النساء والشهوات في الحب 🔞🔞🔞

بارت 13/14/15

#النساء #والشهوات_في #الحب

#البارت 13

بعد مادخلت لبيت اهلي حسيت بطعم كلشي من عطر البيت الدفو الشوگ بجيت وحضنت الكل وبجيت بس بابا جان طالع وشهودة نايمه گعدت بالصاله والتم الكل مدايري ولازمين أيديه كأنما مسافرة جنت واني عنهم كم متر وفارگتهم اسبوع كامل ماحسيت بالوقت گام يمشي بسرعه
اجن خالاتي كلهن وبناتهن والبيت انملى حتى اطفالهن وكلهن يكولن كعدي ابني بحضنج بلكي تحبلين بسرعه والضحك والسوالف والشقه ياربي ياريتني ابقى هنا نسيت كلشي ماما انخبصت بالمطبخ وطبخت كل انواع الاكل والحلويات وصار وقت الغدة اجه بابا ويامحلى صوته من دخل وسلم ركضت لحضنه وشميته بست أيده وتعلكت بركبته شكد مشتاقلي حسيت من دمعت عيونه وصوته المخنوگ من گلي منورة بيت ابوچ زنزونه الحلوة
صدك حسيت بقيمة نفسي مرت الساعات بسرعه ياربي لو بيدي اوكف ميل الساعه للعصر بدلن خالاتي وبناتهن ونسوان اخواني واني لبست بدله مارونيه من الحنه وخليت مكياج
واخوتي شغلوا جهاز مكبر صوت سماعه چبير واغاني وبابا بقى ويانه واحتفلنه بيناتنه واخذنه صور شكد
احلى يوم بحياتي حتى احلى من يوم الحنه والعرس للمغرب اكلنه كيك وحلويات بابا كلي زنزون بنيتي هذا جهاز موبايل طلعه من الكارتونه
بابا شنو موبايل ؟
حيدر اخذة شبيج زنزون العراق تتطور وانتي نايمه بالعسل
ماما صاحت بي ولك انته تأدب واكل عسل بقينه نضحك
لا صدك بابا هذا شايفه منه بالمسلسل المصري معقوله وصل عدنه
علموني عليه شكد حلو ونغماته حلوة تفاجأت الكل عدهم حتى ماما وخالاتي وسجلولي ارقامهم كل رقم مختلف عن الخ وجواه الاسم وتعلمت شلون اتصل بيهم بقيت ساعات ويه اخواني علموني عليه
خالاتي بوسني وراحن بقينه سهرانين بالصاله بابا كال بابا اني باجر الفجر طالع للمطار مسافر لايران اني وعمج عدنه صفقه تجاره سجادات وزوالي واحتمال اتاخر ديري بالج ع نفسج باباتي بوسني وراح لغرفته واخواني هم بوسوني كلهم وراحوا لغرفهم ووصوني اتصل بيهم على ارقامهم كل يوم ياربي ماشبعت منهم باجر الصبح راجعه لسجن حسام واهله ودي ابقة هنا ومارجع
بقينه اني وماما وعبير ومنار ورؤى زوجه احمد وشهودة بحضني غفت شگد كبرانه تجنن صايرة حجيتلهم عن كلشي صار وياي ماما انخطف لونها بس مابينت وبقت تعلمني كم شغله وتكلي انتي باسلوبج تسيطرين على الكل وعلى زوجج
منار گالت هنيالج زنزون حسام مشبعج عسل بعسل رؤى گالت اوي شنو هالهمجيه تدرون أحمد يخلي معطر فم ويحضر كلينس معطر ويبوسني بخدي ويمسح البوسه ويگلي حبي خو ماتأذيتي بشواربي
ماما گالت من گرت عينك يأحمد برؤرؤ صدك ضحكنه ضحك بطني طكت صارلي شكد ماضحكت هيج بعدها تحسرت وسكتت ماما انتبهتلي اشرت للبنات سكتن
شبيج زنزونه حبيبتي ؟
ماما مشتاقه لفراس مكانه خالي بالبيت
عبير ارتبكت وكامت گالت من رخصتكم اخذ شهوده لغرفتنه تصبحون على خير خذتها من حضني وراحت استغربت من تصرفها والبنات هم ترخصن وصعدن يم ازواجهن بقيت وحدي اني وماما
ماما شكو شبيها عبير !
ماما زعلانه على فراس صارله شهور مفارگنه وماسأل عن عبير والبنيه مهجورة لخاطر شهودة متحمله
تالي ماما بابا ليش ماراح وسأل عنه بلبنان؟
بنتي احنا اتصلنه بفراس ابوج اشترى لكل واحد منا اجهزة موبايل وحصلنه رقم فراس ونسيت اكلج محمد شسوة بيه وراج وابوج صعد ضغطه وراح للطبيب وحاليا مشكل عدة الضغط بسببه
ياستار ليش مكتيلي ماما سوده عليه بابا شبي !
محمد متخبل على مرته عمتها مدبرتلها شغل بشركة امريكيه بالامارات وراحت هناك ومحمد اشترى حاسبه وسحب انترنت علمود يتواصل وياهه واتفقوا بس تحصله شغل وياهه يلحگها ويحصلون اقامه هناك وابوج متخبل حتى كله ازوجك مرة ثانية ماقبل غسلت دماغه هاي المايعه عرفتي هسة ليش ماقبلت فراس يتزوج من المايعات
ماما فراس بكل الأحوال هج والسبب نفس السبب اللي ح يخلي محمد يهج عوفيهم ياماما همه كبار ويعرفون مصلحتهم
مكتيلي شلون حصلتو فراس واتصلتو بي ؟
من حاسبة محمد ماما كومي بلكي بعده گاعد يراسل المسعده نروح لغرفته
گمت ركض ويه ماما لغرفه محمد فوگ دكينه باب الغرفة فتح
هلا بزنزون حبيبتي شبگني وباسني
ماما كالت يوم شوفلنه اخوك فراس بلكي موجود وفاتح اتصال
گعدنه دخل محمد على مواقع بالانگليزي شكد حلو الكمبيوتر يذهل وبي شغلات غريبه اضعاف اضعاف الموبايل الوان وكتابات وصور اثناء مايرسل رسائل على موقع البريد الالكتروني ركزت على كلشي تمنيت اشتري واحد مثله كلش عجبني دقايق واجه الرد انفتحت( ) كاميرا طلع فراس صرخت من شفته وهو هم طفر من مكانه زنزونه حبيبتي ولج شنو هالجمال صايرة تخبلين
فراس اخويه حبيبي مشتاقلك موت عيوني دمعت وماما هم شفت عيونها تدمع توسلت بي يرجع ونشوفه سألته شلون عايش گلي مقضي وقته كله بالمستشفى حتى يبات بيها واكو سكن بيها للطلاب ع اساس دا يكمل دراسات هناك بقينه ساعتين ماحسيت بالوقت نسولف ونبچي ونضحك ونتشاقه تمنيت الليل يطول بعد اكثر واشبع من اخواني ومن كلشي هنا المكان الوحيد اللي ارتاحيت بي وحسيت بالامان