لو كان لي قلبان💕للكاتبه ام رحيل ...ع م

لو كان لي قلبان بارت 7 💕

للكاتبه ام رحيل ...ع م

جانت روان اتسولف ويه رباح وهيه ابحلى شكل شعره الاصفر طويل وناعم نزل على جتفه الهوه ايطير خصلاته ...على خده وتوخر بيه ابئديه ...وعيون اثنين ايباوعوله
والحب مفضوح بعيونهم ..والحصره ابگلبهم وهم ايشوفوه تحچي ويه رباح...
ومشه ساهر بتجاه رباح و...روان..
-هااااابو شهد اشلونك ...
-اهلا ساهر ابخير اشكرك ...
-اشوفكم متصالحين انت وروان..ما تتعاركون
-لا اني ما عدي شي وياه .وهي شرحتلي  حالته  واعتذرت لان بعد وفاة خطيبه رباح
الي اني اخذت گلبه ..شعرت بلغضب من عدي
والهذا السبب اتصرفت هيچ...
-لا بالله صدگ ..روان ..اشو ما گلتيلي هذا الحچي ..
-ساهر انت وياي لو ضدي ...
-وهو اكو واحد يگدر ايصير ضد هتلر ..غير ايدخلنه مكينة الثرم ويسوينه كباب. ..
-اوي ساهر لعبت نفسي واجماله العزينه كله كباب ...
-عليمن اكلي زلاطه اخف الچ والمعدتچ حتى
ما تتخربط..لان العصبيه اتهيج المعده...
-ههههه..هو انت محامي لو دكتور ساهر سهوري
-ابكيفچ رمانتي ..اذا احتاجيتي محامي ساهر موجود..واذا دكتور ..نستعين ابصديق...
-ليش راح تربح المليون ..
-لا...راح نربح هوهو..
-هاي شنو هوهو...چلب...
-ههههه...لا رباح يا چلب...اسف....اسف...سعد
اعذرني راح نظل نغلط بسمك ..لان گلب رباح ابصدرك واحنه نعتبره عدل وبداخلك
-لا عادي ...رباح هم صديق عزيز عليه ..ومديون اله ابحياتي ..اي بس ما گلت
شنو هوهو...
-اگعد راحه ساهر وخلي خباثتك بعدين ...
-اني اسف الظاهر جاي اتدخل ابشي شخصي
ابيناتكم...
-لا ...لا شخصي ولا اكو اي،شي ابيناتنه انت فاهم غلط اني وساهر اولاد خاله وبس...
وهوهو ..تعني دلع ال هتلر. ...
-هتلر ...
-اي هتلر چنه اني ورباح انصيحله هتلر لان قويه وجباره مثل هتلر...
-هههههه هتلر حلوه بس ما ايلوگ الچ روان
ما امبين عليچ قويه مثل هتلر ...
-لعد شمبين عليه سعد ..بله اريد اعرف اشلون
اتشوفني..
-لا اني اسف مو قصة اشلون اشوفچ بس اني احب اقره كتب علم النفس ...
-زين لعد صارت الشغله علميه ويعجبني اعرف شخصيتي ابعلم النفس....شيكول
-زين بس ابدون زعل
-ابدون زعل👍👍👍👍
-انتي تتظاهرين بلقوه بس من الداخل ضعيفه ورقيقه واي شي ايأثر بيچ...بس هم
عنيده وما تستسلمين ابسهوله..وتمشين الطريق للاخر..وتتخذين من الهجوم وسيله
حتى ما ايبين انچ ضعيفه وخايفه...
واجتي هبه تمشي عليهم والغيره والخوف بعيونه ...وتسولف ويه روحه ...خلصت من جيهان..وگلب انمار...وادور..انتي روان الي لا الچ عده،لا گلب ولا عقل...سالفتچ سهله...
-هااا سعد خلصت حچي ..شهوده نعست وراح اتنام وتضطر اتشيله....
-اي ...هسه انروح ...وين جيهان حتى انوصله
ابدربنه..
-اوووو.... راحت من زمان عده باجر امتحان..
وما گدرت اتظل...
-هبه...ست هبه...
-نعم رعد ...
-جنتي تحچين ويه جيهان قبل اشويه ...
-اي وراحت لان عده امتحان باجر..
-بس شفته طلعت ترکض وتبچي ...خو ما صار،شي ...خاف تحتاج مساعده...
-ها لا مابيه شي...
-هبه اشبيه جيجي ..ليش تبچي ..
-سعد مابيه شي ...رعد مشتبه ..وبعدين من اشوگت اتصيحله جيجي...اسمه جيهان وهي ما اتحب ..اسم جيجي...يله شهد،نامت خل نمشي..
ومشت هبه گدام رباح ...مثل الزوجه الي اتحاسب زوجه وتغار عليه ...ورباح مشه شال شهد  للسياره بعد ما سلمو على كل الموجودين...
..روان..  ساعه تضحك وساعه اتسولف ويه روحه...وساهر ايباوع اله...
-هااا هوهو ...هتلر...رمانتي ...
-اششش بس كافي،شكد انت محامي،لزگه
خليني فرحانه اشويه الا اتعكر افكاري. 
