شريان الديحاني:
ياداعيتني بالهوى.. والهوى زان
وياك عمري كل ماطال.. يقصر
فالليله اللّي صاحب الحفل زعلان
جيتي ودمّرتي الحضور.. وتبعثر
تفننّي في بسمتك قدر الإمكان
بسمتك حاجه بهالزمن ماتكررّ
وتهادي بصمتك على الصمت من شان
مايزعل لسانك من الصمت أكثر
الأرض أرضك.. والحفل فيك طربان
تمخطري.. خلي السما منك تمطر ͏
ولايشغلونك من لهم فالحفل شان
إنتي سموّك قبل يوصل مقدّر
بعد الحفل عنك الحكي وش كثر كان
كنتي حديث الألسنه دون تشعر
وبعد الحفل متضايقه كل الألوان
ويتخضّر اللون السماوي.. والاحمر
فستانك الأخضر قهر كل فستان
كل ثوب جمبك ودّه يكون أخضر. ͏
ــــــــــــــــــــــــــــــــــــــــــــــــــــــ
