وبعد مايكملها ينطي خبر لعمي يسلمه مفاتيح البيت ويرجعون يستقرون بي
رجعوا للكويت مرة ثانية والسفرة كانت صعبة من العراق لان حرب وبالمطار كمارك وضريبه بحساب بابا تاجر
عاشت عائلتي احلى سنوات لحد سنه ١٩٩٠ اضطر بابا يرجع وحده بسبب وفاة والده جدي والضروف كانت بالعراق مستقرة بعد انتهاء الحرب وبقى بابا يتابع بناء بيتنا بالكرادة علما يكمل حتى يرجع ويرجعنه كلنا ماما واخواني اللي بقوا منتظري بالكويت ونقل قسم من غراضنه وفلوسنه للعراق بالبنك بعدما كمل رجع للكويت وهالمرة صارت عدة مشاكل بالشغل علما ينقل الاملاك ويبيع البيت والمحل والبضاعه ويحول الفلوس تاخر بابا بالاجراءات واذا بيها صادفت لحد هجوم النظام ع الكويت بخطوة مفاجاه وغير متوقعه
كانت صدمه للكل
بابا ينقلنه الحدث بشكل مروع والناس اللي هرب واللي انقتل
جمع اخواني وماما وعاف كلشي ببيتنه بالكويت مالحگ ينقله كله اثاث حديث وغالي وأخذت ماما بس ذهبها ضمته بين ملابسها وجوازاتهم وانتقلو للحدود العراقيه ويه هواي عراقيين نقلتهم السيارات العراقيه بامان للبصرة منطقه الزبير
بقوا اخواني مرعوبين اجر بابا شقه بفندق علما تهدة الاوضاع واتصل باهله واهل ماما طمنهم بقوا اسبوع بالبصرة علما حصل سيارة من صديقه تاجر ونقلنه بيها لبغداد وكانت نفسيتهم كلش تعبانه واخواني الصغار تمرضوا بالطريق وتعبوا
من وصل بابا لبغداد اخذهم للمستشفى وسوالهم كشف وتحاليل وبعد معاناه ايام بقوا بالمستشفى استقروا صحيا
بهالاثناء ماما تركت مانع الحمل وشاء الله سبحانه انها تحمل بيه وكانت مرايدة الحمل وحاولت تسقطه لان ضروف انتقالها من الكويت وبقاءهم بالبصرة وتوتر وقلق وخوف بوقتها وتمرضت وعانت كلش هواي من الهبطات على بابا واخواني اللي تمرضوا وسهرت عليهم ليالي بالمستشفى ولما تخربطت هناك وحللت وعرفت بحملها حسب كلامها للماما انها ببدايه حملها بيه
واجهت بابا بقرار الاسقاط ورفض نهائيا
..
بيوم ماما تمرضت وصارت بيها حمى قويه اتصل بابا بأخواتها ونقلوها للمستشفى وكان الحمل عليها خمس شهور وبعد فحوصات وسونار عرفت انها حامل ببنت
طلبت ماما من خالاتي انها تبقى وحدها ويا بابا بالغرفه وصارحته بسر ..
ابو فراس حبيبي ..
عيوني ام فراس زهرتي الحلوة
الله ..شگد أحبك خلدون ..
أني هم أحبج وأعيش علمودج يبعد أهلي وكل ناسي
خلدون اريد اعترفلك بسر
خير ام فراس كولي !
تتذكر ليله زواجنه والشموع الخمسه والامنيه اللي طلبتها مني انته بس ماسألتني عليها شنو !
زهرتي انتي أكيد تمنيتي نعيش بسعادة طول العمر !
صحيح خلدون بس أمنيتي كانت بصراحه يصير عندي خمس أولاد ذكور وبس على عدد الشموع اللي بالصينيه
... غريب !
وليش مكتيلي بوقتها !
إني خليتهن صدفه لا على التحديد
المهم .. ليش هالامنيه بالذات !
خلدون .. ماردت تصير عدنه بنيه ونتطلب ونتشرط على اللي يخطبها مثل ما صار وياي وسنه بقيت منتظرني بسبب شروط أهلي وجدي الله يرحمه
والبنت بهالزمن مسؤؤليه ومنو يگول راح نلگه اللي يقدرها ويثمنها مثلك انته !
تحسر بابا وحضنها لماما وگللها ماريد اسمع هالكلام منج نهائي وهالبنت راح تكون بمعزة اولادنه ونفس محبتنه الهم ورزقها ع خالقها ..
وفعلا كملت ماما شهور الحمل بصعوبه وجانت بدايه حرب الكويت ودخول امريكا والحصار وبابا ترك الشغل وخسر كلشي بالكويت وانتقلوا للبيت الجديد بالكرادة اللي صارت ولادتي بي وصار عتبه خير عليهم بولادتي ورجع بابا فتح محل والدة بالسوك وجدد شغله واستعاد مركزه وماما رجعت صحتها احسن من قبل وفرح الكل بولادتي على الاخص اخواني الخمسه اللي حسب كلامهم انهم كانوا يتسابقون عليه منو ينيمني اسرع ومنو يضحكني أكثر من الآخ ...

#يتبع ...... التكمله
#لاتنسون_اضافه_لاصدقائكم #ومتابع
كاظم العربي