-ههههه الله اليستر،من افكار هتلر. 
-صاير شاعر.. يله .وصلني للبيت ..لان خالتك اتبات اهنا لم اخته ما تگدر بعد،الضغط،صعد
وتگول عاد الاطباء يمي ...
-ورعد وين راح...
-ركب سيارته وطلع ...وين الله يعلم ..
-هاااا ...وانتي ضليتي على گلبي ...
-تحلم...سهوري ...
-راح اظل نايم ليل ونهار ...
-وليش ...صرت تنبل..
-لا حتى اظل،وياج بلحلم..
-ههههه ضحكتني ...يله تره راح اوگع من التعب واطيح ابرگبتك.  ...
وفجئه وبدون ما اتحس،روان شاله،ساهر ابحضنه ومشه للسياره ....
-ساهر ..هاي شسوي نزلني ...
-لا ..خاف توگعين واطيحين ابرگبتي...
-نزلني مو قصدي نزلني ...
-اشششش وصلنه ...اشبيچ ما راح اكلچ..
وهدءت روان وحست ابضربات گلبه قريبه
من جسمه ..وحست بدفو صدره وغمضت اعيونه واستسلمت ..لان فجئه حست بلتعب
من كل هاي الاحداث ورادت الامان ...والحب
-روان ...روان  نمتي ..افتحي باب السياره
ما اگدر اديه شايلتچ ...
-والله هاي مشكلتك اديه امكمشه بيهن ابرگبتك خاف اوگع ...
-روان..روان ...وجانت انفاس ساهر قريبه من وجه روان وعيونه اتريد تطلع من مكانه من كثر ما ايباوعن ابوجه... اعيونه الزرگ  وشفايفه وجماله الي اسر گلب ساهر وزادت دكات گلبه ..ومد طرف اصابعه وفتح الباب وروان حطت راسه على صدره ....وغمضت اعيونه...
ودخله ابهدوء بلسياره وحطه على الكرسي
وصار. اقرب من وجه روان.... وشفايفه قربت من خده... وطبع  بوسه ترتجف ودافيه..
-روان اسف...
- عادي ساهر ماكو شي نتأسف عليه...ردت عليه وهي حاطه راسه على الكرسي ومغمضه اعيونه...وحس ساهر ابمرارته ويأسه وبنفس الوگت حس ابهدوءه  ورقته.....ومن بعيد عيون ايبك اخو ساهر اتباوع الهم ابالم
وحزن ....ومن وراه هاله اخته اتلاحض الي ايصير...ابدون ما ايحس اخوه ايبك...
-ايبك...هاااا...هاي الوگفه والمكان مو الك..
وارتعب ايبك ...او. وگع اگلاص الماي من ايده ونگسر...
-دير بالك لا تتعور...اسفه خرعتك...
-اعرف هاله هذا مو مكاني بس مو بيدي اشوفه وياي بلشغل بلمعرض بلمشغل مال الخياطه بلعرض مال الازياء ...ويايه كل النهار وگلبي اتعلگ بيه
ولمن انخطبت ال رباح ايست ونسيت وبعد الي صار ال رباح رجع الامل  الي من جديد.وهسه اتحطم گلبي،مثل اگلاص الكزاز هذا....لمن شفته ويه اخويه ساهر ...وبعد كل امل ما ظل عدي....
-ايبك ...شنو هذا الحچي بلاساس روان اكبر منك ابسنتين يعني انت بلنسبه اله ابن خاله
وبس  ..والي ابعمره اتريد واحد اكبر،منه مو ازغر،منه وبعدك ابداية حياتك العمليه وهي رئيستك بلشغل ...واشوفه ما ضابطه وياك من كل،الجهات ...يله روح نام واني اعرفك ابصديقتي حلوه مثل الگمر ودافيه مثل الشمس....وانساه روان مو الك .... گدامك العمر كله ..بوبي ..
-والله اشلون گرايب كله القابهم على البزازين والچلاب ...هوهو...بوبي ...وبعد شكو...
-يله ...بسك اتباوع عليهم ..وامشي نام...
-عليمن اباوع السياره ومشت ...قابل اباوع
على اثر التايرات بلطريق...
-امشي واسمع كلام اختك الچبيره واني اجيبلك عروس اتخبل....
-عفيه هاله ...بس لا اتجيبيه من مراجعاتچ
المخبلات ...مو انتي طبيبة اعصاب...مثل عمچ. وابوچ...يعني معارفچ كلهن،امخبلات....
-انت شوفه وبعدين احكم ...
-يابه شو اني عجبتني السالفه وقابل...وشوگت اشوفه ...عدچ صوره اله..
-اهوووو...عندي فايل كامل اله. 
-لك هاي صدگ طلعت امخبله..ما طول بيه
فايل....
-هههههه.ديله امشي نام ...هسه انت،امحصل
وجاي تتمنن على صديقتي...
-ماشين انام ...وهسه يجينه الصباح ونشوف
الصديقه عاقله لو امخبله...