تحت سقف بيتنا ..... هناك اناس لايهمهم سوى عيش الحظة ..... لايفكرون ان الغد ات وهم بعازة لقمة ..... لسد جوعهم بل همهم الوحيد هوة ان يتجمعو ... تحت سقف واحد وان لاتفرقهم ولاتغريهم الدنيا بملذاتها 👪👪👪
منقولة ... جانت تشوفني الرسمة مالتها قبل متشوفها للمعلمة (بدرس الفنية) ... مجانت تسوي شي اذا متكلي عليه ابدا .. عرفتها من قبل مندخل مدرسة اصلا ... بيتنا بدربونة صغيرونه و بظهره شارع عام .. البيوت الي بدربونتنا بسيطة قلبا و قالبا .. قلبا معناها الي بداخل هالبيوت ناس من اهل الله .. و قالبا معناها المظهر الخارجي للبيوت بسيط .. بيتنا جان بي زرعة جبيرة مادة كفشتها عبور الحايط (على كولة امي) .. يعني الحايط مالتنا ميبين اذا ملبوخ لو منثور من ورى هالزرعة .. جوى هاي الزرعة الخضرة اكو فتحة على شكل قوس ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي ابوية مسويها حتى مرات من يجي عليه صديق يكعدون برى شوية ... جوى هالقوس الاخضر اكو نص شجرة عتيك كلش مثبت بطابوكتين .. هالنص شجرة للكعدة .. اني هم جانت كعدتي وي جهال المنطقة ومن ضمنهم (رسل) هناك .. جان لعبنا و حتى قرايتنا مرات هناك .. بيت رسل بعد عن بيتنا خمس بيوت تقريبا .. جنت الصبح بالدوام الصبحي اكعد عالرصيف ومعلك الجنطه بظهري انتظرها ..
ابقى انتظر لحد متطلع من باب بيتهم وهي وي اول متطلع عيونها و وجهها كله تديره على جهة بيتنا حتى تشوفني ... اني رئسا اكوم انفض بنطروني من التراب مال الرصيف و اركض عليها .. الزم ايدها و نتمشى للمدرسة ..👫 بالطريق لحد منوصل للمدرسة نفتح مواضيع كومة .. مع العلم اني وياها متحاجين ورى الدوام يم بيتنا لو يم بيتهم كومة .. بس لا اني أمل من الحجي وياها ولا هي تمل من الحجي وياي ... نضحك على كلشي نشوفه بالطريق للمدرسة .. اذا شفنا بزونة نضحك عليها .. اذا شفنا وحدة تصيح هم نضحك لان طريق مدرستنا على سوك صغيروني بنص المنطقة .. و دائما النسوان اهل البسطيات يتعاركون من الصبح .. صيف و شتا نضحك ..
😊😊😊اجمل ما بالكون ابتسامت.... شخص عزيز ع قلبك بحيث تفرح لفرحه ويفرح لفرحك هكذا هي الدنيا يجب ان تعاش........
و حتى من تغرك المنطقة بالمطر هم نضحك .. مرة تزحلكت اني و بنطروني صار بي طين .. حبيبتي بصدريتها كامت تمسح الطين و هي هم توسخت خطية .. ضحكت اني بعد مجنت ضايج شلون راح اداوم هيج .. كالت اي اضحك هسة ثنينا مطينين .. مشت الايام و السنين و ركض كلشي بسرعه ... كبرت هي واني كبرت ...
