Nagsimula sa patingin-tingin
Tinitignan upang kilatisin
Hanggang inaya upang kumain
At napili na kami'y tropahin
Araw-araw na nangangamusta
Tila anghel sa'ming mga mata
Ngunit pag kasama ang barkada
Nagbabago kanyang anyo bigla
Magulo man kami kung titignan
Maingay man sa inyong harapan
Kung kami ay inyong sasamahan
Panigurado'y masisiyahan
Sa problema kami'y sama-sama
Pagtitripan ka upang sumaya
Kabaliwang malakas ang tama
Hanggang dulo ay magpapasaya
