Magpanggap at Pigilan

Masaya

Nais ko sanang sumaya

Kahapon, ang ibig-sabihin ng masaya 

ay lumalabas at nakikipaglaro sa iba

Kahapon, ang ibig-sabihin ng masaya 

ay naliligo sa ulan kaya pag-uwi,

pati na rin ang sahig ng inyong bahay ay basang-basa

Kahapon, ang ibig-sabihin ng masaya 

ay nakakakuha ng juics na timpla ni lola,

nakakasama sina mama at papa,

na sa tuwing magkasama kayo, diretso kayo papuntang perya,

na sa tuwing nakauwi na sila galing trabaho, yayakapin ka nalang bigla.

Kahapon, ang ibig-sabihin ng masaya 

ay may bumabati sayo tuwing umaga,

na bago ka matulog may kasama ka, 

dahil alam niya siguro na hindi ka makakatulog nang mag-isa.

Pero ngayon, ang ibig-sabihin ng pagiging masaya

ay tumatagal sa bahay

na imbis na lumabas at lumaya, tayo'y nananatiling tumatambay 

Dahil ngayon, ang pinakamasayang lugar sa ating lahat, ay ang ating bahay.

Wag niyo 'kong pagkamalan, wala namang mali doon

Ngunit, imbis  na pinapasaya ang iba, ang ating kasiyahan ay patuloy na binabaon.

Hindi na tayo lumalabas tuwing hapon.

Hindi na tayo kagaya ng kahapon.

Ngayon, ang kasiyahan ay dumedepende sa 

ilang kaibigan ang meron ka.

Ang kasiyahan ay nagaganap lamang tuwing makukuha mo na ang meron sila.

Ngayon, ang kasiyahan ay dumedepende 

sa anong klaseng damit ang suot mo,

anong klaseng phone ang hawak mo

kung oo o hindi puno ang wallet mo

Kung ang ambisyon ko ba talaga ay maging doktor o youtuber

Maging lawyer o gamer

Ngayon, ang ibig-sabihin ng masaya 

ay ngumingiti kahit hindi kaya.

Ang pagiging masaya ay naging pera,

hindi na ang mga ala-ala, 

hindi na ang halik at yakap niya.

Sana ang mga ala-ala'y di kumupas

na may kasama muli tayo pagbangon.

Wag na sana natin sayangin ang atin oras.

Sana bukas, bumalik ang kahapon.