ابن عمي ..."مكتملة"

بارت 12

يوم الڤلنتاين ......... عيد الحب .........

ام سارة :- حبيبتي سراوي اليوم نروح اني وياچ للمول على مود نشتري هدايا الباچر

سارة :- المن هدايا عيد ميلاد منو ليش ؟

ام سارة :- صدگ تحچين لعد منو چان كل يوم 14 بشهر الثاني يجيبلنا ورد

سارة :- اهاا عيد الحب شنو راح تجيبين البابا هاي السنة ان شاء الله

ام سارة :- والله محتارة بس يمكن راح اشتريله مجموعة كتب انتي تعرفين ابوچ يموت على شي اسمه قراءة
زين وانتي شتجيبين الحبيب الگلب

سارة :- اني كلشي ما اجيب

ام سارة :- هاي شنو !!!!

سارة :- ماما احس احمد تقليدي ومو مال هيچ سوالف ومناسبات

ام سارة :- وانتي تمشين على احساسچ يعني
جربتي تهدين اله شي ورفضه او گال لا
وحتى لو افترضنا انو ميحب هذه المناسبات
حاولي تغيرينه وتخلينه يحب هذه الاشياء
ترا الهديه الحلوة وكلمة احبك تترك اثر كبير بالنفس

سارة :- اممممم خوش فكره راح احاول وياه

صار العصر وراحو سارة وامها للمول احمد چان بالدوام
وخابرته سارة استأذنت منه وراحت ويه امها

ام سارة اشترت مجموعة كتب علم نفس لأبو سارة

اما سارة بقت محتارة شنو تاخذ لأحمد لأن هي متعرف ذوقه ولا تعرف شنو يكره او شنو يحب

ام سارة :- ها ماما شو صافنة ماكو شي عجبچ الهسه

سارة :- ماما مو المهم يعجبني المهم يعجب احمد
تصدگين يوم ما اعرف ذوق احمد ولا اعرف الاشياء اللي يحبها

ام سارة :- لأنو هذه اول هديه واول عيد حب راح يمر عليكم راح اساعدچ بأختيار الهديه
أخذيله ساعة حلوة ومرتبه اعتقد احمد يحب الساعات لأن دائمآ اشوف بأيده ساعة
وكل ما يتوضأ الگاه ناسيها على المغسلة
ونرتب وياها باقة ورد أحمر شدگولين؟

سارة :- حلووو خوش هديه يلله ساعديني اختار ساعة حلوة

ام سارة :- واني راح اجيبلچ هديه كلش حلوة وهم تفاجئين بيها احمد

سارة :- هالمره شنو راح تجيبيلي اني متعوده عليچ اتجيبيلي اكسسوارات ومكياج لو دببه حمر

ام سارة :- لا چنتي زعطوطة هسه صرتي مدام 😌😂😂

سارة :- شسالفة ماما ترا تزوجت بس بعدني صغيره 😒
يلله گوليلي شنو راح تشتريلي

أم سارة :- شفت ثوب نوم احمر اول مفتنا للمول بالمحل الجوه يخبل راح اخذه الچ
لأن دا الاحظ انتي متلبسين ثياب نوم
كل ما تنزلين الصبح اشوفچ بالبيجامه

سارة :- اي اي صح لأن نسيتهم هناك بالبيت 😓

ام سارة :- ولا يهمچ حبيبتي هسه بدال الواحد اخذلچ عشره

سارة :- فدوة الله يخليلياچ يالغاليه احب انام بالبيجامة اكثر من ثياب النوم ما اريد لا تجيبيلي

ام سارة :- مو بكيفچ هسه خلي ناخذ الثوب الاحمر وتخلين وياه مكياج سموكي وناخذ كيكة منا وشموع حتى اتطيرين عقله لأحمد الليله

سارة تحچي بينها وبين نفسها ( اوووف يا ماما حقچ متدرين شنو بيني وبين احمد انوب تريد تلبسني أحمر😓😓)

ام سارة :- يلله وين صافنه خلي ناخذ الاغراض ونرجع هم ياله نحضر ....

كملو سارة وامها كل المشتريات ورجعو للبيت
أحمد رجع العصر من الدوام سبح ونام
وطلع وره صلاة العشا ويه جماعته
وما نسى انو اليوم هو يوم عيد الحب ومحضر الهديه السارة قبل يومين ومغلفها وضامها بس سارة متدري بيها ...

صار الليل سارة صعدت الغرفتها واتبعت تعليمات امها
خلت مكياج سهره ضل اسود وروج أحمر وسوت شعرها كيرلي ولبست ثوب النوم الأحمر
وشغلت الشموع بكل الغرفة وحضرت طاولة صغيره خلت عليها الكيكة والهديه اللي جايبتها لأحمد
واتمددت على سريرها تنتضر أحمد
وبين ما هي تنتضر نعست ونامت

وره ما نامت سارة بنص ساعة اجه أحمد واتفاجأ بالمنضر اللي شافه
كانت سارة مثل الأميره النائمة لا وأحلى بعد
ومنضر الشموع واللون الأحمر اللي بالغرفة ضايف جو رومانسي كلش حلو
بقى واگف يتأمل الملاك اللي نايمه گدامه
شعوره مينوصف
ضايج وفرحان بنفس الوقت
ضايج من الموضوع اللي صار وانو سارة مقبلت بي برضاتها وحس روحه اخذها غصب
وفرحان لأن رجعله بصيص الأمل سارة تحبه
والا لو ما تحبه ما تسوي كل هذا الشي على موده

راح احمد فتح الكنتور طلع الهديه واجه گعد يم سارة
باسها من خدها صحت من النوم .........

أحمد :- صح النوم كل عام وانتي زوجتي وام بيتي وام اطفالي ان شاء الله

سارة :- اشكرك كل عام وانت بخير

احمد :- ما توقعت تتذكرين عيد الحب وتسوين كل هذا الشي على مودي
واني هم ما نسيتچ ترا
هذه هديتي الچ افتحيها وشوفيها

احمد انطى الهدية لسارة فتحتها وچان جايبلها جهاز ايفون اكس ووردة

سارة :- ليش كلفت نفسك هذا الجهاز سعره غالي

احمد :- انتي زوجتي ما يغلى عليچ شي

سارة :- واني هم جبتلك هديه بمساعدة ماما طبعآ

أحمد :- شكرآ ذوقچ يخبل احب هيچ ساعات
بس الورد مو حلو

سارة :- ليش مو حلو اشبي

احمد :- لأن انتي احلى منه

خجلت سارة من كلام احمد وبقت مدنگه
اتقرب عليها وباسها من راسها
شافها مرتبكه ووخرت من عنده خلاها على راحتها لأن ما راد يضغط عليها

قطعو الكيك واحتفلو احتفال صغير بعدين سارة نامت
واحمد ضل گاعد يتأمل بيها شگد ما چان رايدها
بس بعده صابر وما يريد ياخذها غصب
يريدها تحبه نفس ميحبها
ولو مستحيل راح توصل الحبه
لأن حبه الها وصل مرحلة الجنون
وكل هذا وهو كابت على نفسه ويتحمل ويكابر
وهي ما تدري بي شگد محتاجها

لهنا خلص البارت
شنو تتوقعون راح يصير بين أحمد وسارة بالبارتات الجايه
اكتبولي توقعاتكم
احبكم
#الاء