برمشة عين

البارت 18

  عــنِــدٍمًــأّ تٌـــريِّـــدٍوٌنِ أّنِ تٌـنِتٌـقُـــدٍوٌنِــي  👌😏
ضًـعٌـــــــــوٌأّ وٌجّـوٌهّـکْــــمً أّمًـــــأّمً أّلَحًــأّئــــطِ
وأّفُـرغُــــــوٌأّ جّـمًيِّـــعٌ أّنِتٌـقُأّدٍأّتٌـکْـــــم  ✋🌝
أّنِ أّسِـتٌـجّــأّبً لَکْـمً أّلَحًــأّئـطِ سِـأّسِـتٌـجّـيِّــبً لَکْــمً حًيِّنِهّــآ  ّ😌

رفُـعٌـــتٌ أّلَجّـــلَسِــــه 😌😏✋

#بغدا-ديه💜

#برمشه-عين❣

☘☘☘☘☘☘☘

بعد اسبوع تحديداً يوم الخميس .....
يوم عقد قران جان وقدر.....
قدر جانت گاعده
بغرفه الانتظار وگدامها عاكسه صورتها بالمرايه...
باوعت على نفنوفها وشعرها ومكياجها....
كله كان على أكمل وجه مثل ماتتمنه أي
بنت ثانيه بمثل هيج يوم بحياتها .....
بس السؤال هي رايده كل هذا ؟....
هذا الجانت تتمناه ؟...
صح جانت تحلم تلبس نفنوف مهرها ويتزين
بنصر يمنتها بخاتم بس خاتم منو؟....
هو هذا السؤال.....
جانت تحلم يكون شريك حياتها هي تختاره
عن حب ...يكون ترتبط بشخص تربطها
بيه مشاعر واحاسيس ولهفه لهيج يوم.....

بس الصار اليوم مهرها على شخص انجبرت
عليه ...ميربطها بيه غير الكره والحقد ....
والخوف من المستقبل...

كله لعيون أهلها ..
مرادت الاذيه الاهلها من هيج شخص...
وهي تدري كولش زين يگدر ينفذ تهديده ....
ويطرد اختها ويحرمها من اي فرصه شغل
بمكان ثاني.....

ماكسر خاطرها غير سالم يوم عرف بموعد
خطبتها من أمها ....
شافت نظراته تغيرت وحمر شكله ....
وصار يكح وكأن دا يخبي غضبه وصدمته....
بكحته ونزله راسه كل وقت والثاني ....
صح يوم الحفله جان عرف عن نفسه........
بصفه خطيبها بس متوقع الموضوع جدي.......
توقعه مجرد اغاضه إله.....
متحمل يبقه أكثر ويسمع أكثر عن تحضيرات
مهر الانسانه الوحيده اللي أول نضره تجاهه.....
صابته بمرض حبها .......
وكان لخاطرها مستعد يعدل نفسه وتصرفاته......
وتكون هي الوحيده ملكه قلبه وحياته.....
استأذن وصعد سيارته وطاربيها وفكره وحده...
تدور بباله ......
قدر هي اله ومتروح لغيره لو على قطع رگبته.....
سحب تليفونه ودك رقمها الحافظه أكثر
مما حافظ حروف اسمه ......
وره دكتين اجاه صوتها بدون سلام گال .....
عشر دقايق والگاج بفلان كوفي....
حاولت تعتذر وتتملص منه......
منطاها مجال بمجرد ما كمل كلامه سد الخط
بدون ميستمع لردها .....
حرك سيارته بحركه سريعه صار يمشي....
رون سايد..هذا الشي كان حيسببله حادث....
بس تلافاه بخبرته بالسيطرة على السياره...