النساء والشهوات في الحب 🔞🔞🔞

البارت 6/7/8

#النساء #والشهوات_في #الحب

#الجزء #ال_6

...
وعسى ان تكرهوا شيئا وهو خير لكم ..
لو مثل ميكول المثل رب ضارة نافعه
يعني رغم الاحداث اللي هزت البلد والانقلاب الجذري بالحكم والعالم مخبوص بوضع العراق أني جنت فرحانه لان خلصت من خليل الحارس لان فعلا مضييق عليه جان وبعد كلام سناء حسيت بي حاطني بباله لامحال
الكهرباء ممتعودين على انقطاعها
تغيير جذري بالوضع والخدمات وبابا اشترالنه (جوله) على النفط
إخواني رتبوا مكان بالحديقه نطبخ بيها والغاز كل فتره ازمه وقطع بالماي يعني فوضى متتحدد ولاتنحصر بكلام أوسطور
اخويه محمد بالكليه اشترك بمضاهرات وتصوب وهذا اللي خبل ماما وصارت مثل المجنونه متقبل واحد يطلع ماقبلت اطلع وارجع للمدرسه حتى اخواني تتخبل من يطلع واحد علما يرجع تتشاهد وتقرة الف ايه ودووم تبجي وتنخبص
الحمد لله محمد حالته استقرت وبقى بالبيت ميطلع وكل شويه نسمع هوسه بالشارع ماما وبابا ميقبلون نطلع نشوف
بقينه فترة شهرين تقريبا مامستقرين كلش وبابا رتب جوازاتنه كال نسافر للكويت منبقى بالعراق بس اخواني مقبلوا دوامهم هنا وعبير حامل وخايفه ومتعلقه بأهلها
وحيدر امتحانات وزاري عدة واني مستواي الدراسي هبط بالفترة الاخيره اجتني من الله ماما كالت تركي هالسنه بس علما تهدأ الامور وبابا گلي السنه الجايه لازم تكملين حرامات وشجعني
بقيت اساعد ماما بشغل البيت لأن عبير كل شويه تتخربط بسبب الحمل والنساة الصبح نفرش الحديقه وننظفها ونخلي ميز وكراسي وصارت ثابته كعدتنه وريوكنه وغدانه وعشانه بين الشجر بالحديقه تعودنا تقريبا
بيوم من الايام ضحويه قبل اذان الظهر ماما كالت راح اسبح كملي الاكل ع النار وطلعت وحدي بيومها كلتلي هذا سمچ اقلي بالحديقه ع الچوله النفطيه سمعت الباب يندگ حسبالي حيدر لو واحد من اخواني جنت لابسه دشداشه ربع ردن وشعري منفوش وگلي زفر فتحت الباب ورجعت لمكاني
اشو رجعت اندگت مرة لخ !
رجعت فتحتها صار ببوجهي رجال عشريني العمر غريب ماعرفه شافني طفرت عيونه وارتبك
كتله تفضل !
اححححنا جيرانكم الجدد كبالكم كعدنه  ومحتاجين نفط اذا عندكم !
رديت الباب ودخلت صحت ماما
ها ماما شكو حركتي السمچ !
لا ماما رجال بالباب تعالي
رجعت للطاوة دااكمل اجت ماما لفت نفسها بالحجاب وحجت وياه انطته دبه نفط وراح خلصت قلي وحضرت الغدة ونسيت السالفه اجوا اخواني وتغدينه ويحجون بالاوضاع واللي صاير وسالفه منا وسالفه منا ورة كم يوم أجت مريه تطلع اكبر من ماما كالت اني ام اسامه جيرانكم الجدد مستأجرين البيت اللي كبالكم وماما كعدتها بالحديقه وعينها عليه بقت تسال ماما عني وصاحتني بوستني وتتلمس بيه ماما اشرتلي ادخل رحت جوة  عبير ملازمه التلفون ودك سوالف ويه امها وخواتها شغلت التلفزيون بدت تنبث قنوات جديده من الخليج واخبار ومسلسلات اتسلى بيها
مرت الايام وكملت الامتحانات اتحسفت جان رجعت وامتحنت وبقت ببالي نور صديقتي اتمنى اعرف اخبارها
بكل حديث بين ماما وبابا واخواني اسمع طاري جيراننه الجدد ابوهم رجال شايب يشتغل مصلح وغسل وتنظيف للسيارات بالمنطقه مفتح محل جديد بالسوك واسامه مطلق مرته شرطي بالبصرة چان وبعد الاحداث الاخيره ترك الوضيفه وعاش وياهم استقر وعدها بنات ثلاثه اثنين متزوجات بالبصرة ووحدة بالابتدائيه صغيرة اسمها رنا وابنها حسام جاي تتدورله على مرة بت حلال يشتغل ويه ابو بالمحل
حسام اكبر مني بست سنوات واني لاشايفته ولا اعرفه حسب كلام اخواني خوش ولد وفراس ماخذ سيارته الهم منظفيها ومجاملي بحساب جيران ومماخذين فلوس أجره
مااعرف شنو منتظرني اشوف ماما طايرة بهاي ام اسامه شكد جانت متضايقه من اركان ومن مرت عمي ومارادت تزوجني اشو هسه رغبانه تزوجني وتلمح وحتى راحت لبيتهم بحجه تاخذلهم كيك نسوي احنا عصريات على الصوبه النفطيه طبخنه صار كله(على النفط ومرات ع الفحم بالحديقه بسبب ازمه الغاز
تقريبا شهر ونص بشهر تموز الجو كلش حار وبليل منكدر ننام من الحر مرات نرش السطح اخواني يصعدون بي والفجر ينزلون يخافون من العيارات النارية التايهه بالشارع واحنا اني وماما وبابا نبقى بالحديقه على جيت الكهرباء ندخل جوة بالصاله سمعت بابا كال لازم نكمل زواج نبراس البنيه بقت معلكه حتى لو بدون عرس وهوسه نتفق ويه اهلها ونجيبها البنيه لهنا ماكو داعي للفندق ..
عاينلي وگال مر عليه ابو اسامه وطلب يزورنه ويتعرف حسام على زينه
اني انهبطت وشفت ماما فرحت
بابا مو على اساس اكمل السنه الجايه بعدني اريد ادرس وأنجح واروح كليه مثل اخواني
بابا الوضع مومطمن بالعراق وخاصه بغداد لاانتو اللي وافقتو نروح للكويت ونخلص من الضيم اللي هنا منعرف نصبح الصبح( عدلين لو ميتين يابابا
ماما كالت ابو فراس معليك بيها الناس خوش ناس وبتنه يمنه كبال عيوننه والولد شاغول ومرتب لايگ لزنزون التفتتلي ولچ زنزون هيبه شطوله وعيونه خضر احلى من عيونج شفته وحجيت وياه وهم ماعدة شهادة متوسطه مثلج وتارك المدرسه اهم شي امه حبابه وكتلت نفسها عليچ
زين وهذا المطلگ !
ع اساس يرد زوجته شعلينه بي مشاكل بينهم وزوجته بالبصرة اصلا راح هسه رجع للبصرة مو يمج ياماما ياحبيبتي
شفت السالفة صارت صدگ وبابا كال بعد يجون للبيت ويصير خير
قلقت كلش وتغيرت افكاري مااعرف شضاملي الوكت وشنو ح يصير باجر ..