مرحبا حبايب شلونكم ان شاء الله الكل بخير طبعا فوك انو البصرة مو مستقرة وفوك البطاله الي منتشرة بوطننا الحبيب وفوك المتخرجين الي تعبو تعب سنين وبالتالي ماكو تعيين وفوك حالنه احنه الطلاب الي لا كهرباء ولا صفوف ولا حتى رحلات ولا كتب مثل الناس ولا مدرسين اوادم وفوك مناهج الابتدائيه الي ما تعرفه علوم لو فيزياء وفوك كل التعاسه الي عايشينهة العراقيين ارتفاع سعر الطماطم لسعر 3000 دينار للكيلو الواحد وربي لحد الان مجايبيهة 🤣🤣 يعني هية سعرهة ٢٥٠٠ لو ٣٠٠٠ الف دينار ويا ريت هيج شكلهة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
استغفر الله شيحجي الواحد يعني اني والطماطم عشق هسة فرقتونا الله لينطيكم 😣🤣
بصراحه اني بامور السياسة مو هلكد بس كافي هذا يسكت عن حقه وذاك يسكت عن حقه والشعب رايح بالرجلين زين لتفكرون بنفسكم انتم الي كاعدين جوة التكييف الي متعرفون هذا صيف لو شته فكرو بينه الطلاب والقران خمس ساعات بنكه ما تشتغل الصف صغير عدد الطلاب كوومه وهاي بدايت سنه وهواي بنات بيهن ربو وبيهن حساسية وين حقوق الطالب وكذلك المدرسين واكفين ع رجليهم هم 5 ساعات ولا كهرباء ولا وسائل راحه ولمن تتخرج ماكو تعيين ولمن تتعين ماكو راتب ولمن تستلم راتب نصه طاير لو بايكي لو ما اعرف شنو الحمد لله ع حال وحسبي الله ونعم الوكيل ع الي بيدهم يغيرون كولشي وكاعدين وساكتين عن كولشي نمر بي ادعولنه احنه الطلاب ناخذ شهايد ترفع روس اهلنه حته لو ماكو تعيين المهم فخر الأهلنه والبلدنه الي عانى من الفقر والجهل والمرض والله يعينه ويجيرنه من الجاي
اعتذر منكم اذا طولت عليكم حبايب وان شاء الله ما انزعجتو من الفقرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صحيح انتم تعرفون شنو سر ارتفاع سعرهة للطماطم يعني شنو اكتشفو بيهة ذهب لو الماس بداخلهة ورفعو سعرهة لو هيج اتعكر مزاجهم وكالو خل نرفع من سعرة ؟؟
