#خيالي
بقلمي ملاك الصمت
مشهد ..
آسر .. ضربنه اخر محاضرة وطلعنه .. صديقي كال يريد يجيب اخته من مدرستهه ومناك اوصله لبيتهم واني ارجع للبيت .. وصلت .. ركنت السيارة قريب من مدرسه بنات ..
نزلنه .. بقيت واگف يم السيارة منتجي ع البنيد ..
صديقي توجه للمدرسه ديجيب اخته وقت انتهاء الدوام ..
طلعت بنيه .. تسولف .. صوتهه يوصلني .. ظليت صافن عليهه .. الشعر سرح مشدود برهاوة .. خصلات نازله ع الوجه .. تسولف بصوت عالي ويه صديقتهه .. ضحكت وطلعت غمازاتهه .. هالغمازات زرفن گلبي قبل لايزرفن خدودهه ..
بنيه ثالثه صاحت من مسافه ..
نماء الورد ..
التفتت هي .. ام غمازات ..
تهت وضعت .. بالاسم والغمازات والشعر والخدود والضحكه البيهه بحه ..
ظليت صافن ع اللوحه الي الله خالقهه بترف وعنايه ..
وصل صديقي واخته واني ممنتبه عليه .. گالي ..
عجبتك ..؟
التفتتله متفاجئ ..
منو ؟
الماشلت عينك عنهه من وصلنه لسه ..
دنگت وابتسمت ..ماجاوبته .. شجاوب واني نفسي ماعرفت شصابني ..
صعدنه السيارة واني افكر بيهه .. شغلت بالي وتفكيري ..شي واحد ماعجبني بيهه .. لبسهه .. ضيگ وقصير وفتحة الصدريه الي تبين ملامح جسمهه ..
هذا مشهد من قصه حقيقيه راح اكتبهه بعد عطوة صلح ان شاء الله ..
احفظوهه يمكم بالمكتبه ..
