كنت ماشيه لوحدي ف عز خنقتي ع كورنيش دموعي مغرقه لبسي ،، قلبي بيوجعني وصوتي مش قادر يخرج حتي عشان اكلم ربنا زي ما تعودت ،، لساني مبيتحركش بس بتكلم ..
_يارب يارب هفضل مستنيه أمتي العوض عن كل حاجه ف حياتي يارب أنا اتخنقت وتعبت كل شويه اقول بكرا العوض يجي وبكرا الدنيا تبقي وردي وبقنع نفسي بكلام مش داخل عقلي ،، يارب انت حاسس بيا مش كدا ! طب اي اشاره ع كدا .
فجأه الدنيا مطرت ومقمتش انا بحب المطر حسيته نازل يشيل الهموم اللي ف قلبي وينضفني من جوا ،،
_اد ايه انت رحيم يارب يارب عوضك بقا عوضك يارب
-بتعملي ايه ! حرام عليك نفسك المطر شديد ولبسك خفيف سامحيني ع تطفلي بس مينفعش اسيبك كدا انتي زي اختي قومي امشي ،،
اداني شال كان ع كتفه
-خليه معاك يدفيك لحد ما تروحي
قومت وقلتله كلمه واحده شكرا
روحت وغيرت هدوم ونمت محستش بنفسي من تعب حتي مصلتش ،، صحيت ونزلت الكليه والسواد نايم تحت عيوني ..لبست ونزلت ،،روحت ع الكافيه جبت نسكافيه عشان افوق ملحقتش اشربه ف البيت واتأخرت وبما أن الدكتور أتأخر فخرجت اشربه
اخدته وراحه ع مدرج كنت بطلع المناديل من شنطه وف ايدي التانيه النسكافيه ،، خبطت ف واحد وانا مش واخده بالي
_استغفر الله العظيم ع صبح،، ياربي انا ناقصه ع صبح
رفعت وشي لقيته هو
_اا انا اسفه والله مقصدش ،، انت طب هات الجاكت اغسله وارجعولك مع الشال ،، اسفه تاني والله
-بس بس يا ياانسه حصل خير انتي شكلك تعبانه اصلا
_انا انا ريهام اسمي ريهام ،، فعلا تعبانه سامحني
-انا ادم ،، ولا يهمك والله ومش عايز الشال خليه
_انا اسفه لازم امشي عندي محاضره ،،سلام
مشيت ودخلت محاضرتي وروحت مكملتش اليوم من تعب ،، دخلت اوضتي لقيت ماما غسلت الشال وحطاه ع مكتب ،، اخدته وشميت ريحته ،، مش قادره اوصف اد ايه مريحه ريحته مريحه ايوا ،، خلص حطيته وقررت اخده معايا عشان ادهوله بكرا
_بس انا مش عارفه إن كان ف كليه ايه ولا سنه كام هوصله ازاي انا مش عارفه غير اسمه *ادم*.. هخده احتياطي وخلاص
روحت تاني يوم الكليه وهو معايا دخلت الكافيه يمكن اشوفه ملقتوش ،، دخلت المدرج عشان المحاضره ،، جات بنت ادتني ورقه
-ملامحك حزينه زي الاموات بس حاسس جواكي بروح لسه بتعافر...
_ايه دا مين دا اصلا !
حطيتها ف شنطه والمحاضره بدأت ،، وانا خارجه حد نادي عليا لفيت دا هو !
-انسه ريهام ،، لو سمحتي
_ريهام من غير انسه..كويس اني شوفتك اتفضل الشال متشكره ليك جدا
-ملامحك حزينه بس حاسس لسه فيك بروح بتعافر
_نعم !
-ايوا انا اللي كتبتها ،، انا عندي استعداد اساعد الروح دي ..تسمحيلي!
_نعم حضرتك ! بتقول ايه ؟ تعرف عني ايه عشان تقول كدا !
-ااعرف اعرف اني بحبك ياقلبي ازرق
_....
-مش بتردي ليه
_لا لحظه قلب ازرق ليه !
-عشان انا قررت يوم ما اقابل اللي تسرق قلبي من اول نظره هسميها كدا ،، بالنسبه لحبي للازرق أو ادماني له ..
_ههه بصره ياقلب ازرق
-قلب ازرق ايه بقا !
_عشان انا كمان قررت اني هسمي اول حب ف حياتي قلب ازرق .
*كأن قلوبنا التقت ف عالم ازرق ،، ثم جأت لتجمعنا💙*
#اسميته_ادم
Reham_Hassan
