بالاسلام نرتقي💪

"القرب من ربك"1

الخطوة الاولي:-

عشان نقرب من ربنا..
لازم نطهر قلوبنا من اى حب حرام
👈🏻لان اى حب حرام فى قلبك بيطرد
حب ربنا منه💔

ومفيش معصية وطاعة بيبقوا فى قلب واحد👌🏻

ممكن تقولى انا بحب واحد دلوقتى وهو ان شاء الله
هيتقدملى اعمل ايه❓
انا متعلقة بيه ومش هقدر❓

اقرأى بقى الكلام اللى جاى بتركيز عشان تجاوبى على كل
اللى بيدور في بالك ^_^

تحبيه طب قد ايه بتحبيه⁉

كل واحده فيكم جه فى بالها شخص
⬅شخص بتفكرى فيه دايما قبل ما تنامى واول ما تصحى

⬅شخص نفسك تكلميه طول اليوم بيسمعلك وتسمعيله
تهتمى بيه ويهتم بيكى

⬅شخص تحسى الوقت يمشى بسرعه معاه

تزعلى لو مر يوم من غير ما يكلمك ويوحشك بسرعه

ومتقدريش على زعله

ولو اختفى بس ساعات تخافى عليه وتقلقى تفضلى تكلميه كل يوم وكل ساعه بس تخافى تضايقيه باهتمامك
وكل شويه تتصلي بيه عشان تطمنى عليه

وبتراقبيه من بعيد عشان تتطمنى انه كويس

تتألمى ل الامه وتزعلى لزعله ::وتفرحى لفرحه:: تدعيله
وتتمنيله السعادة

بس فى قلبك تتمنى تكونى انتى سبب سعادته🌸

ودلوقتى هقولك تانى❓

تحبيه لدرجه انك متقدريش تتخيلى حياتك من غيره👌🏻

تحبيه لدرجه انك نفسك تكملى حياتك معاه وتبنى مستقبك معاه👌🏻

تحبيه لدرجه انك تخافى فى قربه وتتألمى فى بعده👌🏻

تخافى تتعلقى بيه اكتر واكتر🙂

تخافى انه يبعد وتفترقوا🙂

تخافى تتألمى بكره لو مكنش من نصيبك وفى نفس الوقت
تتمنيله السعاده ولو بدونك👌🏻

هقولك جمله واحده من كلمتين /

اتركيـــــــــــــــه للــــــه

لانك تحبى نفسك ولانك بتحبيه وقبل اى شئ لانك تحبى الله اتركيه لله❤👌🏻

قوليلى لو استمريتوا تكلموا بعض كل يوم حبيتوا
واتعلقتوا فى بعض اكتر واكتر

طييب لغايه امته⁉

لغايه لما تسيبوا بعض فى يوم من الايام❗❗

متخافيش على قلبك و قلبه لما تسبيه
هتقوليلى احنا بنحب بعض ومش هنسيب بعض😌

هو هيتقدملى ونتجوز ليه اسيبه😏

طب انا هقولك / ضامنه قلبك وقلبه ❓

ضامنه ظروفك وظروفه❓

ضامنه اهلك واهله❓

حتى لو ضامنه كل حاجة وضامنه انكم فى الاخر لبعض❗❗

قوليلى علاقتكم حلال ولا حرام❗

كل كلمة حب بينكم وكل اهتمام وعشق وغرام بينكم
بتعصوا ربنا وانتم كدا❗

هتقوليلى / ال محصلش كدا احنا موصلناش للحرام

هقولك / الشيطان قوى والحب بيضعفنا ولا فى الاساس
احنا بنضعف ادام الشيطان
الشيطان اللى بيزين لينا طريق الحرام حبه حبه👌

اتركيه لله اتركيه عشان رضا ربك اللى كل قلوب البشر
بين يداه💜

وبقدرته ممكن يغير اى علاقه بين اى قلبين من .. الى✔

ولو ربى جمعكم وكتبلكم نصيب يمكن متتوفقوش فى حياتكم بعدين
بسبب العلاقه الحرام اللى كانت بينكم لا قدر الله💔

هتقوليلى ياما ناس اتجوزوا عن حب وعايشين سوا ومبسوطين😃

طب ليه ما متستنيش الحب اللى بيدوم طوووووول العمر
لانه بيجى بالعفه

انتى لو تركتيه لله
اتأكدى ان ربنا هيعوضك بكل خير

هيعوضك عن حبك اللى تركتيه عشانه بحب اطهر بحب احلى بحب حلال😍

هتقوليلى / مش عايزة غيره هقولك / قوى قلبك واتقى وارضى ربك واتركيه لله

ولو كان نصيبك هيرجعلك
هيرجعلك غصب عن الدنيا كلها مفيش حد فى الدنيا هياخد
نصيب غيره😊

لو كان نصيبك هيرجعلك بحب اضعاف اضعاف اللى كان
بينكم هتحبيه وهيحبك وتعشقيه ويعشقك وتعوضوا بعض
ببعض لان اللى يرضى ربنا
ربنا بيرضيه ♥

اللى بقوله مش سهل ابدا مش سهل😔
هتحنى وهتبكى وهتسهرى طول الليل لان احنا بشر

بيألمنا الفقد ويكسرنا👌

لا تبكى ولا تتألمى انتى تركتيه عشان رضا ربك👏

لكن الم الحنين ودموعه كفيهم بالدعاء كل ما حنيتى

ادعى واتذكرى انك بتقاومى عشان رضا رب👌

استودعى حبك عند ربنا وفوضى ووكلى امرك لله☝

اتفائلى ب الله وثقى فيه وربنا هيرزقك كل شئ فى وقته

عيشى حياتك .............

اعملى لدنيتك واخرتك حبى ربك واتقربيله❤

حبى اهلك وبرى بيهم😍

حبى اصحابك وانبسطى معاهم🌸

وحبيه لكن بالدعاء🍃

ونفسك حبيها كونى ذاتك واثبتيها😍

وأبنى مستقبلك واسعى ورا احلامك👏💜

هتقولى / خايفه ينسانى
هقولك / اللى بيحب بجد مش هينسى
دا هيسعى ويدعى

واللى بتحب بجد هتنسى وتدعى👏
ومش هيحصل غير اللى ربنا كاتبه وهو الخير بأذن الله

ولو مرجعش باي سبب من الاسباب👇
فتأكدى انه خير ليكى وليه
متقوليش هو اللى خسران
قوليلى خير وربنا صرفه عنه لسبب حكمه

وهيعوضنى ربنا بالاحسن وادعيله واتمنيله السعاده

لانه كان سبب فى سعادتك فى يوم من الايام🌸

دمتم بخير حورياتي

#بالإسلام نرتقي💪
#اسراء فوزي