فصليته لابو طول الحلو❤

😢😢😢

سبع..انتي طالك طالك طالك...بمجرد ماكلت الكلمه حسيت روحي طلعت مني...فتحت دكم قميصي حتى اتنفس احس الهوه ضاع عليه..وعركت كولش..بقيت افرك بكلبي..واجر حسرات واتنفس بقوه..واحس حراره تطلع من جسمي..جسمي يفووور...وكلبي احسه جمر..باوعت ع رونق واكفه ومصدومه..من شفتهه فرت اكثر كمت مشيت..من الصاله وصلت يم الدرج..وهيه بعدهه واكفه..انداريت ع الحايط وضربته بقوووه مرتين..ايدي ضلت تنزف دم..كعدت بلكاع وحطيت ادي ع وجهي شفتهه تقدمت علي وعيونهه ع ايدي الي تنزف..عطت روووووونق روووووحي لاتراويني وجهج...فزت هيه..وطلعت ركض..اخذت روحي وياهه.....

رونق... عاتبني ووويه كل كلمه تطلع من بين شفايفه..تصير سجين بكلبي..اخر شي كلي انتي طالك..حسيت الدنيه افترت بيه...اختنكت حيل.. بقيت واكفه ومصدومه هوه طلع وصل يم الدرج وضرب ايده مرتين بلحايط ايده ضلت تنزف وكعد وحط ادي على وجهه اتقدمت علي واني كلبي اكله الخوف..وعيني ع ايده المدمايه عاط بيه..فززني. طلعت اركض من البيت..دنيه غروب..اركض بكل قوه عندي...ودموعي تنزل..رحت لساحه فارغه..اصلا مهجوره..محد يدخللهه..وكفت بنصهه..وبقيت اضرب على كلبي.. واصيح احبببببكك وربي احبككك..شلون تكول هلكلمه موتتني ولك..والله احبك.. وججج رووووونق شسووويتي..رونق دمرتي نفسج..ودمرتي روحج حبيبج..عزيز كلبببببج دمرررتي..وج رونق دمعته نزللت علييييج وانتي،،مكابره..شنو هلتكبر رونق شنووو هلتكبرررر...وج رونق الي صار منج..بقيت اصيح واعاتب نفسي..والهث بقوووووه...انهد حيلي..كعدت بلكاع واني مستمره اضرب بكلبي..واعاتب سبع واعاتب نفسي..صرت مثل المخبله..احجي وي نفسي..صار دنيه ليل واختفه الضوه صااارت ضلمه..كمت واني مستمره بلبجي وايدي ع كلبي..واحجي ويه نفسي..طلعت وبقيت امشي وين اروح واني لاسياره ولالبس بي خير..لابسه هلشورت هذا..هف يربي شلون..كلت خلي اروح مشي لاهلي من بين الفروع..وصدك بقيت اطب بفرع واطلع من فرع..اكثر من نص ساعه اني امشي وابجي..وايدي ع كلبي..وصلت لفرع اهلي..اخذيت نفس..مسحت دموعي وعدلت نفسي..ورسمت ابتسامه على شفتي..بس كلبي نااار..دكيت الباب طلعتلي كوثر..صاحت ياااهلااا والله توه نور البيت باوستهه البيت منور بوجودج حبي
كوثر..تعالي اتفضلي مشتاقيلج ليش كاطعه
رونق..واني اكثر والله...ليش كاطعه ماكلفتو نفسكم تعزموني شتخسرون
كوثر..ههههه تعالي ادخلي..
رونق..دخلت..شفت ماما..ركضت عليهه دفنت راسي بصدرهه..وبقيت ابجي حيل..
اسماء..هلا حبيبتي شلونج يعمري..ليش تبجين شبيج رونقتي
رونق..ماكو شي بس مشتاقتلج...
اسماء..وحسبالي مدري شبيج..هبطتيني
رونق..ههههه باوستهه وكعدت..وين بابا كفوله علوشه اشو مالهم حس
اسماء..ابوج بلشغل..وعلي يم جماعته..وكفيل ماادري وين راح..
رونق..صحت كووووثر وييينج
كوثر..هاا بلمطبخ اسوي عصير
رونق..مره خصتج يوم..كمت من امي ورحت لكوثر..عوفي لبيدج وتعالي وياي
كوثر..لا خليني اكمل
رونق..رحت عليهه لزمت ايدهه..وباوعت بعيونهه..كوثر مااشرب شي مالي نفس طالعه روحي...والله
كوثر..شكو شبيج رونق اشو مو على بعضج
رونق..ايييي مودااكلج تعالي وياي..اخذيتهه ورحت للحديقه الي وره البيت حديقه كووولش جبيره..والاشجار محاوطتهه من كل مكان..كعدت ع المرجوحه وكعدت كوثر يمي..اخذيت نفس..ورجعت راسي ع المرجوحه..وبقيت اباوع للسمه..
