راح أحمد للموصل كانت الاوضاع خطرة كلش وحياة الجنود بخطر كبير
لكن كانت معنوياتهم عاليه وابد ما ملو عن مقاومة العدو داعش
كان أحمد يومية يتصل بــسارة ويطمأن عليها
كانت دائمآ ادگوله هي بخير الحمد لله
بس هي عكس هذا الشي
كلمات التجريح اللي تتلقاها يومية من ام احمد واخواته كانت صعبة
بيوم من الأيام بيت خالة احمد عزمو ام احمد وبناتها وسارة وياهم
طبعآ بيت خالة احمد بالمدينة بمحافظة العمارة
يعني عدهم تحضر اكثر من بيت ام أحمد
لأن بيت ام احمد عايشين بالريف
راحو الكل وصلو البيت خالة احمد
وكانو البنات لابسين عبايات فــ سارة حتى تخلص من كلام عمتها بدون نقاش لبست عبايه وطلعت وياهم
صبو الغده واجتمعو وبلشو بالأكل
سارة حضرت نفسها للكلام اللي راح تسمعه
وخصوصآ وصلها كلام من اخت احمد انو
احمد على اساس كان يحب بنت خالته فاطمة
طبعآ هذا الكلام ما اله اي صحه بس حچت هيچ حتى تغث سارة
وسارة صح ضاجت بس طنشت الأمر كــ العادة
خالة احمد :- شرفتينا عيني سارة صح صارلكم شهر ونص من اتزوجتو بس مصارت فرصة نعزمكم انتي واحمد لأن أحمد كل ما اريد اعزمه يطلع بالدوام ابغداد ومن يجي هنا هم ما ينلزم
سارة :- تسلمين خاله الي الشرف كلامچ كافي عزيمتچ واصله
ام أحمد تحاچي اختها :- اي خيه هاي بت عباس الكبيره احمد خبص روحه عليها حتى ياخذها ما ادري شعاجبه بيها
خالة أحمد :- يگولون بنات بغداد وكحات ويعرفن يسيطرن على الرجال ويخلنه مثل المحبس بأصابيعهن
سارة :- اكو شي اسمه حب أحمد لو ما يحبني ما چان انتضرني سنتين
فاطمة بنت خالة احمد :- اي يحبچ على شني بلله
سارة :- الصراحة ما اعرف يجوز شاف بيه شي مشافه بأي بنت ثانية
فاطمة :- هسه ياريت انتي بيضه
سارة :- اني مقصدت على الشكل قصدت يجوز شاف گلبي وجذبته تصرفاتي
وبعدين شغلة ثانية الجمال مينقاس بالبياض ولا بالسمار
الجمال جمال الروح والنفس لما يكون داخلك نضيف واسلوبك حلو وعندك طيبة گلب راح تصير اجمل شخص
أخت احمد :- هههههه ضل تتفلسف علينا بت بغداد
ما تشوفن اخوي دايخ بيها من السانها
خالة احمد :- يلله يمه كافي كلام النعمة گدامنا اكلن وانتن ساكتات
سارة تحچي بينها وبين نفسها :- هو انتن شخليتن بيه وهسه تذكرتي النعمه گدامنا اوووف الصبر يا ربي الصبر شوكت ترجع يا احمد ......
رجعو الكل للبيت وره ما خلصت العزيمة كانت سارة بهذا اليوم حيل متضايقة ومهومة فـ راحت أتوضت وصلت ركعتين الوجه الله
وراها اتصلت على أحمد يطلعلها خارج الخدمة
وهذا أمر طبيعي بسبب الضروف هناك
لذلك نامت
أنت تقرأ
ابن عمي ..."مكتملة"
Short Storyقصة باللهجة العراقيه تتحدث عن النهوة وكيف ستقع سارة في حب ابن عمها بعد معانات طويله
