ليلى: شتعودلك قمر؟..
باسل: سمعت اسم قمر رجليه وكفن.. قمررر اختي اختي قمر وينها تعرفيها انتي؟
ليلى:شنووووو قمر اختك؟
باسل:اي اختي ليش تعرفين وينها؟
ليلى: هاا لا مو حق المعرفه بس اني صديقتها قبل وشفتك تشبها هواي فسئلتك
باسل:ها اوكي اختي شكرا
ليلى:بنفس اللحظه دخل فهد لا يربي بس لا يصخمها!
فهد:وينج صار ساعه ادور عليج
ليلى: هياتني شبيك يلا نمشي
فهد:يلااا طلعنا من المطعم و..اكول ليش واكفه يم طاولت ذولي الشباب؟
ليلى:هه تعرف منو ذاك الي كاعد ضايج؟
فهد:منو بلله؟
ليلى: اخو قمر الي هو نفسه باسل!
فهد:شنووو شدا تحجين انتي يعني الي جانت تحجي عليه قمر هوو..
ليلى:اييي ايي هو اخوها اخوها وانت شسويت بيها بس لان مدحت اخوها خليتها بحاله تقهرر شسويت فهد شسويت حراام عليك ولله (بدموع وشهكات)
فهد:كاافي كاافي حبيبتي(وبديت اسمح دموعها) ولله مو بيدي وتدرين ان اول مره امد ايدي على مره
ليلى:وخرت ايديه ..والي ضربتها منوو مرتك وحبيبتك شفت شصار بيها الله يسامحك فهد من صدوك الله يسامحك( ورحت للمستشفى)
فهد: اااه ياربي الي سويته دمار الي والقمري يالهي ارئف بحاله قمر يارب💗...رحت للمستشفى اشوف قمر بس تذكرت خلي اجيب اكل ممتعشين والساعه صارت ١١:٣٠ ...
باسل: بعد الي صار رجعت للبيت دايخ احس اكو شئ غلط شافتني امي وكالت..
ام رائد: هلا يمه شبيك ليش ضايج؟
باسل:ااااه يمه ميت مو بس ضايج (ونزلت لحضنها ابجي)
ام رائد: اسم الله عليك يمه شبيك يبعد كلب امك احجيلي
باسل: يمه اليوم جنت بمطعم اني وإيهاب دخلت بنيه تبجي شافتني بقت صافنه وسئلتني شنو اعود لقمر كتلها اخوها انصدمت سئلتها تعرفيها تكول لا صديقتها قبل يمه اني الغلطان صح اني الي وديت اختي لهاوي صح اني خليتها تتزوج غصب بدون حتى عرس ولا بدله بيضه الي تحلم بيها كل بنت مو صح؟(بدموع)
ام رائد: يايمه شتكول انت الي صار لا ذنبك ولا ذنب المرحوم هذا امر ربك وقمر فاهمه وجبيره تعرف تتصرف ووو اااه يمه انت تعرف ان قمر يمها ربك الرؤوف برحمته يحميها بس اليوم ماادري ليش اني هم احس بغصه وكلبي ناغزني المهم كوم كووم صلي وارتاح وادعي انو قمر ترجعلنا سالمه
باسل: انشاء الله يمه كايم ..رحت صليت وادعي ربي قمر ميصرلها اله الخير ورحت نمت بس مو كلمن نايم مرتاح كلبه ...
ليلى: من رحت شفت د.هيام وممرضه وياها بغرفه قمر ياربي سترك شصاير رحت بسرعه..هاا دكتوره شكوو شبيها قمر؟
د.هيام: لا عيني مبيها غير العافيه بس اجيت اتأكد من حالتها
ليلى: اوكي شكرا دكتوره..طلعت وبقيت كاعده يمها شوي واجه فهد بيده علب طعام..نعم فهد
فهد: قمرر بلا هل جفاء كافي تعبت ولله مو بس انتي مقهوره كومي اكلي وبلا عناد يلاا
ليلى: ااااف كمت احترما لا اكثر اوكي داده
فهد: اووكي بابه...اكلنا بعدها كعدنا على القنفه علمود ننام بس شفت انو ليلى حايره شلون تنام ..ليلى
ليلى:همم
فهد: تعالي تعالي (سحبتها راسها على رجلي واحرك بآيدي على شعرها) تعرفيني كلش زين شلون اتعذب بزعلج سامحيني يكلبي
ليلى:(بدموع) اوكي بس اوعدني متعيدها ولا تمد ايدك على وحده منا ووو اني هم ما اتحمل ازعل عليك
فهد:هههه ادري بيج يعمري ووكافي دموع صرفتي هواي اليوم
ليلى: حاااظر خيي...بعدها نمنا بهدوء والصبح سمعت حركه قريبه فزيت شفت قمر تحرك براسها وبأيدها.. فهد فهد اكعددد قمرر شووف
فهد: همممم شكوو شنووو قمر....
....................................................................
احبك بعدد نجوم سمائي عشرا✨
سارونه: شحيصير بقمر وشنو من مصايب جديده تنتظر فهد.. ترقبوا
loveall❤
أنت تقرأ
فصليتي الجميله
De Todoقصه فتاه جميله تحكمها الضروف على ان تكون فصليه لاحد ابناء الشيوخ فماذا ستفعل لتعيش بسعاده وهل يتغير مسار حياتها كليا... قصه قمر و فهد للكاتبه:✍سارونه💘💕
