شريان الديحاني:
انا مشتاق لفلانه
انا مشتاق للي تسكن النسيان
حبيبة خاطر الدنيا انا منك
عرفت ان البكي مخلوق للغفران
تعمدت البكي في ليلة فراقك
عشان ارجعك , واسترجع النقصان
تراك الغاليه جدا على قلبي
واحاول اذكرك فيهم قدر الامكان
تغيبين الغياب اللي كل ظلوعي
واشوف ان انتي الاقرب على شريان
تعالي نرجع بعزم المحبه لين
نخون في بعض .. مع بعضنا بامان
اخون بايدك اليسرا .. على اليمنا
واقبل ذيك واخلي بهذي الاشجان
وامر بعينك اليمنى , واطالعها
واقول انتي انا ..
واخذها بالاحضان
مصيري فيك بلاطغا جمال وشكل
مصيري فيك .. سواد عيونك الفتان
مصيري لو ترديني اتغير فيك..
واصير ارجع مصيرك , واخنق الخذلان
بعد كل هالشعور .. ارجوك قوليلي
انا قصة سجين يحبله سجان.
ــــــــــــــــــــــــــــــــــــــــــــــــــــــ