كوثر..يلااا ولج كلبي خلص صبره احجي شكو
رونق..كوثر سبع طلكني
كوثر شهكت..وحطت ايدهه ع كلبهه..عزززه ليش
رونق..بديت اسولفلهه ودموعي تصب..
كوثر شبكتني..اوووووووف ياحبيبتي هلكدوتج وهيج صار بيج..
رونق..حضنتهه واني اشهك بجي..كوثر والله احبه..كوثر احس هذا انكسر لمن نطقهه..وأشر ع كلبي..كووووثر انكسسسر كلبييي..اتحطمت كوثر..اعشقه كوثر اتنفسه..لج كوثر طلكني..يعني بعد مااشوفه..هف شلون راح افاركه مااعرف
كوثر..رونق انتي السبب..الرجال مخليج بحريتج..وانتي مطنشته..اني مره وحده مارديت على كفيل..اجاني يفور وبقى يصيح علي..وهوه شهر متحملج متحجين وياه شصاير بي..الصوج منج انتي رونق..
رونق..كمت منهه وكلت واني امشي..كوثر شكيتلج حتى تخففين علي موحتى تزيدين ناار كلبي..عفتهه ورحت لغرفتي...بدلت تراك..وطفيت الضوه..وبقيت ابجي واتذكر ايامي وياه..اوووف يحبيبي..اعتذر منك..يابعد اهلي وكل عشيرتي... سامحني..سااامحني احجي وابجي بقوه..سبع اننييي ضيعتك من ايدي..سبع اني ماقدرت حبك..سبع..اعتذر سامحني..اتنهدت..وج يرونق شيفيد الاسف..
،،،تسريع الاحداث...مر شهر واني حاالتي النفسيه من سيئ الى اسوئ..صارت زفت..كلت لاهلي على طلاكي ثاني يوم..حيل فرحو..ماعدا علي حسيته ضاج..وكام بسرعه وراح لغرفته وركع الباب قوي..ركضت علي..فتحت الباب..واشوفه يفتر بلغرفه بعصبيه..شافني زمخ بيه..اطلعييييي براااااااا...دموعي نزلن..كعدت بلكاع..وحطيت ادي على وجهي..عليييي شنووو ذنبي كووول شنوووو ذنبي شسويت حتى اتعاقب علي..اتحملت بعدكم..وكلت اني اقوه من هيج..واتحملت الأهانه..وكلت عادي.. علييييييي اتحملت ضرب وصياح..وكله واكوووول عااااااادديييي...شنووووو ذنبي شسويت اني؟؟ علي اني اختك..دمك ولحمك حس بلنااار الي شاااابه جواي...فتحت السحاب مال التراك شويه..وطلعله جتفي... هاااك تفضل شوووووف...عليك جفوف العباس..انته زلمه تتحمل اذا واحد ضربك بوكس كووووول تتحمل...بقيت ابجي واشهك..واردد علي ماالي ذنب وربي..انفتح الباب باوعت كفيل...عاط..شكوووو شبيج رونق شبيج يابعد كلبي انتي..شكو..كمت حضنته وراسي على صدره..وابجي..كفييل اكتلني موووتني..فدووه..كفيل اني انسانه..عندي احسااااس..عندي كلب،،شسويت حتى اتعاقب علي..كل ذنبي انو كتلك خلي نطلع للمول..كفيييل الدنيه مااارحمتني..كفيل..هذا اخوي الي من امي وابوي...ويصيح علي...لعد ماتتوقع من رحت لحد الان شصااار بيه..كفيل انهانيت اتأذيت وانضربت..وكلت يهوووون لعيونك..كفيل شوووف جتفي..شووف جسمي شصاير بي..كفييل..فدوه بعد مااتحمل..موتني خلصني ..حضني كفيل وبقى يبجي وياي..ويمسح على راسي..ويكول..حاس بيج رونق،،والله من رحتي لحد الان اني مامطمن عليج..رونق..اني اسف..اعتذر منج..يختي..اعتذر..دار على علي..كال اوكف اني الك..ابو النسوان..اذا بقيت دقيقه بلبيت..اعتبر الله ماخالقك..
وووومرت الايام..وبهلشهر..اني حالتي زفت صارت..باقيه بلغرفه وعايشه علمي بليوم لو اكلي لكمه وحده لخاطر امي..لو مااكل..تغير شكلي جسمي ضعف وذبلت بابا يكولي..وين رونق الجنهه ورده..اشو ذبلانه..جنت ابتسم واكول بكلبي طبعا ذبلانه اذا سبع ماشايفته علمود ارتوي بشوفته..............يتبع...

من اكتب بعد انزللكم ..شنو رأيكم حبايبي...